Taxfiler Pakistan

۔FBR کی اِن لینڈ ریونیو دفاتر میں بڑی تنظیمِ نو، نئے ٹیکس زونز قائم۔۔۔
اسلام آباد: فیڈرل بورڈ آف ریونیو (FBR) نے ملک بھر میں اِن لینڈ ریونیو فیلڈ فارمیشنز کی تنظیمِ نو اور بعض دفاتر کی ازسرِ نو نامزدگی کا نوٹیفکیشن جاری کر دیا ہے۔

اس حوالے سے FBR نے 16 جولائی 2026 کو باضابطہ حکم نامہ جاری کیا، جس کا مقصد ٹیکس انتظامیہ کو مزید مؤثر بنانا اور کارپوریٹ ٹیکس دہندگان کی بہتر نگرانی کو یقینی بنانا ہے۔

نوٹیفکیشن کے مطابق ریجنل ٹیکس آفس-II (RTO-II) لاہور قائم کر دیا گیا ہے، جبکہ کارپوریٹ ٹیکس آفس (CTO) اسلام آباد کو ختم کر دیا گیا ہے۔

اس کے نتیجے میں ریجنل ٹیکس آفس اسلام آباد میں دو نئے کارپوریٹ زونز، کارپوریٹ زون-I اور کارپوریٹ زون-II قائم کیے گئے ہیں، جبکہ ریجنل ٹیکس آفس راولپنڈی میں بھی ایک نیا کارپوریٹ زون تشکیل دیا گیا ہے۔

۔FBR نے بعض موجودہ دفاتر کے نام بھی تبدیل کر دیے ہیں۔

میڈیم ٹیکس آفس کراچی (MTO Karachi) کو کارپوریٹ ٹیکس آفس-II کراچی (CTO-II Karachi)،
کارپوریٹ ٹیکس آفس کراچی کو کارپوریٹ ٹیکس آفس-I کراچی (CTO-I Karachi) اور ریجنل ٹیکس آفس لاہور کو ریجنل ٹیکس آفس-I لاہور (RTO-I Lahore) کا نام دے دیا گیا ہے۔

حکم نامے کے مطابق یہ تمام تبدیلیاں 16 جولائی 2026 سے فوری طور پر نافذ العمل ہیں۔ FBR نے پاکستان ریونیو آٹومیشن لمیٹڈ (PRAL) کو ہدایت کی ہے کہ وہ IRIS اور دیگر متعلقہ سسٹمز میں ضروری تبدیلیاں کرے۔

ماہرین کے مطابق نئی تنظیمِ نو سے کارپوریٹ ٹیکس دہندگان کے معاملات کی نگرانی مزید مؤثر ہوگی اور FBR کے نئے ٹیکس آپریٹنگ ماڈل کے نفاذ میں بھی مدد ملے گی۔

ٹیکس دہندگان اور ٹیکس پریکٹیشنرز کو مشورہ دیا گیا ہے کہ وہ اپنی ٹیکس حدودِ اختیار (Jurisdiction) کی جانچ کریں اور آئندہ تمام ٹیکس گوشواروں، درخواستوں اور خط و کتابت میں نئی فیلڈ فارمیشنز کا استعمال یقینی بنائیں۔

: FBR Order No. F.No.57(2)Jurisdiction/2026-77469-R

**📢 چھوٹے دکانداروں کے لیے بڑی خوشخبری – ایف بی آر کا مجوزہ آسان ٹیکس نظام**

ایف بی آر نے **SRO 1109(I)/2026** کے ذریعے چھوٹے دکانداروں کے لیے ایک **آسان اور اختیاری (Optional)** ٹیکس نظام کا مسودہ جاری کر دیا ہے، جس پر عوام سے **7 دن کے اندر تجاویز اور اعتراضات** طلب کیے گئے ہیں۔

**اہم نکات:**

✅ سالانہ ٹرن اوور **2 کروڑ نہیں بلکہ 20 کروڑ روپے (PKR 200 Million)** تک کے اہل دکاندار اس اسکیم سے فائدہ اٹھا سکیں گے۔

✅ ٹیکس صرف **1% گراس ٹرن اوور** کے حساب سے ہوگا، جبکہ کم از کم **25,000 روپے** ٹیکس ادا کرنا لازمی ہوگا۔

✅ اس اسکیم میں شامل دکانداروں کو عام طور پر **آڈٹ کا سامنا نہیں کرنا پڑے گا**، سوائے مخصوص معاملات کے۔

✅ **سیکشن 153 کے تحت ودہولڈنگ ٹیکس** کاٹنے کی ذمہ داری نہیں ہوگی، اور **سیکشن 113 کی کم از کم ٹیکس** کی شق بھی لاگو نہیں ہوگی۔

✅ اہل دکانداروں کو **POS یا Digital Invoicing** سسٹم لگانے کی بھی ضرورت نہیں ہوگی۔

⚠️ یاد رہے کہ یہ ابھی **صرف مجوزہ (Draft) اسکیم** ہے، حتمی قانون نہیں۔ ایف بی آر تجاویز موصول ہونے کے بعد اس میں تبدیلی کر سکتا ہے۔