FadyStips

شهادة الـ25%
استنيت لحد ما اليوم يخلص عشان أعرف أدي معلومة مفيدة

أشتري شهادة الـ25%؟
شهادة الـ25% عليها ضرائب ولو هتآخد الفائدة شهريًا، الفائدة هتكون 22.5% ومتقدرش تقولهم معلش أنا حصل لي ظرف ومحتاج أرجع الفوائد وآخد الشهادة، إلا بعد مرور 6 شهور.

أيوة يعني أشتري ولا لأ؟
لو معاك 100 ألف جنيه مش محتاجهم لمدة سنة، وخايف من إن الفلوس قيمتها بتقل، لازم تعمل حاجة اسمها "تنويع المحفظة الاستثمارية"
يعني مثلًا
تشتري شهادة بقيمة 20 ألف
وتشتري دهب ب40 ألف
وتشتري أسهم الشركات الحكومية وشركات الجيش اللي هتُطرح في البورصة قريب ب30 ألف
و10 آلاف جنيه تشتري بيهم أي حاجة سعرها عالي ويهبط جامد مرة واحدة.

طب لو عندي شهادة بالفعل وعاوز أكسرها عشان أشتري الشهادة الجديدة؟
أحسب الخسائر اللي هتتطبق عليك لو كسرت الشهادة القديمة والمكاسب اللي هتجيلك من الشهادة الجديدة، وإطرح المكاسب من الخساير، لو طلع الرقم بالموجب، إعمل كدا.

إمتى الدولار هيتوقف عن الصعود؟
الإجابة المختصرة: الدولار هيستقر عند 28 - 30 جنيه بنهاية 2023.
لكن لحد ما هيوصل لسعر الاستقرار ده ممكن ينزل عن السعر الحالي وممكن يطلع عن سعر الاستقرار.

إيه الحاجات اللي لو حصلت، الدولار هيهدى علينا شوية؟
1. نجاح الحكومة في السيطرة على السوق السوداء
2. شراء الشهادة الجديدة بكميات ضخمة من الأموال من قِبل الجمهور.
3. حل أزمة احتياطي النقد الأجنبي عن طريق القرض
4. عائدات السياحة ترتفع بشكل كويس
5. المستثمرين الأجانب يرجعوا يستثمروا في أدوات الدين
6. زيادة استثمارات الخليج في مصر

ملحوظة مهمة: المكتوب في البوست مش نصيحة مالية ولا مشورة شخصية، إنما مجرد قراءة ونصائح عامة، تتوافق مع البعض، وممكن تتسبب في خسارة البعض الآخر، على حسب العديد من العوامل اللي بتختلف من شخص للتاني، للحصول على مشورة مالية شخصية تقدر تحجز جلسة معايا بشكل شخصي.

إزاي أشتغل بره؟
1. حدد البلد
2. إعرف إيه متطلبات تأشيرة العمل في البلد وإبدأ جهزها
3. دوّر على وظائف خالية في البلد دي
4. طوّر من مهاراتك عشان يكون عندك مؤهلات الوظائف دي
5. انضم لمجتمعات العاملين هناك ع النت
6. إعمل سي في متفصل على مقاس الوظائف دي
7. جهز كافر ليتر محترم
8. مواقع الوظائف، وكالات التوظيف، مواقع الشركات
9. جهز نفسك لإنترفيو لو حد تواصل معاك
10. لو اتوفقت، إطلب عرض عمل رسمي منهم عشان تروح بيه السفارة

6 حاجات تعملها بعد ما تخلص شغل:

1. إحضر ورشة تتعلم مهارة
2. إتفرج على وثائقي
3. إرسم، إعزف، اكتب .. إعمل أي هواية بتحبها
4. إنزل قابل واحد صاحبك مشوفتوش من زمان
5. تطوع في حاجة بتحبها
6. قضي وقت مع حد بتحبه

9 طرق تحمي بيهم نفسك من قيمة الفلوس بتقل

1. فك الكيس: ركنة الفلوس ملهاش لزمة حاليًا، لازم تستثمر بالفلوس دي.
2. نوّع استثماراتك: حط شوية فلوس في العقارات، واشتري بشوية أسهم في البورصة، ولو قدرت حاول تشتري أسهم أو أي أصول استثمارية خارج بلدك.
3. اشتري عملة صعبة مستقرة: حاول تشتري -بطريقة قانونية- أي عملة أجنبية سعرها مستقر، مش شرط الدولار واليورو، ممكن: دينار كويتي، جنيه استريليني، روبية هندي، دينار بحريني، دولار كندي، فرانك سويسري، دي كلها عملات مستقرة.
4. استراتيجية التحوّط: الاستثمار في الأدوات المالية زي العقود الآجلة، أو الخيارات.
5. الدهب: اشتري دهب لو مش عارف حوارات البورصة، أينعم مش صح تشتري حاجة سعرها طلع، بس أفضل من ركنة الفلوس.
6. شيل شوية على جنب: خلي شوية فلوس كاش معاك للطوارئ، الفترات دي بيكون فيها عدم يقين اقتصادي.
7. قلل النفقات المستوردة: حاول تشوف الحاجات اللي بتستنزف فلوسك، خاصة المستوردة، ورشد فيها أو بدلها بالمحلي.
8. شغل إضافي: لو الوضع صعب معاك، لازم تدوّر على عمل إضافي أو شغل ع النت.
9. استشير: دور على حد متخصص يقدم لك خطة تقلل بيها من أثر انخفاض قيمة العملة، كمان هيعرفك إزاي البورصة ممكن تكون وسيلة للربح حتى في الظروف دي، أينعم هيآخد منك أجر على ده، بس ده هيكون أفضل بكتير من إن فلوسك اللي كانت في مارس اللي فات قيمتها 100 ألف، إنهارده قيمتها بقت 30 ألف.

13 حاجة تعملها في بريك الشغل غير إنك تضرب سندوتشات من البوفيه
1. إعمل تمارين تنفس
2. اكتب بتفكر في إيه
3. حط ميعاد لكل حاجة مطلوبة منك الأسبوع ده
4. إلعب تمارين لضهرك اللي باظ من القعدة
5. اسمع بودكاست وإنت بتلعب
6. حدد وجبة صحية تآخدها معاك الشغل
7. شم شوية هواء
8. دردش مع صحابك في الشغل
9. اتصل بواحد صاحبك (مش مراتك ولا خطيبتك مش ناقصة نكد)
10. اكتب هتخرج فين الأسبوع ده أو هتعمل إيه بالليل
11. إقرأ كتاب
12. ذاكر كورس
13. اتفرج على فيديو من TedTalks

10 أهداف مهنية ممكن تحطها للسنة الجديدة

1. خد كورس تقيل على كورسيرا
2. إتعلّم برنامج أحدث وأقوى من اللي بتستخدمه حاليًا في شغلك
3. زود مهاراتك في تقديم البريزنتيشن
4. حاول تخش قسم تاني أعلى في شركتك
5. حسّن قدرتك على إن اللي حوليك يشوفوا شغلك ويعرفوا إنت مين
6. كوّن شبكة علاقات مهنية (إيفنتات - مؤتمرات - مكالمات)
7. إعمل بحث عن زمايلك اللي وصلوا ومنافسيك
8. إعرف إزاي تدير وقتك صح
9. قدّم مقترح متخطط عملي كامل جاهز لمديرك يزوّد أرباح شركته
10. إبدأ شغل على الإنترنت، ولو شغال بالفعل، إعمل بيزنس

مفيش حاجة اسمها مبعرفش أشتغل غير كذا.
كل واحد يقدر يعمل كذا حاجة بس محتاجة يكتشف قدراته ويطورها لحد ما يكسب منها فلوس

كل يوم فرصة لتطوير مهاراتك، متضيعهاش

70 درس عن الفريلانس
كل درس معاه الماتيريالز
فيديو
أمثلة حقيقية لأفضل الممارسات
نماذج جاهزة (Templates)
ملخص الدرس مكتوب
روابط هامة
الكلمات الأساسية المستخدمة في البحث
التطبيق المطلوب من الدارس تنفيذه
أسئلة للتقييم الذاتي

في مشكلة حقيقية دلوقتي بتواجهنا في شغلنا
المرتب مش مكفي، وفي شركات بتصفي وبتقلل عدد الموظفين

واحد من أفضل الحلول اللي بنصحك تعملها دلوقتي
إنك تشتغل شغل إضافي عن طريق الإنترنت
أنا شخصيًا كنت مهندس، وحاليًا معتمد ع الفريلانس بالكامل

طب إزاي؟
لخصت لك الخطوات اللي تعملها عشان في خلال شهرين لأربع شهور
تقدر يكون عندك دخل ثابت من الفريلانس:

1. السوق: تفهم إيه الفريلانس ده، والناس بتشتغل فيه إزاي
2. التخصص: تختار تخصص مناسب ليك وعليه طلب وأجره عالي
3. الـCV: تخلي السيرة الذاتية ولينكد إن بتاعك احترافي
4. البورتفوليو: تعمل سابقة أعمال ملفتة للانتباه
5. الفلوس: تعرف إزاي تستلم الفلوس من بره بالدولار
6. المنصات: تعمل حساب على منصات الفريلانس الكبيرة
7. الوظائف: تدوّر على الفرص في الأماكن اللي بتنزل شغل للفريلانسر
8. العرض: تتعلم إزاي بعد ما تلاقي الفرصة، تبعت للعميل عرض عمل يخليه يختارك
9. التنفيذ: تهندل المشروع والعميل صح، وتخلي بالك من الاحتيال
10. التسويق: تعمل لنفسك وجود رقمي بحيث بعد كدا العميل هو اللي يجليك

احجز كورس "احتراف الفريلانس للمبتدئين" عشان تتعلم كل خطوة بالتفصيل وصح وتقصّر على نفسك الوقت
70 درس في الفريلانس على مدار 10 أسابيع
إلحق إحجز قبل عرض خصم الـ10% ما يخلص

أعلى تخصصات الفريلانس أجرًا