Protect Of You And Your Family With Insurance

" အာမခံထားတာတော့ဟုတ်ပါပြီ
နောက်နှစ်တွေ ငွေဆက်မသွင်းနိုင်ရင် ဘယ်လိုလုပ်ကြမလဲ"
ဒါမျိုးမကြာခဏအမေးခံရပါတယ်

ခေတ်ကာလအခြေအနေတွေကြောင့် လက်ရှိအလုပ်ရှိနေသော်ငြား အကြောင်းကြောင်းတွေကြောင့်အလုပ်မရှိတော့ရင် ဝင်ငွေနည်းသွားရင်...ဆိုတဲ့အတွေး လူတိုင်းမှာရှိနေကြတာ ကျွန်တော်တို့သိပါတယ် ။

#အသက်အာမခံသီးသန့်ဟာ_စုငွေသက်သက်ဖြစ်ပါတယ်
အာမခံယူထားတဲ့သက်တမ်းတလျှောက်နှစ်စဉ်‌ငွေသွင်းနေရမှာပါ #သွင်းနေတဲ့ငွေဟာစုငွေဖြစ်ပါတယ်

✅ငွေစုနေရင်းကြားကာလမှာဖြစ်လာတဲ့ကိစ္စတွေအတွက် သတ်မှတ်လျော်ကြေးရရှိခံစားနိုင်မှာဖြစ်ပြီး နှစ်ပြည့်လို့ဘာမှမဖြစ်ခဲ့ရင် စုငွေအားလုံးကို ၁၀၀% အခွန်ကင်းလွတ်ခွင့်နဲ့အတူပြန်ရမှာဖြစ်ပါတယ်
ဒါက အသက်အာမခံနဲ့မူလအခြေခံသဘောတရားပါ

စုငွေဆိုတဲ့အတိုင်း ပုံမှန်စုနေရမှာဖြစ်ပါတယ်
ဒီနေရာမှာ မဖြစ်မနေထည့်ရမယ်ဆိုတဲ့တာဝန်တစ်ခုရှိနေပါတယ်

ဘဏ်မှာပဲစုမယ်ဆိုရင် စုချင်တဲ့အချိန်စုမယ်
ပိုမှစုမယ် အားမှသွားထည့်မယ်ဆိုတဲ့အကြောင်းပြချက်တွေနဲ့ပုံမှန်စုဖြစ်ချင်မှစုဖြစ်ပေမယ့်...

✅အသက်အာမခံကြေးကတော့
#နှစ်စဉ်ပုံမှန်မဖြစ်မနေသွင်းရမယ့်တာဝန်ရှိပါတယ်
(ဖွံ့ဖြိုးပြီးသားနိုင်ငံတွေမှာတော့ လစဉ်လစဉ်အာမခံကြေးအမျိုးမျိုးကိုတာဝန်တစ်ခုအနေနဲ့
မဖြစ်မနေသွင်းရတဲ့ဓလေ့ရှိနေတာ အတော်ကြာပါပြီ )

ဒါဟာ
ဘဏ်မှာစုတာနဲ့ အာမခံမှာစုတာ ကွာခြားတဲ့သဘောပါ

✅နောက်တစ်ခုက
မိမိရဲ့အာမခံကြေးဟာ မိမိစပြီးယူစဉ်ကတည်းက
ကိုယ့်ဘက်ဂျက်နဲ့နိုင်နင်းတဲ့ပမာဏဖြစ်သင့်တာပါ

Agent က သူကော်မရှင်ရဖို့ မနိုင်မနင်းဖြစ်‌စေမယ့်ပမာဏကိုမြှင့်တင်ရောင်းချတဲ့အခါ
အကယ်၍ claim ပေါ်လာခဲ့ရင် အကာအကွယ်များစွာရနိုင်ပေမယ့် မချိမဆန့်ငွေပမာဏကို နှစ်စဉ်သွင်းနေရမယ်ဆိုတာ သတိပြုကြဖို့တော့လိုပါတယ်

ဒါ့ကြောင့် ငွေစုပါ
ဘဏ်မှာလည်းစုပါ
ငွေအရင်းမပျောက်ပျက်တဲ့အပြင် အရေးပေါ်အခြေအနေမှာ မိသားစုအတွက်သော်လည်းကောင်း
မိမိကျန်းမာရေးအတွက်သော်လည်းကောင်း
ရန်ပုံငွေတစ်ခုအဖြစ်ရှိနေမယ့်
#အသက်အာမခံထားပြီးတော့လည်း_ငွေစုပါ ။

တရားဝင်သတ်မှတ်ချက်အရ
အသက်အာမခံဟာ စုငွေပုံစံဖြစ်ပါတယ် ။
Credit Min Yel Kyaw Swar

အိမ်ထောင်ရှင်မ , မှီခိုဆိုသူတွေက
အာမခံထားလို့ရပါသလား ❓❓❓

ဘယ်သူရဲ့အသက်မဆို ဘယ်သူရဲ့ခန္ဓာကိုယ်မဆို
အဖိုးမဖြတ်နိုင်ပါဘူး
လူတိုင်းလူတိုင်းဟာ သူတို့မိသားစုအတွက် အဖိုးတန်လူသားတွေဖြစ်ပါတယ်

ဒါ့ကြောင့် ဝင်ငွေရတဲ့အလုပ်အကိုင်ရှိမနေတဲ့
အိမ်ရှင်မတွေအနေနဲ့ အသက်အာမခံ/ ရောဂါအာမခံတွေထားလို့ရပါတယ် ။

အိမ်ရှင်မတွေကို အာမခံလက်ခံဖို့
#ကုမ္ပဏီတစ်ခုနဲ့တစ်ခုတော့မတူကြပါဘူး

သူမရဲ့ပရီမီယမ်ကြေးကို သူမကိုယ်စားဘယ်သူသွင်းပေးမလဲဆိုတာဖြည့်ပေးရပါတယ်
ဝင်ငွေမရှိသူဖြစ်တဲ့အတွက်
အများဆုံးဘယ်လောက်ထိထားလို့ရသလဲဆိုတာ သတ်မှတ်ထားတာတွေရှိပါတယ်။

အိမ်ရှင်မတွေဟာ
တစ်အိမ်လုံးမှာအရေးအကြီးဆုံးဖြစ်ပါတယ်
သူမ,ကျန်းမာမှ သူမ,ရှိနေမှ တစ်အိမ်လုံးအဆင်ပြေမှာပါ ။

သေဆုံးခြင်းဆိုတာထည့်မတွက်ချင်ရင်တောင်
✅လေဖြတ်သွားခြင်း
✅ပြင်းထန်ရောဂါဖြစ်ပွားခြင်းတွေအတွက်
သူမကိုဆက်လက်ကုသဖို့ စရိတ်အများအပြားလိုအပ်ပါတယ် ။

ဒါ့ကြောင့် အာမခံတစ်စောင်ဟာ
အိမ်ရှင်မတွေအတွက်လည်း ထိုက်တန်ပါတယ်

အာမခံစုံစမ်းလိုတာပဲဖြစ်ဖြစ်
appointment ချိန်းဆိုတာပဲဖြစ်ဖြစ်
မက်ဆန်ဂျာကနေ ဆက်သွယ်နိုင်ပါတယ်။

Min Yel Kyaw Swar

အာမခံရက်ချိန်းရယူခြင်း

ဘဝအတွက်အရေးကြီးတဲ့အာမခံကိုထားမယ်ဆိုရင်
ကိုယ်သိချင်တာတွေမေးမြန်းဖို့အတွက် ရက်ချိန်း( appointment)ကို သေချာပေးပါ။

အာမခံကိုဖုန်းနဲ့မေးတာ/ စာနဲ့မေးတာထက်
လူကိုယ်တိုင်မေးတာက ပိုအဆင်ပြေမှာပါ

အချိန်အားဖြင့်လည်း ၄၅ မိနစ်လောက်ပါပဲ ။

သင်လိုချင်တဲ့အာမခံပုံစံ
သင်တတ်နိုင်တဲ့ဘက်ဂျက်အတိုင်းအတာ
ကုမ္ပဏီဘက်ကပေးနိုင်တဲ့အကာအကွယ်
ကုမ္ပဏီဘက်က မပေးနိုင်တဲ့ချွင်းချက်တွေ
အကာအကွယ်ရမယ်ဆို ဘယ်လောက်ထိရနိုင်မလဲ
အတိုးရမယ်ဆို ဘယ်လောက်ထိရနိုင်မလဲ
ငွေဆက်မသွင်းနိုင်ရင် ဘာဖြစ်မလဲ
ဒါတွေကိုသေချာဆွေးနွေးရမှာပါ
( တစ်စောင်တည်းနဲ့အကုန်ပြည့်စုံနေတဲ့
လူတိုင်းအတွက်လိုတရအာမခံဆိုတာမျိုး
ဒီကမ္ဘာမှာမရှိပါဘူး )

ကုမ္ပဏီရဲ့သမိုင်းကြောင်း
Agent က တရားဝင်လိုင်စင်ရဟုတ်/မဟုတ်
ဒါတွေကလည်း အရေးကြီးပါတယ်

ယောက်ျားကိုထားပေးဖို့ မိန်းမနဲ့ပြောလို့မရပါဘူး
ကျန်းမာရေးမကောင်းဘဲ ကောင်းတယ်လို့ လိမ်ပြောလို့မရပါဘူး
ရောဂါတွေရှိနေပြီဆိုရင်လည်း အာမခံမရနိုင်ပါဘူး
နိုင်ငံသားမဟုတ်ဘဲ အာမခံထားလို့မရပါဘူး
လက်ခံနိုင်တဲ့အသက်အပိုင်းအခြားကျော်လွန်နေရင်လည်း အာမခံထားလို့မရပါဘူး

နိုင်ငံတကာမှာတော့ ကိုယ်ထားမယ့်အာမခံကိုသေချာမေးမြန်းဆွေးနွေးဖို့ appointment သေချာယူကြတာပါ ။
အိမ်မှာဆွေးနွေးနိုင်တယ် ရုံးမှာဆွေးနွေးနိုင်တယ်
ကော်ဖီဆိုင်တစ်ဆိုင်ဆ်ုင်မှာဆွေးနွေးနိုင်ပါတယ်

Professional အာမခံအကြံပေးတစ်ယောက်ဟာ
မျက်နှာချင်းဆိုင်ဆွေးနွေးဖို့အမြဲအဆင်သင့်ရှိတယ်ဆိုတာ ယုံကြည်ပါ ။

လတ်တလောအခြေအနေအရ
နယ်မြို့တွေကလူတွေကလွဲရင်
မြို့ကြီးတွေမှာနေထိုင်တဲ့လူတွေက
အာမခံအတွက် မျက်နှာချင်းဆိုင်လူချင်းတွေ့ဆွေးနွေးလို့ရပါတယ် ။

အားလုံးပဲ အာမခံခြုံ၍ဘဝလုံကြပါစေ။

Min Yel Kyaw Swar

နိုင်ငံတကာမှာတော့
မိမိဝယ်ယူထားတဲ့ ဘယ်အာမခံမျိုးမဆို
မိမိရဲ့ ဘဏ်အကောင့်ကနေတဆင့်ပဲ
တိုက်ရိုက်ငွေပေးချေရပါတယ် ။

မြန်မာပြည်မှာတော့
အသက်အာမခံတွေစတင်ဝင်ရောက်လာတဲ့
၂၀၁၉/၂၀၂၀ လောက်မှာ pay အများစုကလည်း
စတင်မိတ်ဆက်နေရတဲ့အချိန်
လူတိုင်းမှာလည်း ဘဏ်အကောင့်မရှိကြသေးတဲ့အချိန်
နောက်ပြီး ကိုဗစ်ကာလ / နိုင်ငံရေးဂယက်တွေကြောင့် အပြင်ထွက်ဖို့မလွယ်/ acc ဖွင့်ဖို့ခက်ခဲနေခဲ့တဲ့အတွက်
အသက်အာမခံကျသင့်ငွေပရီမီယမ်ကို
အာမခံအကြံပေး ( agent) ကနေတဆင့်
ယာယီသွင်းနိုင်ဖို့ ခွင့်ပြုပေးခဲ့တာပါ ။

အခုအချိန်မှာတော့
အသက်အာမခံ/ ကျန်းမာရေးအာမခံစတဲ့
Life insurance နဲ့သက်ဆိုင်တဲ့အာမခံတွေကို
ကာယကံရှင်ကိုယ်တိုင် တိုက်ရိုက်ပေးသွင်းရတဲ့စနစ်ကိုပြောင်းလဲနေပါတယ် ။

✅မိမိရဲ့အာမခံဟာ မိမိနဲ့သာသက်ဆိုင်တာမို့
နှစ်တိုင်းသွင်းနေရမယ့် အာမခံအတွက်
ကိုယ်ပိုင် bank account တစ်ခုခု / pay တစ်ခုခုဖွင့်ထားသင့်ပါတယ် ။

✅ဖွင့်လို့မလွယ်ဘူး / account ကလည်းအကြောင်းတစ်ခုခုကြောင့် အပိတ်ခံထားရတယ်ဆိုရင်
နီးစပ်ရာဘဏ်ကနေတဆင့် အာမခံကုမ္ပဏီဆီကို
တိုက်ရိုက်ပေးသွင်းလို့ရပါတယ်
ဘဏ်အားလုံးနီးပါးမှာလည်း
အာမခံအတွက် payment တွေ ရနေပါပြီ။

✅နောက်တစ်ခုက
ကျေးရွာထဲ / ရပ်ကွက်ထဲမှာရှိတဲ့
Kpay/ wave pay စတဲ့ဆိုင်တွေကနေတဆင့်လည်း
မိမိအသက်အာမခံကိုငွေသွင်းခိုင်းလို့ရပါတယ်
ဝန်ဆောင်ခ ၃၀၀ ကျပ်ပဲကျသင့်ပါတယ်

✅မိမိကနိုင်ငံခြားရောက်နေခဲ့ရင်လည်း
မိသားစုဝင်တစ်ဦးဦးရဲ့ pay တစ်ခုခုကနေလည်း
ငွေလှမ်းသွင်းလို့ရပါတယ်
(ဒီလိုဖြစ်စဉ်အတွက် တချို့ကုမ္ပဏီတွေက
third party form တောင်းပါတယ်
တချို့ကုမ္ပဏီကတော့မတောင်းပါဘူး )

အားလုံးပဲ နားလည်ကြရန်မျှော်လင့်ပါသည် ။

ကြင်စဦးဇနီးမောင်နှံတွေ အနေနဲ့ မိသားစုတစ်ခု တည်ထောင်တော့မယ်လို့ ဆုံးဖြတ်ထားပြီဆို အနာဂတ်အတွက် မပူပင်ရအောင် သေချာစီမံထားဖို့တော့ လိုအပ်မယ်နော်။ ငွေကြေးဆိုင်ရာ ကိစ္စရပ်တွေအတွက်ရော၊ မျှော်လင့်မထားတဲ့အရာတွေအတွက်ပါ ပြင်ဆင်ပြီး စိတ်အေးချမ်းစွာနေနိုင်ဖို့ဆို “လုံခြုံစိတ်ချ ကောင်းမွန်တဲ့ဘဝ” တွေပေးနိုင်မယ့် အသက်အာမခံ ရယူထားဖို့တော့ လိုတာပေါ့။

As a newlywed couple, you need to plan for the future when you decide to start a family. To be prepared for financial matters and the unexpected scenarios, and to have peace of mind, you need to have a life insurance that will provide ”where will better take you”.

2024 နှစ်ရဲ့နောက်ဆုံးလ ဒီဇင်ဘာထဲမှာ
#ရန်ကုန်မြို့က အသက်အာမခံလိုင်စင်ယူချင်သူများအတွက် Training 5 တန်းကျန်ရှိပါတယ်။

ဒါဟာ ယခုနှစ်အတွက် နောက်ဆုံးတန်းခွဲတွေပဲဖြစ်ပါတယ် ။
ဒီဇင်ဘာလထဲမှာ သင်တန်းတက်/ စာမေးပွဲဖြေ / product training များအပြီးတက်ထားမယ်ဆိုရင် 2025 နှစ်ထဲမှာ Ready to service အနေအထားမျိုးရောက်နေမှာဖြစ်ပါတယ် ။

✅နှစ်သစ်မှာ အလုပ်အသစ်ထပ်မံလုပ်ကိုင်လိုသူများ၊

✅လက်ရှိအလုပ်အပြင် နောက်ထပ်အလုပ်တစ်ခုကိုထပ်မံလုပ်ကိုင်ရန်စိတ်ကူးနေသူများ၊

✅မိမိ၏မိသားစု/ social network မှာ
အသက်အာမခံ/ကျန်းမာရေးအာမခံ/ပညာရေးအာမခံအမျိုးမျိုးကို ဝန်ဆောင်မှုပေးချင်သူများ၊

✅အာမခံအလုပ်ကို professional ကျကျ လုပ်ကိုင်လိုသူများ တက်ရောက်နိုင်ပါတယ် ။

ပိတ်ရက်သီးသန့်တက်ရောက်ချင်သူများ
ပိတ်ရက်+ကြားရက် တွဲတက်ချင်သူများအတွက်
အဆင်ပြေအောင် စီစဉ်ထားပါတယ်။

သင်တန်းဖွင့်လှစ်မယ့်ရက်များမှာ
အောက်ပါအတိုင်းဖြစ်ပါတယ်။

Weekend+ weekdays တက်ရောက်လိုသူများ

🍀November 30+December 1/2/3
🍀December 14/15/16/17
🍀December 19/20/21/22

Weekend only တက်ရောက်လိုသူများ

🍀November 30+December 1 and
December 7/8

🍀 December 14/15 and
December 21/22

တက်ရောက်လိုသူများ
မက်ဆန်ဂျာမှတဆင့် စာရင်းပေးသွင်းနိုင်ပါတယ်။

Crd- Min Yel Kyaw Swar

အိုစာမင်းစာစုတဲ့အခါ
ရသမျှကျစ်ကျစ်ပါအောင်ဆုပ်ပြီး
ရွှေဝယ်တာ အိမ်ဝယ်တာ ကားဝယ်တာကဝယ်ကြပါ
အာမခံထားဖို့လည်း မမေ့ကြပါနဲ့။

အာမခံထားပါလို့ပြောရင်
ရွှေပဲဝယ်မယ်လို့ပြောကြပါတယ်
မမှားပါဘူး
အရေးပေါ်အခြေအနေတွေမှာရွှေရောင်းပြီးဆေးကုကြတာ မြန်မာ့ရိုးရာပါ
အာမခံတစ်စောင်သာရှိရင်
ဘာမှချရောင်းစရာမလိုတော့ပါဘူး

အာမခံထားပါလို့အကြံပြုရင်
အတိုးရတဲ့ဘဏ်မှာပဲအပ်မယ်လို့ အကြောင်းပြန်ပါတယ်
ဘဏ်ကအတိုးရပါတယ်
လိုတဲ့အချိန်ပြန်ထုတ်လို့ရပါတယ်
Emergency case တွေအတွက်ပြန်ထုတ်ရင်
အပ်ထားတဲ့ငွေ+အတိုးရပါတယ်
အာမခံတစ်စောင်ကတော့
ငွေအနည်းငယ်သာသွင်းရသေးပေမယ့်
သိန်းရာနဲ့ထောင်နဲ့ချီအလျော်ရနိုင်ပါတယ်

မိသားစုရဲ့အနာဂတ်ကိုကြိုတင် plan ချနေတယ်ဆိုရင် ပညာသင်ပေးပါ လိုအပ်တဲ့အရာတွေဝယ်ပေးပါ
သင်နာမကျန်းဖြစ်ရင် ရှိသမျှအကုန်ပြန်ရောင်းချပြီး
ဆေးကုသရမယ့်အခြေအနေကိုမဖန်တီးပါနဲ့
အာမခံတစ်စောင်သာ ထားထားပါ ။

" ငါမရှိတော့ရင် နင်တို့အစားရင်လေးတယ် " လို့
တွေးနေပြောနေမိပြီဆိုရင် အာမခံမယူရသေးလို့ဖြစ်ပါလိမ့်မယ် ။

အာမခံလေးတစ်စောင်က သင်မရှိတော့ရင်လည်း သင့်မိသားစုကိုအတိုင်းအတာတစ်ခု/အချိန်တစ်ခုအထိဆက်လက်တာဝန်ယူပေးသွားမှာပါ။

ဒါ့ကြောင့်
သိချင်တာတွေ မေးနေတာတွေအတွက်
မက်ဆန်ဂျာမှာအမြဲအဆင်သင့်ရှိနေပါတယ်
ဆက်သွယ်လိုက်ပါ
Min Yel Kyaw Swar # credit bro

Manulifeရဲ့ဘဝအာမခံနှင့်အတူအခြေအနေအရပ်ရပ်တိုင်းမှာလုံခြုံမှုကိုရယူလိုက်ပါ။

က​​နေဒါနိုင်ငံ အခြေစိုက် Manulife Life Insurance ရဲ့ Manulife Protector အကြောင်းရှင်းပြပေးမယ်နော်။

Manulife ရဲ့ (ဘဝအာမခံ/အသက်အာမခံ)မှာ သက်တမ်းအားဖြင့် ၁၀ နှစ် နဲ့ နှစ် ၂၀ သက်တမ်းဆိုပြီး (၂) မျိုးရှိပါတယ် ။

☂ ၁) ဘယ်အသက်အရွယ်မှာ အသက်အာမခံထားခွင့်ရှိလဲ?

🍀 အသက် ၁၆ နှစ်မှ အသက် ၅၅ နှစ် အထိ ရပါတယ်။

- အသက် ၁၆ နှစ်မှ ၅၅ နှစ်အထိ အာမခံသက်တမ်း (၁၀) နှစ် ထားလို့ရပါတယ်။

- အသက် ၁၆ နှစ်မှ ၄၅ နှစ်အထိ အာမခံသက်တမ်းနှစ် ၁၀ နှစ် (သို့) နှစ်၂၀ ထားလို့ရပါတယ်။

☂ ၂) အနည်းဆုံး / အများဆုံး ဝယ်ယူထားရှိနိုင်မယ့် အာမခံကြေးငွေပမာဏ?

🍀 အာမခံကြေးငွေ သိန်း ၅၀ မှ စ၍ သိန်း၉၀၀၀ အထိ ဝယ်ယူထားရှိနိုင်ပါတယ်။

☂ ၃) အာမခံကြေးငွေဘယ်လို သွင်းရမှာလဲ?

🍀 ဥပမာ- သိန်း၅၀ ကို အာမခံ သက်တမ်း ၁၀ နှစ် ထားမယ်ဆို တနှစ် ပျမ်းမျှ ၅ သိန်းသွင်းရပါမယ်။
#တလပျမ်းမျှကျပ် ၄၂၀၀၀(တရက် ၁၄၀၀)

နှစ်၂၀ သက်တမ်းဆို တနှစ်ပျမ်းမျှ နှစ်သိန်းခွဲ သွင်းရပါမယ်။

တနှစ် တကြိမ်(သို့) ၆လ နှစ်ကြိမ် ခွဲသွင်းနိုင်ပါတယ်။

*** မိမိ အသက်အရွယ်၊ အလုပ်အကိုင်၊ ဝါသနာ၊ ကျန်းမာရေး.....စသည်ဖြင့် ပေါ်မူတည်ပြီး သွင်းရမည့်ငွေပမာဏ အနည်းငယ်ကွာခြားပါမယ်။

☂ ၄) အသက်အာမခံဝယ်ယူပြီးရင် ဘယ်လို အကာအကွယ်/ အကျိုးခံစားခွင့်တွေရမှာလဲ?

ခေါင်းစဥ် နှစ်ခု နဲ့ရှင်းပြပါမယ်။

🍀ကျန်းမာရေးခေါင်းစဥ်အောက်မှာ ထာဝစဥ်မသန်စွမ်း (သို့)တိမ်းပါးသွားခဲ့ရင် ကိုယ်ဝယ်ယူထားတဲ့ အာမခံကြေးငွေပမာဏရဲ့ ၂၀၀%
ဥပမာ - သိန်း ၅၀ ဝယ်ရင် နှစ်ဆ သိန်း ၁၀၀

🍀 မတော်တဆ(by accident) ခေါင်းစဥ်အောက်မှာဆိုရင် အာမခံကြေးငွေပမာဏ ရဲ့ ၄၀၀%
ဥပမာ- သိန်း၅၀ ဝယ်ရင် လေးဆ သိန်း ၂၀၀ အကျိုးခံစားခွင့်ရရှိမှာပါ။

👆 တစုံတခု ဖြစ်ခဲ့ရင် ကျန်ရှိနေသေးတဲ့အာမခံသက်တမ်းအတွက် အာမခံကြေး ဆက်လက်ပေးသွင်းရန် မလိုတော့ပါ။

အထက်က ခေါင်းစဥ် နှစ်ခု အောက်မှာ ဘာမှ မဖြစ်ခဲ့ရင် ကိုယ်ဝယ်ယူထားတဲ့ နှစ် သက်တမ်းပြည့်တာနဲ့ အာမခံကြေးငွေ ပမာဏ ရဲ့ ၁၀၀% ပြန်လည်ရရှိမှာပါ။

🍀 ဘဝအာမခံ နဲ့အတူ အဖြစ်များတဲ့ ပြင်းထန်ရောဂါ ၉ မျိုး အတွက်ကိုလည်း တွဲဖက်ထားရှိလိုလျှင် (optional) Manulife ပြင်းထန်ရောဂါအာမခံ ရှိပါတယ်။
🍀 Premium သွင်းငွေ သက်သာစွာနဲ့ ဝယ်ယူထားတဲ့ အာမခံကြေးငွေ ပမာဏ အတိုင်း ဆေးကုသစရိတ် ပြန်လည်ရရှိမှာပါ။
(Cancer, Brain, Heart, Lung, Liver, Kidneys, Organ Transplant) စသည့်ရောဂါတွေရဲ့ ပြင်းထန် အဆင့်တွေ အတွက်ကုသမှုစရိတ်တွေ အကာအကွယ် ယူထားလို့ရပါတယ်။

🌻ပြင်းထန်ရောဂါအတွက် အကျိုးခံစားခွင့်ထုတ်ပေးပြီးလျှင် Manulifeဘဝအာမခံအတွက် အနာဂတ်ပရီမီယံ ပေးသွင်းငွေများကို ကင်းလွတ်ခွင့်ရမှာဖြစ်ပါတယ်။

🌻အာမခံသွင်းငွေပမာဏအလိုက် ပေးဆောင်ရမည့်ဝင်ငွေခွန်(Personal Income Tax)လည်း သက်သာမှာဖြစ်ပါတယ်။

🌻 မိမိရဲ့ဝင်ငွေကို အဓိက မှီခိုနေရတဲ့ မိဘ၊ မိသားစု ရှိတဲ့ အိမ်ထောင်ဦးစီးတစ်ယောက်ဟာ Financial Planning ကို အကောင်းဆုံးစီမံထားသင့်ပါတယ်။ အသက်အာမခံထားရှိထားခြင်းဖြင့် မိမိရဲ့ Financial Risk တွေကိုအာမခံကုမ္ပဏီကို transfer လုပ်ထားသင့်ပါတယ်။

🌻 #အဖိုးတန်တဲ့သင့်မိသားစု_သင့်ပိုင်ဆိုင်မှုများနဲ့_သင့်အနာဂတ်လုံခြုံစိတ်ချနိုင်ဖို့ရှင်းလင်းလွယ်ကူတဲ့
အာမခံအစီအစဉ်တွေကို အသေးစိတ်ဆွေးနွေးမေးမြန်းနိုင်ပါတယ်ရှင်။

🌻 ာManulifeMyanmarရဲ့5thAnniversaryလလေးဖြစ်ပါတယ်။ ဒီလအတွင်းမှာအာမခံထားရှိမယ့်Customerများအတွက်အထူးလက်ဆောင် လေးတွေလည်းရှိပါတယ်ရှင်။ 💵💳📱


Credit

Thankful for Tomorrow(သင့်ရဲ့မနက်ဖြန်တိုင်းကိုလုံခြုံစွာနေနိုင်ဖို့Manulife နဲ့လက်တွဲပြီးပိုမို‌‌ေတာက်ပ‌ေအာင်ပုံဖော်ကြမယ်) ခေါင်းစဉ်း နဲ့ Park Royal Hotel မှာယနေ့ပြုလုပ်သောပွဲလေး
Manulife Myanmar
တတ်ရောက်ပေးသော တစ်ဦးတယောက်ချင်းတိုင်းကိုကျေးဇူးတင်ပါတယ်ရှင့်💚💚

မဂ်လာပါရှင့်💕💕🌈💕💕

လစဥ်ပြုလုပ်နေကြဖြစ်တဲ့ Yangon Life Insurance Awareness Seminar ကို အခုတစ်ခါ “ Thankful for Tomorrow ” ဆိုတဲ့ ခေါင်းစဥ်နဲ့ November လအတွက် အဆင်သင့်ဖြစ်နေပါပြီ...

ဒီ ပွဲလေးကိုတော့ “ နို၀င်ဘာလ (9) ရက်နေ့မှာ၊ Park Royal Hotel , Yangon မှာ ကျင်းပသွားမှာဖြစ်ပါတယ်...

ကိုယ့်ကိုယ်ကို တန်ဖိုးထားချစ်မြတ်နိုးခြင်း အပါအဝင် ချစ်ခြင်းမေတ္တာအားလုံးကို ဂုဏ်ပြုလိုက်ပါ။ စိန်ခေါ်မှုတွေများတဲ့ ကမ္ဘာမှာ
သင်ကိုယ်တိုင်နဲ့ သင့်မိသားစုရဲ့ စိတ်အေးချမ်းသာမှုကို Manulife က ဘယ်လိုပေးဆောင်နေသလဲဆိုတာ ကြည့်လိုက်ရအောင်…

ကိုယ်ကိုယ်တိုင်နဲ့ မိသားစုအတွက် ကိုယ့်ရဲ့အလုပ်အကိုင်လမ်းကြောင်းတိုးတက်အောင် လျှောက်လှမ်းရင်းနဲ့ သေချာတဲ့အနာဂတ်တစ်ခုကို ဖန်တီးကြဖို့အတွက်
ခိုင်မာတဲ့ ဝင်ငွေ၊ ပျော်စရာကောင်းတဲ့ လုပ်ငန်းခွင်နဲ့ နိုင်ငံတကာ ကုမ္ပဏီကြီးတစ်ခုမှာ လုပ်ကိုင်ရင်း မြန်မာနိုင်ငံကမိသားစုပေါင်းများစွာကိုပါ
အကာအကွယ်ပေးချင်တယ်ဆိုရင်တော့ အခုပဲ Manulife နဲ့လက်တွဲပြီး Insurance Advisor အဖြစ် စတင်ဖို့ ဖိတ်ခေါ်လိုက်ပါတယ်...

အလုပ်အကိုင်အခွင့်အလမ်းနှင့်အသက်အာမခံအကြောင်းသိကောင်းစရာ
ရက်စွဲ - (9)ရက် ၊ နို၀င်ဘာလ ၊ 2024 (Saturday)
အချိန် - နေ့လည် ( 1:00 )နာရီမှ ( 2:30 )နာရီအထိ
နေရာ - Park Royal Hotel, Yangon

စာရင်းပေးသွင်းတက်ရောက်ချင်ရင်
Page Messenger မှာ နာမည်နဲ့ ဖုန်းနံပါတ်ပေးခဲ့ပေးပါနော်
ကျေးဇူးတင်ပါတယ် 💕💕🌈💕💕

Credit Ma Hmone

အသက်အာမခံလုပ်ငန်းကို MLM စနစ်နဲ့ရောထွေးမှားယွင်းလေ့ရှိကြတဲ့အတွက် ရှင်းပြပါရစေ....

🍀
အသက်အာမခံမှာ တရားဝင်လိုင်စင်လိုအပ်ပါတယ်
လိုင်စင်သင်တန်းကို ရက်အပြည့်တက်ရပြီး လိုင်စင်စာမေးပွဲဟာ အရည်အချင်းပြည့်မီတဲ့လူတွေမှသာ အောင်မြင်တာဖြစ်ပါတယ်။ သင်တန်းမတက်ဘဲဝင်ဖြေခွင့်မရှိသလို စာမကျေဘဲနဲ့လည်းမအောင်ပါဘူး
ပတ်သက်ရာပတ်သက်ကြောင်း လမ်းကြောင်းနဲ့လည်း လိုင်စင်ယူလို့မရပါဘူး။
လိုင်စင်ဟာ သက်တမ်းအားဖြင့် (၂)နှစ်ဖြစ်ပါတယ်။

ဆေးကုသခွင့် ရှေ့နေလိုက်ခွင့် ကားမောင်းခွင့်
အိမ်ခြံမြေအကျိုးဆောင်ခွင့်စတဲ့ တခြားသက်မွေးလုပ်ငန်းတွေမှာလည်း လိုင်စင်အသီးသီးလိုအပ်ပါတယ်။

🌹
MLM စနစ်မှာ agent လိုင်စင်မလိုအပ်ပါဘူး။
Member ဝင်မယ် ပစ္စည်းတွေကိုငွေကြိုသွင်းပြီးထုတ်ယူမယ် ပြီးရင်ဖြန့်ချိမယ်
ပစ္စည်းဝယ်နိုင်တယ် ဖြန့်နိုင်တယ်ဆို
ဘယ်သူမဆိုလုပ်လို့ရပါတယ် ။
ဒီသဘောနဲ့သွားပါတယ်

🍀
အသက်အာမခံဟာ ဝန်ဆောင်မှုကိုရောင်းချရတာပါ
အကောင်အထည်ဖော်ပြလို့မရပါဘူး
အာမခံတစ်စောင်ရောင်းချပြီးရင် အဆိုပါအာမခံရဲ့သက်တမ်းကိုလိုက်ပြီး ၃နှစ်၊၅နှစ်၊၁၀နှစ်စသ‌ဖြင့် service ပေးနေရပါတယ်
တချို့အာမခံတွေဆိုရင်
အနှစ်၂၀ အနှစ်၄၀စသဖြင့်သက်တမ်းရှိကြပါတယ်

ပြောရရင် customer နဲ့ agent က ကာလရှည်ဆက်ဆံနေရမယ့် လုပ်ငန်းဖြစ်ပါတယ်။
ရောင်းပြီး,ပြီးတဲ့ ရေတိုလုပ်ငန်းမဟုတ်ပါဘူး

🌹
MLM စနစ်ကတော့ လူသုံးကုန် အလှကုန် ဆေးဝါးတွေကိုရောင်းချရတာမို့ အကောင်အထည်ချပြလို့ရပါတယ် ရောင်းရတဲ့ပစ္စည်းကိုမြင်နေရပါတယ်
ပစ္စည်းကိုသဘောကျတဲ့လူကဆက်သုံးမှာဖြစ်ပြီး
မကြိုက်တော့ရင် ထပ်မဝယ်တော့တာမို့
Customer နဲ့ရေရှည်ဆက်ဆံရေးရှိထားစရာ (သိပ်)မလိုအပ်ပါဘူး ။
customer ကဆက်သုံးချင်ရင် agent ပြန်လုပ်နိုင်ပါတယ်

🍀
အသက်အာမခံလုပ်ငန်းမှာ
Agent ကိုယ်တိုင်က အသက်အာမခံတစ်စောင်မဖြစ်မနေဝယ်ပြီး member ဝင်ရတာမျိုးမရှိပါဘူး
( ဝယ်ချင်ဝယ် မဝယ်ချင်နေပါ )
အာမခံအစောင်ရေတွေအများကြီးကြိုဝယ်ထားပြီး လူတွေကိုလိုက်ရောင်းလို့လည်း မရပါဘူး။

အသက်အာမခံဆိုတာ အသက်အရွယ်/ကျန်းမာရေးအခြေအနေ/အလုပ်အကိုင်/အာမခံထားငွေစတဲ့အချက်အပေါ်မူတည်ပြီး လူတစ်ယောက်အတွက် သီးသန့်တစ်စောင်ထွက်လာတာမျိုးပါ။

🌹
MLM စနစ်မှာတော့ member ဝင်ပြီးရင်
ငွေရင်းနိုင်ရင် ပစ္စည်းအများကြီးကြိုယူထားလို့ရပါတယ်
ကိုယ့် network ကြီးရင်ကြီးသလို ရောင်းချနိုင်ပါတယ်

🍀

နောက်ထပ် လူအများကြီးရောထွေးနေကြတာ
Recruiting ကိစ္စပါ
အသက်အာမခံမှာ recruitment က
မဖြစ်မနေလုပ်ရတဲ့ကိစ္စမျိုးမရှိပါဘူး
လုပ်ချင်လုပ် မလုပ်ချင်နေလို့ရပါတယ်
network based process ဖြစ်တဲ့အတွက်
နယ်ပယ်အစုံအထိ အာမခံမျိုးစုံရောက်ရှိနိုင်ဖို့က recruitment လုပ်မှ နေရာစုံအထိရောက်နိုင်မှာပါ။

( လူခေါ်ပေးရတယ်ဆိုတဲ့အသုံးအနှုန်းမကြာခဏကြားရပါတယ် ဒါကဒီလောကမှာမှမဟုတ်ဘဲ လုပ်ငန်းတိုင်းမှာ distributors တွေလိုကိုလိုအပ်ပါတယ် )

🌹
MLM စနစ်မှာလည်း သူတို့ products တွေကိုဆက်လက်ဖြန့်ချိပေးမယ့် agents / distributors တွေ လိုအပ်ပါတယ် ဒါ့ကြောင့် recruitment အမြဲလုပ်နေကြရပါတယ် ။

🍀
နောက်တစ်ခုက
အဆင့်ဆင့် management လုပ်ရတယ်ဆိုတဲ့ကိစ္စပါ
အသက်အာမခံလုပ်ငန်း ၉၀% က လစာမပေးပါဘူး
Commission and bonus စနစ်နဲ့သွားပါတယ်
ဘာလို့လည်းဆိုတော့ အလုပ်မလုပ်ဘဲထိုင်နေတဲ့လူတွေအတွက်လစာပေးဖို့မလိုအပ်လို့ပါ ။

Agent တွေရဲ့ များပြားလှတဲ့ကိစ္စမျိုးစုံ
Customer တွေရဲ့ complain ပေါင်းစုံ
သူတို့ရဲ့အမည်ပြောင်းခြင်း ဖုန်းနံပါတ်/Gmail/ လိပ်စာပြောင်းခြင်း အကျိုးခံစားခွင့်ထားသူပြောင်းလဲခြင်း အာမခံကြေးပြောင်းလဲခြင်း အလုပ်အကိုင်ပြောင်းလဲခြင်း အာမခံကြေးအချိန်မီမသွင်းခြင်းစတဲ့ဖြစ်စဉ်အားလုံးကို
ရုံးတစ်ခုတည်းကဖြေရှင်းပေးဖို့ဆိုတာ မဖြစ်နိုင်တဲ့ကိစ္စပါ ဒါ့ကြောင့် management level အဆင့်ဆင့်ထားထားပါတယ်

🌹
MLM စနစ်မှာလည်း ပစ္စည်းဖြန့်ချိခြင်း ကော်မရှင်ခွဲဝေခြင်းနဲ့ distributors တွေကို ထိန်းဖို့ layer by layer သွားကြပါတယ်

🍀
အသက်အာမခံလုပ်ငန်းအတွက် ရရှိတဲ့ကော်မရှင်ဟာ ကုမ္ပဏီကပေးတာဖြစ်ပါတယ် ။
customer ကမပေးဆောင်ရပါဘူး ။ ကော်မရှင်ပေးလိုက်တဲ့အတွက် အသက်အာမခံကြေးက‌
ဈေးတက်မသွားပါဘူး။

🌹
MLM စနစ်အတွက် ကော်မရှင်ကတော့
ပစ္စည်းရဲ့မူရင်းတန်ဖိုးနဲ့ နောက်ဆုံးစားသုံးသူလက်ထဲရောက်လာတဲ့ဈေးနှုန်းကြားက ကွာခြားသွားအမြတ်ငွေထဲက အချိုးကျခွဲဝေကြတာဖြစ်ပါတယ်။

🍀

အသက်အာမခံလုပ်ငန်းအားလုံးက
ပြည်တွင်းမှာတရားဝင်မှတ်ပုံတင်ကြရပါတယ်။
နိုင်ငံတော်ဆီကနေ ငွေတိုက်စာချုပ်တွေအများကြီးကို ကျပ်ငွေဘီလီယံနဲ့ချီအောင်ဝယ်ထားရပါတယ် ။ လုပ်ငန်းလိုင်စင်/ agent လိုင်စင်အားလုံးကို ထိန်းချုပ်ထားပါတယ်။ အဆင့်ဆင့်စစ်ဆေးပြီးမှ တရားဝင်လုပ်ကိုင်ခွင့်ချပေးခဲ့တာပါ။

ငွေကြေးစီးဆင်းမှုဖြစ်စဉ်ဖြစ်တဲ့အတွက် agent တွေရဲ့ personal data/ bank account အားလုံးကိုမဖြစ်မနေပေးထားရပါတယ် ။ ကမ္ဘာ့နိုင်ငံအသီးသီးမှာလည်း အာမခံလုပ်ငန်းအားလုံးမှာ ပါဝင်ပတ်သက်နေသူအားလုံးရဲ့ bank account အားလုံးကိုလွှတ်ပေးထားတာမျိုး ဘယ်မှာမှမရှိပါဘူး ။

ဒါ့အပြင် အခုပြည်တွင်းမှာရှိနေတဲ့အသက်အာမခံကုမ္ပဏီ၅ခုစလုံးက နိုင်ငံတကာမှာလည်း လက်ရှိဝန်ဆောင်မှုပေးနေဆဲ ထိပ်တန်းရောက်နေတဲ့ကုမ္ပဏီတွေဖြစ်ပါတယ် ။
အာမခံအပိုင်းသာမက ဘဏ်လုပ်ငန်း စတော့ရှယ်ယာလုပ်ငန်းတွေပါလုပ်ကိုင်နေကြတာဖြစ်ပါတယ်။သက်ဆိုင်ရာ websites တွေမှာအလွယ်တကူဝင်ရောက်ကြည့်ရှုနိုင်ပါတယ် ။ ပြည်တွင်းမှာပဲရှိတဲ့ local အာမခံကုမ္ပဏီတွေလည်းရှိပါသေးတယ်။

🌹
MLM လုပ်ငန်းတွေရဲ့ ကုမ္ပဏီနာမည်တွေ နဲ့ လက်ရှိမှာတရားဝင်လုပ်ကိုင်ခွင့် ရ/မရ ကျွန်တော်မသိပါဘူး။ MLM products အများစုက ထိုင်း၊တရုတ်စတဲ့နိုင်ငံတွေကနေလာကြတာများပါတယ် ။

တကမ္ဘာလုံးဖြန့်ချိတာမျိုး (သိပ်)မတွေ့ရပါဘူး
နိုင်ငံအများစုကတော့ အခုလို MLM စနစ်နဲ့ပစ္စည်းဖြန့်ချိတာကို ခွင့်မပြုပါဘူး။

**********

တူညီတဲ့အချက်တွေလည်း ရှိကြပါတယ်။
ကော်မရှင် + bonus ခံစားခွင့်ရတာ
ရောင်းရင်ရောင်းသလောက် ဝင်ငွေရကြတာ ပြည်တွင်းပြည်ပခရီးစဉ်တွေပို့ပေးကြတာ
ရောင်းအားကောင်းသူတွေကို Dinner စီစဉ်ပေးတာ ဆုတံဆိပ်တွေပေးတာ Promotion တွေပေးတာ
ဒီအချက်တွေကတော့ တူညီပါတယ်။

( MDRT လို တကမ္ဘာလုံးကအသိအမှတ်ပြုတဲ့ဆုမျိုးတွေကိုတော့ အသက်အာမခံ‌လောကမှာပဲရှိပြီး
MLM စနစ်မှာတော့ သူတို့ကုမ္ပဏီကသူတို့ဖာသာပေးတဲ့ဆုမျိုးတွေသာ တွေ့ရပါတယ်
Global Awards မျိုး Worldwide recognized မျိုး
မရှိပါဘူး )

လုပ်ငန်းနှစ်ခုစလုံးက
အလုပ်မလုပ်ရင် ဘာမှခံစားခွင့်မရတဲ့ စနစ်ပါ
မနက်ရုံးတက်/ညနေရုံးဆင်း အလုပ်ရှိရှိမရှိရှိ အချိန်တန်လကုန်ရင်လစာထုတ်လို့ရတဲ့
လခစားအလုပ်မျိုးမဟုတ်ပါဘူး ။
လုပ်ရင်ရမယ် မလုပ်ရင်မရတဲ့
တိကျပြတ်သားတဲ့စနစ်မျိုးတွေပါ။

************************************

" ကော်မရှင်ရမယ် "
" လူခေါ်ရတယ် " စတဲ့အသုံးအနှုန်းတွေကြောင့်
အသက်အာမခံ industry အပေါ် တခြားသောလုပ်ငန်းတွေနဲ့ရောထွေးတတ်ကြပါတယ် ။

တစ်ခုသိရမှာက
ဘယ်နိုင်ငံမဆို လူသားတွေရှိနေသမျှ
ဘဏ်လုပ်ငန်း နဲ့ ဆေးရုံတွေရှိနေမှာဖြစ်ပြီး
အဆိုပါလုပ်ငန်းနှစ်ခုရှိနေသရွေ့ အသက်အာမခံ/ကျန်းမာရေးအာမခံ/ပညာရေးအာမခံလုပ်ငန်းဆိုတာ တရားဝင်ရှိနေမှာပဲဖြစ်ပါတယ် ။
ဘာအကြောင်းနဲ့မှ ပျောက်ကွယ်သွားမှာမဟုတ်ဘူးဆိုတာ သိထားရမှာပါ ။

ဘယ်နိုင်ငံမှာပဲဖြစ်ဖြစ်
အသက်အာမခံလုပ်ငန်း‌တွေရဲ့အခြေခံလုပ်ငန်းလည်ပတ်ပုံတွေက အားလုံးအတူတူပါပဲ ။

တိုးတက်ပြီးသားနိုင်ငံတွေမှာလည်း
အာမခံဆိုတာ ဘယ်နေရာဖြစ်ဖြစ်အမြဲပါဝင်နေပြီး
ဖွံ့ဖြိုးမှုနောက်ကျနေသေးတဲ့မြန်မာနိုင်ငံမှာတော့
အခြေချခဲ့တာ သက်တမ်း ၅နှစ်သာ ကြာပါသေးတယ် ။

မည်သူတစ်ဦးတစ်ယောက်
မည်သည့်လုပ်ငန်းကိုမှ ထိခိုက်စေလိုခြင်းမရှိပါ။
အများအမြင်ရောထွေးနေတာတွေကို
သိသင့်သလောက်သိစေရန်သာ
ဘက်မလိုက်ဘဲရည်ရွယ်ရေးသားပါသည် ။

အားလုံး
အဆင်ပြေကြပါစေ။
Min Yel Kyaw Swar. Credit bro