Arab Consultants - الاستشاريون العرب

مفكر إن علاقتك بالناس بس بينك وبينهم وخلص؟
لأ عزيزي، انت ناسي أهم طرف!
العلاقة مش بين اتنين… العلاقة ثلاثية:
(إنت × ربنا × الناس).

بتكذب، بتخون، بتظلم، بتغش؟
مش قدام الناس بس… قدام ربك!

مفكر حالك بتكسب لما تضحك على حدا؟
إنت بالأصل بتخسر قدام اللي شايف وعارف كل إشي.

راجع حالك… مش كل شي بالدنيا فهلوة/بندقة
في شغلات حسابها ثقيل… ومش عند الناس.

اتصل الان!

كل عام وأنتم بخير بمناسبة الإسراء والمعراج 🖤

استفيد من نظرية ورق العنب في إنجاز مهامك المحاسبية بشطارة:

1. جهز كل أوراقك، ومستنداتك، وفواتيرك المالية ورتبها حسب تاريخها.
2. ضيف كل المعلومات وفرغها على الورقة النهائية اللي بتوضحلك تحركاتك المالية خلال الشهر.
3. لِفْ وحوّل هاي الأرقام لقرارات مالية للشهر الجديد، واتذكر إنه هاي القرارات مش لازم تكون مشدودة بحيث إنك ما تقدر تنفذها ولا رخوة بحيث تسببلك مشاكل وخسارة.
4. ما تنسى تضيف ملاحظاتك واستنتاجاتك التحسينية على هاي الأرقام لتخلي أداءها ونتائجها أفضل في الأشهر القادمة.

أهم ميزات تعاملك مع شركة خارجية لإنجاز قوائمك المالية السنوية؟

1. الحيادية: شركة المحاسبة هي طرف محايد مسؤوليته يحلل الوضع المالي لشغلك بدون ما يتأثر بأي عوامل خارجية.
2. الموضوعية: مسؤولية هاي الشركة إنها تقدملك وتعرضلك الحقائق حتى لو كانت غير مرضية بالنسبة إلك لتقدر تحسن وتطور على شغلك.
3. المصداقية: إنجاز قوائمك المالية من قبل طرف خارجي بساعد في زيادة ثقة الجهات اللي بتطلع على هاي القوائم بالمعلومات والأرقام اللي بتحتويها.
4. الدقة: الشركة اللي رح تتعامل معها لإنجاز قوائمك المالية بتكون معنية تقدملك أفضل وأدق خدمات لحتى تكسبك كزبون دائم وفي النهاية انتَ اللي رح تكون كسبان.

ليش دائما أسهمك خسرانة؟

سنة 2016 تعرضت شركة سامسونج لأزمة انفجرت نتائجها لتأثر على حياة وسمعة الشركة في السوق، بسبب خلل في بطارية جهاز (Galaxy Note 7) واللي انفجر مجموعة منها بين إيدين المستخدمين، ولولا ذكاء إدارة المخاطر التابعة للشركة كان اسم سامسونج اليوم اختفى من السوق، شو بتستفيد من تجربة سامسونج؟

1. ضروري يكون عندك فريق متخصص في إدارة المخاطر، أو تكون متفق مع شركة خارجية لإنك ما بتحزر إيمتا ممكن توقع المصيبة، وسامسونج كانت متجهزة بفريق متخصص خبرته مخيفة.
2. اخسر مصاريك بس ما تخسر اسمك، سامسونج فضلت تخسر مصاري في سحب أجهزتها من السوق وتعويض أضرار المستخدمين لتبين حرصها واهتمامها بمصحلتهم وتحافظ على اسمها في السوق.
3. ما توقف عند المشكلة واضرب ضربة معلمين بإنك تقدم أفضل ما عندك لتعيد ثقة جمهورك ومش بس هيك تزيد أرباحك، سامسونج بعد سحب أجهزة (Galaxy Note 7) بلشت بخط إنتاج متقدم لأجهزة تميزت بإبداعها وتفوقها التقني واللي ساهم بزيادة بيع وأرباح الشركة عما كانت عليه من قبل.

أهم الأمور اللي بشكفلك عنها إصدار القوائم المالية السنوية

أهم الصفات اللي لازم تتحلى فيها كريادي للأعمال

إذا كنت مفكر إنه إدارة الحسابات حكي فاضي لإنه شغلك صغير وبعده ناشئ فاسمحلي أخبرك إنك غلطان، والسبب إنه إدارة الحسابات:

1. بتساعدك تدير راس مالك الصغير بذكاء
2. بتحميك من تضييع مصاريك عالفاضي
3. بتساعدك تكبر شغلك ورصيد ديونك يضل صفر
4. بتحددلك وين تصرف راس المال وكيف وكم
5. ببساطة بتريحلك راسك من كتير مشاكل مالية ممكن يمر فيها شغلك في بداياته

ليش لازم يكون عندك إدارة مخاطر؟

مبدأ البقرة البنفسجية في الشغل بحكيلك ليش ضروري تميز بضاعتك وخدماتك عن باقي المنافسين، فعلى سبيل المثال إذا دخلت مزرعة للأبقار وكانوا كلهم بنفس الشكل اللي متعود عليه ولا بقرة رح تلفت نظرك، لكن إذا كان في وحدة بلون بنفسجي فأكيد رح تلفتلك نظرك ورح توقف عندها، بمعنى أبسط قدم اشي مش موجود عند غيرك، بهاي الحالة رح تقدر:

1. تجذب عدد كبير من الزبائن والمشترين
2. تحقق ربح مخيف حتى من بداية عمر شغل
3. تاكل السوق والمبيعات