23/02/2026
فرق بين le comptable, le caissier et le trésorier
- الصرّاف (Caissier) : من الاسم ديالو واضح، le caissier هو للي فتواصل مباشر مع الفلوس. فالـsupermarché، فالمحل، فالصيدلية، فالمحطة… هو للي كياخد الفلوس كاش، كيرد الصرف (la monnaie)، كيطبع le ticket، وكيخلي la caisse متزنة ومافيهاش خطأ فالآخر ديال الخدمة. المهمة ديالو كتكون سريعة، دقيقة ومباشرة : يتخلص، يعطي الصرف، يسلم السلعة، ويحافظ على la caisse ناضية ومرتبة. الى كاين شي خطأ فالحساب، هو للي كيرجعو لعندو يخلص.
- أمين الخزينة (Trésorier) : هذا هو للي كيرتب جميع فلوس الشركة، كيسيّر la trésorerie كاملة : يشوف واش عند الشركة فلوس كافية فالحساب البنكي باش تخلص les salaires، les fournisseurs، les impôts… كيراقب الديون اللي على الزبائن (recouvrement)، كيخلص الموردين فالوقت. كيتنبأ بنقص للفلوس فالأيام والشهور الجاية (prévisions de trésorerie)، كيحاول يقلل les découverts البنكية اللي كتكون غاالية 🥲، و الى كان فائض كبير كيحطو فشي placement قصير الأجل باش يجيب شوية ربح. يعني هو للي كيحافظ على توازن الفلوس ديال الشركة وكيخليها ما توقعش فمشاكل سيولة (problèmes de liquidités).
- المحاسب (Comptable) : هذا هو للي كيصور كلشي فالورقة (أو فالكمبيوتر). ما كيمسش الفلوس بيديه، ولكن كيتبع وكيسجل كل حركة : كل فاتورة خرجت، كل شراء، كل خلاص، كل salaire… كيصنف كل حاجة (achats, ventes, charges, produits…) باش الحسابات تبقى واضحة وصحيحة، كيسيّر الخلاص ديال الضرائب و الرسوم الاجتماعية les déclarations TVA، CNSS، impôts… وفنهاية السنة كيجهز le bilan وle compte de résultat. يمكن نقولو هو “الحارس” والـ”طبيب” ديال المالية ديال الشركة، كيشوف واش كاين شي مشكل قبل ما يكبر.
باختصار بسيط :
• caissier = كيدير الصندوق والكاش يوميا
• trésorier = كيدير كل فلوس الشركة وكيخطط ليها
• comptable = كيتبع، كيسجل وكيراقب كلشي ماليا و لكن الفلوس ماتايشوفهومش
Groupe comptables marocain
19/02/2026
06/02/2026