EURO KONT

Seminari në Gjilan
24.02.2026, ora 10:30
Universiteti Publik “Kadri Zeka”, Salla A-34.

📢 Seminare informuese për tatimpagues

Administrata Tatimore e Kosovës do të organizojë seminare informuese me temë “Deklarimi Vjetor i Tatimeve dhe Raportimi i Pasqyrave Financiare”, me qëllim ofrimin e udhëzimeve praktike dhe sqarimeve lidhur me:

• Deklarimin dhe pagesën e Tatimit në të Ardhura Personale dhe të Korporatave
• Kërkesat për raportim financiar sipas Ligjit për Kontabilitet, Raportim Financiar dhe Auditim

Në këto seminare ftohen të marrin pjesë tatimpaguesit, bizneset, OJQ-të, kontabilistët dhe qytetarët e interesuar.

📍 Orari dhe lokacionet janë të publikuara në njoftimin zyrtar.

Gëzuar Vitin e Ri 2026! 🎉

🎄✨ Urime festat e fundvitit nga Drejtori i ATK-së, me falënderim për qytetarët, tatimpaguesit, bashkëpunëtorët dhe stafin për kontributin në arritjen e rezultateve historike në vitin 2025.

Urime Dita e Flamurit për të gjithë shqiptarët! ❤️🖤

ATK evidenton 157 punëtorë të padeklaruar gjatë zbatimit të Planit të Përbashkët Operativ

Administrata Tatimore e Kosovës, në kuadër të bashkëpunimit ndërinstitucional dhe në mbështetje të Planit të Përbashkët Operativ të iniciuar nga Policia e Kosovës, konkretisht Drejtoria Kundër Trafikimit me Njerëz, ka realizuar aktivitete inspektuese në biznese me rrezik të shtuar për trafikim me qenie njerëzore, duke u fokusuar në qendrat e mirëmbajtjes trupore/masazhit dhe objektet e gastronomisë/ lokalet e mbrëmjes me muzikë live.

Plani është zhvilluar në linjë me Strategjinë Kombëtare Kundër Trafikimit me Njerëz 2022–2026 dhe ka përfshirë edhe Ministrinë e Industrisë, Ndërmarrësisë dhe Tregtisë (MINT) si dhe Inspektoratin e Punës, duke siguruar koordinim të plotë ndërinstitucional.

Gjatë datave 10–14 nëntor 2025, ATK ka angazhuar 30 ekipe inspektuese (60 inspektorë), të cilat kanë realizuar 106 inspektime në të gjitha regjionet e Republikës së Kosovës. Nga këto inspektime janë konstatuar:

• 20 raste të mosfiskalizimit,
• 35 raste të moslëshimit të kuponëve fiskal,
• 157 punëtorë të paregjistruar,
• 1 rast me mall pa dokument,

ATK mbetet e përkushtuar për të vazhduar bashkëpunimin e ngushtë me institucionet relevante, duke garantuar profesionalizëm, transparencë dhe trajtim të drejtë të të gjitha bizneseve, me qëllim forcimin e ligjshmërisë, rendit dhe krijimin e një tregu të rregullt, të drejtë dhe të sigurt në Republikën e Kosovës.

🎙️ Drejtori i Përgjithshëm i Administratës Tatimore të Kosovës, z. Mentor Hyseni, drejtohet qytetarëve dhe tatimpaguesve me një mesazh për vizionin dhe parimet që do të udhëheqin punën e tij në krye të institucionit. Një qasje e re, me përgjegjësi dhe transparencë , gjithmonë në shërbim të qytetarëve dhe zhvillimit të vendit.