Монгол Улсын Татварын мэргэшсэн зөвлөхийн нийгэмлэг

АЖЛЫН ХЭСГИЙН ТӨЛӨӨЛӨЛ ТАТВАРЫН ЕРӨНХИЙ ГАЗРЫН ДАРГАТАЙ УУЛЗЛАА
Энэ оны 10 дугаар сарын 22-ны өдөр зохион байгуулагдах Татварын боловсролын үндэсний III зөвлөгөөнийг зохион байгуулах ажлын хэсгийн төлөөлөл Татварын ерөнхий газрын дарга Б.Цогтнарантай уулзлаа.
Уулзалтаар Нийгэмлэгээс уламжлал болон зохион байгуулагдаж буй татварын боловсролын зөвлөгөөнд татварын алба хамтран ажиллах санамж бичгийн хүрээнд болон татвар төлөгчдөдөө зөвлөн туслах чиг үүргийнхээ дагуу хамтран ажиллахаа илэрхийллээ.

Татварын боловсролын үндэсний зөвлөгөөн III

АOTCA 2026 HONGKONG БҮРТГЭЛ ЭХЭЛЛЭЭ
Ази, Номхон Далайн Бүсийн Орнуудын Татварын Зөвлөхүүдийн Холбоо /AOTCA/-ны олон улсын ээлжит хурлын бүртгэл зарлагдлаа.
Энэ удаагийн хурал “Татварын шинэ эрин: Тогтвортой байдал, Хариуцлага, Шинэчлэл” сэдвийн хүрээнд 11 дүгээр сарын 07- 14-ний өдрүүдэд зохион байгуулагдана.
Та бүхэн дэлхий дахины татварын чиг хандлага, шинэчлэлийн талаар цогц мэдээлэл авах боломжтой.
“АОТСА 2026 HONGKONG”-д оролцох хүсэлтэй ТМЗ гишүүд https://submit.jotform.com/252892023259056 холбоосоор орж бүртгүүлнэ үү.
Жич: Хүний тоо хязгаартай.
Мэдээлэл авах утас: 76118989 /5/

Монгол Улсын Татварын мэргэшсэн зөвлөхийн нийгэмлэг нь Непал улсын татварын мэргэшсэн зөвлөхийн нийгэмлэгтэй найрсаг хамтын ажиллагаатай билээ. Непал улсад тохиолдсон байгалийн гамшигт өртсөн ард иргэдэд тус дэм болох зорилгоор Непалын ТМЗ нийгэмлэгээр дамжуулан хандив өгөх уриалгыг гишүүд дэмжигчиддээ хүргүүлж байна. Та энэхүү хандивт нэгдэхийг хүсвэл нийгэмлэгийн дансанд шилжүүлнэ үү. Таны сэтгэлийн өглөг буян болон дэлгэрэх болтугай. Хандивын мэдээллийг нээлттэй ил тод тайлагнан ажиллах болно.
Данс: Худалдаа хөгжлийн банк 370004000499135200,
Утга: Нэр, Непал хандив

ЭРДЭМТ БАГШ НАРТАА ХИЧЭЭЛИЙН ШИНЭ ЖИЛИЙН МЭНД ХҮРГЭЕ
Татварын мэргэшсэн зөвлөхийн тогтолцоог Монгол улсад хөгжүүлэн төлөвшүүлэх, Татварын боловсролыг түгээх их үйлсэд өөрийн хувь нэмрээ оруулан, татварын мэргэшсэн зөвлөх бэлтгэхэд хоёргүй сэтгэлээр зүтгэж буй ЭРДЭМТ БАГШ НАРТАА 2026-2027 оны хичээлийн шинэ жилийн мэнд хүргэе.

ХИЧЭЭЛИЙН ШИНЭ ЖИЛИЙН МЭНД ХҮРГЭЕ
Эрдэм мэдлэгийн их аянд гарах гэж буй хүүхэд багачууд, оюутан залуус, багш сурган хүмүүжүүлэгчид болон эцэг, эх, асран хамгаалагч та бүхэндээ 2026 - 2027 оны хичээлийн шинэ жилийн баярын мэнд дэвшүүлье.

ТАТВАРЫН БОЛОВСРОЛЫН ҮНДЭСНИЙ III ЗӨВЛӨГӨӨНИЙ АЖЛЫН ХЭСГИЙН ТӨЛӨӨЛӨЛҮҮД ОРОЛЦСОН УУЛЗАЛТ БОЛЛОО
Татварын мэргэшсэн зөвлөхийн нийгэмлэгээс 2 жил тутамд зохион байгуулдаг “Татварын боловсролын үндэсний зөвлөгөөн” энэ оны 10 сард болно. Тус ажлын хүрээнд ажлын хэсгийн төлөөлөл уулзаж, төр ба хувийн хэвшил, мэргэжлийн байгууллагуудын оролцоо, ажлын төлөвлөгөө зэрэг асуудлуудын хүрээнд санал солилцлоо.
Татварын боловсролын III зөвлөгөө нь татварын боловсролыг зорилтот бүлгүүдэд үр дүнтэй, хүртээмжтэй, тасралтгүй хүргэхэд шаардлагатай хүний нөөцийн чадавх, сурган заах арга зүй, мэргэжлийн шаардлага, бэлтгэх болон тасралтгүй хөгжүүлэх тогтолцоог тодорхойлж, хэрэгжүүлэх санал, шийдэл боловсруулахад чиглэх юм.

ХАМТАРСАН ЦАХИМ УУЛЗАЛТ БОЛЛОО.
Татварын мэргэшсэн зөвлөхийн нийгэмлэгийн хороодын дарга нар, салбарын дарга, менежерүүд болон татварын мэргэшсэн зөвлөх үйлчилгээ эрхэлдэг компаниудын удирдлагуудын хамтарсан цахим уулзалт боллоо. Уулзалтаар нийгэмлэгийн зүгээс
1. Ази, номхон далайн татварын зөвлөхүүдийн холбооны ээлжит чуулганы талаар
2. Япон, Монголын татварын мэргэшсэн зөвлөхийн нийгэмлэгүүдийн хамтын ажиллагааны замнал, цаашдын зорилт
3. Татварын боловсролын үндэсний зөвлөгөөний зохион байгуулалт, оролцооны талаар тус тус мэдээлэл хүргэж, санал солилцлоо.

Монгол Улсын Татварын мэргэшсэн зөвлөхийн нийгэмлэг болон Япон Улсын Татварын мэргэшсэн зөвлөхүүдийн нийгэмлэгийн хамтын ажиллагааны түүхэн замналаас танилцуулж байна. 🇲🇳🇯🇵