M FoodWise

နွေပူပူမှာ ရုတ်တရက် မိုးရွာချလိုက်တဲ့အခါ အေးမြသွားလို့ စိတ်ချမ်းသာရပေမဲ့ ကျန်းမာရေးရှုထောင့်ကကြည့်ရင်တော့ "မျက်စိနာရောဂါ" (Conjunctivitis) က အန္တရာယ်ပြုဖို့ ချောင်းနေတတ်ပါတယ်။

🌧️ နွေလယ်ခေါင် မိုးရွာခြင်းနဲ့ "မျက်စိနာရောဂါ" အန္တရာယ်
"နေပူပူ မိုးရွာရွာ" ဆိုတဲ့အတိုင်း ဒီရက်ပိုင်း ရာသီဥတုက တကယ်ကို ခန့်မှန်းရခက်နေပါတယ်။ အပူရှိန်ပြင်းနေတုန်း မိုးရုတ်တရက် ရွာချလိုက်တဲ့အခါ ပတ်ဝန်းကျင်မှာ စိုထိုင်းဆ (Humidity) တွေ ရုတ်တရက် မြင့်တက်လာပြီး ဗိုင်းရပ်စ်နဲ့ ဘက်တီးရီးယားတွေ ပေါက်ဖွားဖို့ အကောင်းဆုံး အခြေအနေ ဖြစ်သွားစေပါတယ်။
ဒီဗိုင်းရပ်စ်နဲ့ဘက်တီးရီးယားတွေ ကအခုလိုအခြေအနေမှာ မျက်စိထဲကိုဝင်ရောက်ဖို့ ပိုမိုလွယ်ကူနေပါတယ်။
ဒါကြောင့်မို့လို့ ဒီရက်ပိုင်းမှာ "မျက်စိနာတာ" တွေအဖြစ်များလာနိုင်တာပါ။ မျက်စိနာတာနဲ့ မိုးရွာတာ ဘယ်လိုဆက်စပ်နေလဲဆိုတာ ကြည့်ရအောင်။
💡 ဘာကြောင့် ဒီအချိန်မှာ မျက်စိနာတာလဲ?
1. အညစ်အကြေးနဲ့ ဖုန်မှုန့်များ: လေပြင်းတိုက်ပြီး မိုးရွာတဲ့အခါ လေထဲမှာ ဖုန်မှုန့်တွေ၊ ပိုးမွှားတွေ ပိုမိုလွင့်စင်လာပြီး မျက်စိထဲကို အလွယ်တကူ ဝင်ရောက်နိုင်ပါတယ်။
2. စိုထိုင်းဆ မြင့်မားခြင်း: မိုးရွာပြီးနောက်ဖြစ်ပေါ်တဲ့ စိုထိုင်းဆက ပိုးမွှားတွေကို ပွားများစေရုံတင်မကဘဲ ကျွန်တော်တို့ရဲ့ လက်တွေပေါ်မှာလည်း ပိုးမွှားတွေ ပိုမိုခိုအောင်းနေစေပါတယ်။
3. မိုးရေထဲက အညစ်အကြေး: မိုးရေထဲမှာ ပါလာတဲ့ အက်ဆစ်ဓာတ်နဲ့ လေထုညစ်ညမ်းမှုတွေက မျက်စိကို တိုက်ရိုက်ထိတွေ့တဲ့အခါ ယားယံတာနဲ့ ရောင်ရမ်းတာတွေကို ဖြစ်စေပါတယ်။

🛡️ မျက်စိနာခြင်းကနေ ဘယ်လိုကာကွယ်မလဲ?
* လက်ကို မကြာခဏ ဆေးပါ: ဒီဟာကအဓိက အချက်ပါပဲ။ လက်မဆေးဘဲ မျက်လုံးကို ပွတ်တာ၊ ထိတွေ့တာမျိုးကို အထူးရှောင်ကြဉ်ပါ။
* မျက်လုံးကို အေးနေအောင်ထားပါ၊ ဖုန်း(သို့)ကွန်ပြူတာအလွန်အကျွံသုံးခြင်းကိုလျှော့ပါ။
* မျက်နှာသုတ်ပုဝါ ခွဲသုံးပါ: မျက်စိနာတာဟာ ကူးစက်မြန်တဲ့အတွက် အသုံးအဆောင်ပစ္စည်းတွေကို မိသားစုဝင်တွေနဲ့ အတူတူရောမသုံးပါနဲ့။
* မျက်မှန် တပ်ဆင်ပါ: အပြင်ထွက်တဲ့အခါ ဖုန်နဲ့ မိုးရေ တိုက်ရိုက်မဝင်အောင် ကာကွယ်ပေးနိုင်ပါတယ်။
* မျက်လုံးကို ရေနဲ့ မဆေးပါနဲ့: မျက်စိထဲ ဖုန်ဝင်ခဲ့ရင် သန့်ရှင်းတဲ့ မျက်စဉ်းအစက်ချဆေး (သို့) ရေကျက်အေးနဲ့သာ အသာအယာ ဆေးကြောပါ။
အရေးကြီးသတိပေးချက်: မျက်စိနာပြီဆိုရင် ကိုယ့်သဘောနဲ့ကိုယ် အရမ်းပြင်းတဲ့ ပိုးသတ်ဆေးမျက်စဉ်းတွေ ဝယ်မခတ်ပါနဲ့။ နီးစပ်ရာ ဆေးခန်း (သို့) ကျွမ်းကျင်သူနဲ့ တိုင်ပင်တာက အန္တရာယ်အကင်းဆုံးဖြစ်ပါတယ်။
မိမိတို့ရဲ့ မိသားစုဝင်တွေနဲ့ သူငယ်ချင်းတွေလည်း သိသွားရအောင် ဒီ Post လေးကို Share လုပ်ပြီး သတိပေးလိုက်ရအောင်နော်။ 🌸

ကောင်းလိုက်တာ ရုပ်ပုံလေးတွေနဲ့ရှင်းပြပေးထားတာ 🙏🏻 ကလေးတွေကို သင်ပြပေးဖို့အတွက် အရမ်းအကျိုးရှိမှာ🙏🏻

Photo crd #