英稅 Oscar Ip & Co. Chartered Accountants

🏠【移居英國後，你會唔會同奶奶一齊住？將來又會唔會同新抱一齊住？】

最近遇到一個家庭個案

一位六十幾歲嘅媽媽，手上有一筆積蓄。佢見個仔同新抱每日都要返工，又要照顧小朋友，生活非常忙碌，於是諗住將一筆錢送畀個仔，幫佢哋買一間大啲嘅屋。

新屋多一間房，媽媽亦可以搬入去一齊住。

媽媽覺得呢個安排幾好：

「我幫個仔減輕買樓壓力，自己年紀大咗又有人照應。佢哋兩公婆返工，我又可以幫手接送孫仔、煮飯同做吓家務，一家人互相照顧。」

對好多移居英國嘅香港家庭嚟講，呢個想法其實非常現實。

喺香港可能有親戚、朋友或者家務助理幫手；但嚟到英國，兩公婆都要返工，小朋友要返學、參加課外活動，病咗又要臨時請假照顧。

呢個時候，「四大長老」往往唔只係長輩，而係整個家庭最可靠嘅後援。

有人幫手接放學、煮一餐飯、照顧生病嘅小朋友，已經可以令兩公婆減輕好多壓力。

對長輩嚟講，可以陪住仔女同孫仔成長，亦唔使一個人孤零零生活。三代同堂，屋企熱鬧啲，大家遇到事情亦可以互相照應。

但係，同住嘅另一面，又係咪真係咁簡單？

媽媽可能覺得：

「我出咗錢幫手買樓，又幫你哋照顧小朋友，大家已經係一家人，點解仲要分得咁清楚？」

新抱可能會覺得：

「我好多謝奶奶幫手，但我都想有自己嘅家庭空間，同埋用自己嘅方法教小朋友。」

由幾點食飯、廚房點用、家務點分，到孫仔應唔應該睇電視、幾點瞓覺，全部都可以成為磨擦。

有時長輩出於關心講多兩句，後生一輩可能覺得被干涉；新抱想保持距離，奶奶又可能覺得自己不被尊重。

最困難嘅，通常唔係邊個啱、邊個錯，而係大家對「一家人」有唔同理解。

媽媽以為自己搬入去係家庭一分子；新抱可能以為奶奶只係暫時同住。

媽媽以為自己出錢幫個仔買樓，將來自然可以一直住；但如果物業只登記喺個仔名下，媽媽又係咪真係有保障？

萬一將來個仔離婚、需要出售物業，甚至個仔比媽媽更早離世，媽媽仲可唔可以繼續住落去？

除咗家庭關係及法律保障，呢個安排亦可能涉及英國稅務問題。

媽媽問：

「我將筆錢送畀個仔，只要我再生存7年，係咪就一定唔使計入英國遺產稅？」

答案係：未必。

如果媽媽送錢、個仔買樓同媽媽免費入住，本身係一早安排好嘅整體計劃，HMRC可能會考慮當中有冇涉及：

⚠️ Gift with Reservation of Benefit（GROB／GWR）

簡單嚟講，就係資產表面上已經送咗出去，但送贈者仍然保留或繼續享用相關利益。

如果被視為GROB，相關價值日後仍有可能被計入媽媽嘅遺產。即使媽媽送贈後生存超過7年，都唔代表一定可以避開遺產稅。

而視乎實際安排，即使未被GROB規則涵蓋，亦可能需要考慮Pre-Owned Assets Tax等其他稅務問題。

所以，送錢畀仔女買樓之前，唔可以只問：

「我有冇捱過7年？」

更加要先想清楚：

🔹 送錢、買樓及入住係咪一早安排好？
🔹 媽媽會唔會支付租金或生活費？
🔹 媽媽有冇正式居住權或物業業權？
🔹 如果家庭關係有變，媽媽有咩保障？
🔹 大家對家務、照顧小朋友及私人空間有冇共識？

其實嚟到英國，最重要嘅未必係間屋屬於邊個，而係一家人願唔願意互相照顧。

當兩公婆每日忙住返工、照顧小朋友，四大長老願意陪伴同幫手，嗰份支持並唔係金錢可以完全代替。

但一家人感情再好，都需要界線、尊重同保障。

住埋同一屋簷下，未必一定令關係更親密；有時住得近、互相照應，但彼此保留適當空間，反而可以令一家人行得更長久。

幫仔女買樓係愛，幫手照顧孫仔亦係愛；但真正令三代人相處得好嘅，可能係大家願意喺同住之前，坦白講清楚彼此嘅期望。

如果係你，你會點揀？

A - 有四大長老幫手，願意三代同堂
B - 最好住得近，但唔住埋同一間屋
C - 無論如何都要分開住
D - 視乎屋企空間、關係同事前安排

你會唔會同奶奶一齊住？將來又願唔願意同新抱一齊住？

最重要係——點解？

留言分享你嘅選擇同親身經歷。👇

#移英五年 #為人生部署 #香港人在英國 #英國稅務

回流 定 留低?

如果你知道居英達到一定年期後，香港及全球資產都可能進入英國遺產稅的考慮範圍，你會怎樣選擇？

🇬🇧 來英接近10年後，你的香港資產，可能不再只是「香港的事」……

最近我們接觸到一位客戶。他來英國生活多年，在英國有自住物業，同時仍然保留香港物業、銀行存款及一些投資。

他一直以為：

「香港層樓在香港、銀行戶口亦在香港，就算將來有甚麼事，應該只按香港規則處理，與英國遺產稅無關。」

直到我們問他一個問題：

「你成為英國稅務居民多少年了？」

他才發現，自己已經逐漸接近一條非常重要的「10年界線」。

最令他意外的，不是英國物業可能涉及遺產稅，而是當他符合 Long-term UK Residence（長期英國稅務居民） 的條件後，英國遺產稅的計算範圍，可能由英國資產擴展至他的全球資產。

他第一個反應是：

「即是我離開英國，回香港生活，就沒有問題？」

答案未必如此簡單。

甚麼是 Long-term UK Resident？

由 2025年4月6日 起，英國遺產稅制度已由過往主要按照 domicile（居籍） 判斷，改為以稅務居民年期作為重要依據。

一般而言，如果在相關課稅事件發生年度之前的 20個稅年內，至少有10個稅年屬於英國稅務居民，便可能被視為 Long-term UK Resident。

請留意，這項規則不是簡單地看你是否持有英國護照、BNO簽證、永居或是否已經入籍。

它主要看的是你的 UK tax residence record（英國稅務居民紀錄）。

換言之，即使你：

▪️仍然持有香港身份證
▪️未申請英國永居
▪️未成為英國公民
▪️香港仍然有物業及銀行戶口
▪️一直打算將來退休回香港

也不代表你的海外資產一定不受英國遺產稅影響。

哪些資產可能被計算？

當你符合 Long-term UK Residence 的條件後，下列全球資產都有可能需要納入英國遺產稅的考慮範圍：

🏠 英國及香港物業
🏢 香港工商舖或其他海外房地產
💰 英國、香港及海外銀行存款
📈 股票、基金及其他投資
🏭 私人公司股份及家族生意權益
🎁 生前轉讓或贈送的部分資產
🏦 某些海外退休金及信託資產

這不代表所有資產一定會被徵收40%遺產稅，更不代表住滿10年便立即收到稅單。

遺產稅一般會在身故或作出某些資產轉移時才需要考慮，實際稅款還要視乎：

▪️遺產總值及負債
▪️£325,000基本免稅額
▪️是否符合住宅免稅額
▪️資產是否轉讓給配偶
▪️生前贈與的日期及安排
▪️遺囑內容及資產持有方式
▪️是否涉及信託、公司股份或跨境資產
▪️相關雙重課稅協定及其他減免

因此，「全球資產進入英國遺產稅範圍」與「全球資產全部被收40%稅」是兩回事。

不過，如果完全沒有及早規劃，問題通常不會自己消失——稅務規則沒有這麼善解人意。

離開英國，就可以立即退出嗎？

這正是上述客戶最關心的問題。

很多人以為，只要在第10年前離開，或者成為 Long-term UK Resident 後回香港，海外資產便會立即脫離英國遺產稅。

事實上，成為 Long-term UK Resident 後，即使日後離開英國，仍可能在一段時間內繼續被視為 Long-term UK Resident。

這段時間一般可能是 3至10個稅年，實際年期取決於過往20個稅年內，在英國居住了多少年。

簡單例子：

如果過往只有約10至13個英國稅務居民年度，離英後通常仍可能有最少3個稅年的延續期；居英年期越長，延續期亦可能逐步增加，最長可達10個稅年。

所以：

「搬走」不一定等於「立即離開英國遺產稅範圍」。

同樣地，短暫離英後再次回來，也未必可以重新由零開始計算。如果要真正重置10/20年的測試，一般需要有足夠的連續非英國稅務居民年度。

客戶最後問了我們一句：

「難道為了遺產稅，我應該離開英國？」

我們的答案是：不能只為稅務而決定一家人的未來。

子女教育、工作及生意、醫療、退休安排、家庭關係和生活質素，往往比一個稅率更加重要。

但如果你已經來英多年，尤其逐漸接近10年，現在應該開始了解自己的位置，而不是等到第10年後才問：「還有甚麼可以做？」

你可以先整理：

✅ 自己由哪一個稅年開始成為英國稅務居民？
✅ 過去20個稅年的居住紀錄是否完整？
✅ 英國、香港及其他地方的全球資產總值是多少？
✅ 香港物業及公司股份由誰持有？
✅ 現有遺囑是否涵蓋跨境資產？
✅ 過往是否曾向子女轉讓物業或贈送大額資金？
✅ 如果將來離英，需要多少年才可能退出全球遺產稅範圍？
✅ 現在的家庭及資產安排，是否仍然符合長遠目標？

遺產規劃不是年紀大才需要處理。

真正需要時間的，通常不是填寫一張表格，而是重新安排資產、保存贈與紀錄、更新遺囑，以及讓家人清楚知道應該如何處理。

🇬🇧 繼續留英生活
✈️ 考慮在第10年前離開
🤔 暫時未決定，先了解及規劃

歡迎留言告訴我們：留、走，還是未決定？

有時候，真正重要的不是「走不走」，而是你是否在還有選擇的時候，已經做好準備。

移英五年，你使錢方式變咗未？

嚟咗英國不知不覺快將五年，除咗適應天氣同生活節奏，你有冇發現自己嘅「消費觀」都偷偷地轉變咗？某些以前喺香港覺得好平常嘅服務，嚟到先知原來貴得咁嚇人；但又有啲嘢就算所費不貲，大家依然心甘情願掏腰包！

👇 【呢啲點解咁貴？】

✂️ 剪頭髮 – 隨便剪剪都貴過香港好多？
🏛️ Council Tax – 每個月固定的支出，真係痛在心頭！
🦷 牙醫 – 私人牙醫收費簡直係考驗心臟承受力！
🚘 保險 – 車保、家居保... 每年續保都要比價一番！
🔧 搵人維修 – 人工貴過天，迫到大家變身 DIY 大師！

👇 【呢啲錢值得使！】

✈️ 旅行 – 歐洲機票平，話走就走提升生活品質！
🎓 仔女教育 – 為了下一代，投資永遠最值！
🏡 改善家居 – 住得舒適最重要，庭院佈置同家具不能慳！
🛡️ 醫療保障 – 買個安心，保障家人健康！
💼 專業服務 – 搵專人搞定複雜嘢，慳返時間同心機！

💬 快啲喺下面留言一齊討論：

1️⃣ 上面 10 個項目，邊一樣最打破你嘅想像？

2️⃣ 有冇邊樣嘢係你嚟到英國之後「死都唔捨得使」，或者反而「覺得最划算、最值得大使」嘅呢？

大家分享下你哋嘅慳錢/消費心得啦！👇

【五年前，你可能只係想搵個會計師幫你報稅。
五年後，你先發現，原來事情已經完全唔同。】

幾年前，有位客人第一次搵我哋。

嗰陣佢啱啱嚟英國冇耐。

一家人重新開始，搵屋、搵學校、適應工作、適應生活。

香港仲有層樓收租，英國有份人工。

佢當時問我哋嘅問題其實好簡單：

「我今年係咪要報稅？」

可能好多香港人第一次接觸英國會計師，都係由呢一句開始。

但幾年之後，再見返佢，問題已經完全唔同。

英國住咗幾年，工作穩定咗，開始有積蓄。

香港層樓仲喺度，英國亦買咗自己屋企。

之後開始諗：

「手上啲錢應該點處理？」

「好唔好再買一層樓投資？」

「香港層樓應唔應該賣？」

「如果將來想將資產留俾仔女，又應該點安排？」

甚至開始問：

「如果有一日我唔喺度，我老婆同仔女要處理啲乜？」

由最初一句：

「我係咪要報稅？」

慢慢變成：

「我成個家庭未來應該點安排？」

其實呢個轉變，我哋呢幾年見得好多。

尤其係2021年前後嚟英國嘅香港家庭。

當年大家最關心嘅，可能係搵屋、學校、工作、Visa，同埋點樣適應英國生活。

但不知不覺，差唔多五年。

生活開始穩定，而另一批問題亦開始浮現。

英國有物業，香港仍然有資產。

有人開始做生意，有人有投資，有人開始考慮退休，仔女亦慢慢長大。

去到呢個階段，你需要處理嘅，已經唔再只係「今年交幾多稅」。

而係：

我辛苦建立返嚟嘅一切，下一步應該點行？

呢個亦係我哋一直思考嘅問題：

一間會計師樓真正嘅價值，究竟係乜？

如果只係將你俾我哋嘅數字輸入系統，計完稅、交完表，工作當然可以完成。

但我哋覺得，咁樣未夠。

因為好多重要嘅財務決定，做完先問會計師，往往已經太遲。

樓已經賣咗。

資產已經轉咗。

公司已經開咗。

錢已經送咗俾仔女。

交易已經完成。

到最後先問：

「有冇方法可以做得好啲？」

有時答案係有。

但亦有時，我哋只能夠講：

「如果早半年問，可能會有更多選擇。」

所以我哋愈來愈相信：

好的會計師，不應該只出現在 Deadline 前。

而應該喺你人生準備作出重要決定之前，已經坐喺你身邊。

問多一句：

「你之後幾年有咩打算？」

「香港嘅資產準備點處理？」

「會唔會買多一層樓？」

「公司將來想做到幾大？」

「仔女大個之後，你希望留低啲乜俾佢哋？」

因為知道你想去邊，先至可以提醒你：

今日呢一步，會唔會影響五年後嘅你。

呢個就係我哋希望 Oscar Ip & Co. 帶俾客戶嘅價值。

唔係單純幫你「交功課」。

而係當你由一個新移居家庭，慢慢建立事業、家庭同資產，我哋希望一直有人幫你睇住：

稅務有冇風險？

有冇事情應該提早安排？

一個今日睇落好普通嘅決定，會唔會幾年後產生完全唔同嘅結果？

五年前，你可能只係需要一個人幫你報稅。

五年後，你可能需要嘅，已經係一個真正了解你家庭、事業同未來方向嘅專業團隊。

因為人生去到某一個階段，真正重要嘅，已經唔係今年慳多幾多稅。

而係：

你今日辛苦建立嘅一切，十年、二十年之後，仲可唔可以按照你希望嘅方式，留俾你最重要嘅人。

這就是我們希望做到的事。

Oscar Ip & Co. Chartered Accountants

由今日嘅數字，看到你明日的人生。

#移英五年 #為人生部署 #香港人在英國 #英國稅務

我哋一位好朋友 Colin Ling 主動提名咗位於 Liverpool 嘅稅務及特許會計師事務所 Oscar Ip & Co. Chartered Accountants，參加 Merseyside Independent Business Awards 2026。

而我哋啱啱收到好消息——Oscar Ip & Co. 成功入圍 Professional Services Business of the Year（年度專業服務企業） Finalist！

過去 20 年，我哋一直喺 Liverpool 為企業東主、物業投資者，以及有跨國生活及工作需要嘅家庭，提供稅務策劃及特許會計服務。

今次得到一位真正了解我哋、認識我哋多年嘅朋友主動提名，並且獲得評審認同，對我哋嚟講別具意義。

Colin，多謝你。

有人咁相信我哋一直做緊嘅事，呢份支持，其實比任何一個獎座都更加珍貴。

同時亦要多謝 Julie Johnson 以及 Morecrofts LLP Solicitors 團隊籌辦今次嘅獎項，令 Merseyside 一眾獨立企業可以企到台前，獲得更多肯定同關注。

亦特別多謝大會主要贊助商 Liverpool BID Company，以及贊助我哋 Professional Services Business of the Year 組別嘅 Everton Football Club。

得獎結果將於 2026 年 10 月 15 日 公布。

希望到時再同大家分享好消息！🤞

📋 完整 Finalist 名單：
https://lnkd.in/esVBddRE

We didn't enter this one ourselves.

A close friend, Colin ling, nominated Oscar Ip & Co. Chartered Accountants, a Liverpool-based tax and chartered accountancy firm for the Merseyside Independent Business Awards 2026, and we've just found out we're finalists for Professional Services Business of the Year.

We've spent 20 years helping business owners, property investors, and internationally mobile families with tax planning and chartered accountancy in Liverpool. To be recognised for that work by someone who knows us well means everything.

Colin, thank you. That kind of belief in what we do means more than any trophy.

Thank you also to Julie Johnson and the team at Morecrofts LLP Solicitors for organising an awards programme that puts independent Merseyside businesses front and centre. A special mention to Liverpool BID Company as headline sponsor and to Everton Football Club for sponsoring our category.
The winners are announced 15th October 2026. Fingers crossed.

📋 Full finalist list: https://lnkd.in/esVBddRE

🎉 曼城日巡遊圓滿結束！ 🇭🇰🇬🇧

恭@hk_cultural_community 成功參與今年嘅 Manchester Day Parade！透過充滿活力嘅巡遊同精彩演出，向更多人展示香港文化、多元精神，以及香港社群喺英國嘅凝聚力。

Oscar Ip & Co. 很榮幸成為今次活動嘅贊助商之一。能夠支持推廣香港文化及促進社區交流嘅活動，正正反映我哋一直重視嘅理念——除了提供專業會計及稅務服務，我哋亦希望積極回饋社區，支持香港人在英國共同成長。

衷心感謝 、所有義工、表演者及參加者嘅努力，令今次活動圓滿成功。我哋期待未來繼續支持更多有意義嘅社區活動，與大家攜手建立更緊密、更有活力嘅香港人社群。

💙 一齊支持香港文化．一齊建設香港社區。

🎉 Manchester Day Parade – A Great Success! 🇭🇰🇬🇧

Congratulations to Hong Kong Cultural Community on their successful participation in this year's Manchester Day Parade! Through a vibrant parade and outstanding performances, they showcased Hong Kong's culture, diversity, and the strong spirit of the Hong Kong community in the UK.

Oscar Ip & Co. is proud to have been one of the sponsors of this meaningful event. Supporting initiatives that promote Hong Kong culture and strengthen community connections reflects our core values. Beyond providing professional accounting and tax services, we are committed to giving back to the community and supporting the growth and success of Hong Kong people in the UK.

Our sincere thanks go to , all the volunteers, performers, and participants whose dedication made this event such a great success. We look forward to supporting more meaningful community initiatives in the future and working together to build an even stronger, more connected, and vibrant Hong Kong community.

❤️Supporting Hong Kong Culture. Building a Stronger Hong Kong Community Together

#香港人在英國 #香港文化

⏰ Final Reminder – Applications Close Today!
最後提醒：今天是截止申請日期！

Our Operations & Payroll Specialist vacancy closes today.

If you’re organised, detail-oriented, and would like to join our growing team, we’d love to hear from you.

📅 Apply before the end of today.

We are growing, and we are looking for the right person to grow with us.

Oscar Ip & Co is recruiting an Operations & Payroll Specialist at our Liverpool office. The role covers payroll processing, RTI submissions, HMRC follow-ups, and client-facing administration. Fluent English and Cantonese is essential. Relevant experience is preferred.

What matters most to us is attitude. We want someone reliable, detail-conscious, and genuinely invested in the clients they serve.

We have recently been recognised as Tax Team of the Year and Brand of the Year, and we take the development of our team just as seriously as the recognition we receive.

Send your CV to [email protected] by 31 July 2026.