Abo El Yazeed / أبو اليزيد

Wishing you a Merry Christmas. ✨🎆⛄❄️
May this festive time bring happiness, good health, and success to you all.🤗😍

اللهم في هذا العام الجديد، افتح لنا أبواب الخير والبركة، وأبعد عنا كل شر ومكروه، واجعله عام خير وسعادة ونجاح لنا جميعا يارب العالمين. ❤️🙏

May this new year bring you peace, joy, and fulfillment in all areas of your life.

Wishing you a year full of health, wealth, and happiness.❤️

#2024

المركزي : يقرر تأجيل رسوم انستاباي.

البنوك تضرب من جديد✋




عدد من البنوك قام بإيقاف التعاملات الدولية على البطاقات الائتمانية لمدة تصل الي ٦ اشهر .

مع او ضد وياريت تكتبولي شايفين القرار ده ازاي🤔؟

تفتكروا ايه الموضوع اللي جاي!!

وهى دي الاجابة على البوست الي فات..وهو ده موضوعنا النهاردة..
الاحتياطي الأجنبي المصري.

في مننا بيسمع الجملة دي كتير " الاحتياطي الاجنبي المصري " بس مش بيفهم معناها لو جت في سياق جملة اقتصادية .. زي مثلا (إن صافى الاحتياطيات الأجنبية سجل 34.97 مليار دولار فى نهاية شهر سبتمبر 2023).

تعالو كده ناخد مثال بسيط عشان المعلومة توصل بسهولة .

تخيل كده أن مصر زي محل كبير، والاحتياطي الأجنبي هو خزانة المحل ده اللي موجود فيها فلوس من دول تانية( الدولارات واليورو و الذهب).

لو حب المحل او صاحب المحل يشتري بضائع من الخارج (زي القمح أو الأجهزة الإلكترونية)، فهيحتاج أنه يدفع ثمن البضائع بالعملات الأجنبية.
يعني كل ما كان عند المحل أو التاجر العملات الأجنبية اكتر في خزنته كانت قدرته أكبر انه يشتري كل اللي عاوزه….او حتى لو مش هيشتري ..هيكون متطمن انه ممكن يشتري او معاه الي يقومله المكان لفترة زمنية مش قليلة.

من ناحية تانية ، لو افترضنا ان صاحب المكان ده اقترض من بره المحل (البلد) فده هيخليه محتاج يكون معاه عملات اجنبية عشان يعرف يسدد.

بشكل عام، كل لما يزيد الاحتياطي الأجنبي، كانت قدرة المحل (الدولة) على الحفاظ على استقراره المالي ومواجهة الأزمات بشكل أكبر.

طيب ده بالنسبة للعملات الأجنبية….ايه لازمة الدهب بقى؟

لاااا..الذهب ليه دورًا مهم جدا في الاحتياطيات الأجنبية لأسباب كتيير ..زي مثلا:

الذهب امان وبيحتفظ بقيمته، وبالاخص في أوقات الأزمات الاقتصادية أو السياسية….يعني لما تنخفض قيمة العملات، بيفضل الذهب قيمتة ثابتة أو حتى بتزيد.

لو انخفضت قيمة عملة معينة في الاحتياطي، الذهب بيقدر على تعويض الانخفاض ده.

الذهب مبيعتمدش على سياسات البنوك المركزية لدول أخرى، على عكس العملات الأجنبية…وده بيدي الدولة قدرة أكبر على التحكم في جزء من احتياطياتها.

ممكن تحويل الذهب إلى أي عملة بسهولة في الأسواق العالمية..يعني امان معاك في حالات الطوارئ.

قولولي بقى تتوقعوا إيه اللي هيحصل لقيمة الجنيه المصري لو الاحتياطي الأجنبي في حال زاد أو قل في الفترة الجاية؟

العملة الورقية انتهت خلاص❌💸 ..

🕗من ساعة ما انطلقت فكرة وشبكة المدفوعات اللحظية 🔁في مارس العام الماضي 2022 الي من خلالها ممكن تعمل اي تحويل لحظي لاي حد في اي بنك من خلال (انستا باي) مثلا ..وكنا اتكلمنا عليه قبل كده .

من هنا كانت بداية الانطلاقة لفكر جديد💡 سيتم تطبيقه في مصر من خلال البنك المركزي المصري بالتعاون مع صندوق النقد والبنك الدولي🏢🏛️ ….وهو الجنيه الرقمي.🪙
هتقولي طيب هو اي حاجه بنعملها وخلاص!! ..ايه هي أهميته يعني ؟؟🤔
لا✋…ليه اهمية كبيرة جدا 👌…زي مثلا :

الجنيه الرقمي هيسهل علينا كتير في حياتنا اليومية. مش هنحتاج نشيل فلوس ورق أو نقلق من فقدانها أو سرقتها. كل حاجة هتبقى على الموبايل، دفع الفواتير، التسوق، تحويل الفلوس لحد، كله بضغطة زر.🔴

الجنيه الرقمي هيوفر أمان أكتر لفلوسك🛡️. النظام الرقمي محمي بتقنيات أمان عالية، يعني صعب حد يقدر يسرقها أو يعمل فيها تلاعب.

تصور كده، مفيش طباعة💴🖨️ فلوس ورق أو نقود معدنية، ولا حتى تكلفة نقلها وتأمينها. ده هيوفر كتير على الحكومة، والتوفير ده في الآخر هيفيد الاقتصاد العام.

هيسهل على البنك المركزي تتبع حركة الأموال والتحكم في السياسات النقدية بشكل أفضل.(غسيل الاموال)

فيه ناس كتير في مصر مش مرتبطين بالنظام المصرفي. الجنيه الرقمي هيساعد في جذبهم وإدخالهم للنظام المالي.

وخلي بالكم ..الموضوع ده احنا مش مخترعينه..ده تم تطبيقه بالفعل في كذا دولة زي : الصين - المملكة المتحدة - نيجيريا - جزر البهاما

بس خلينا متفقين (أن تأتى متأخرا خير من أن لا تأتى أبدا) ..😉👌

يلا، مستنيين إيه؟ جهزوا موبايلاتكم واستعدوا لعصر جديد في عالم المال والأعمال! 💪🔥

#مصر #تكنولوجيا

مواطن : عرفت ان الدولة عملت رخصة ذهبية تعرف تروح بيها تشتري ذهب ببلاش.
مواطن تاني : انت بتقول ايه يا جدع انت!!!
المواطن الاول تاني : زي مابقولك كده يا جدع.




مواطن ثالث ماشي بالصدفة : يقف ويتحشر في الحوار ..ثانية واحدة بس يا جماعه ..
الرخصة الذهبية دي ملهاش اي علاقة بالذهب ..الموضوع وما فيه ان هي تصريح أو رخصة الدولة بتديها للمستثمرين والشركات عشان تسهل وتبسط وتختصر إجراءات الاستثمار ليهم في البلد وعشان كده اسمها الذهبية..

وعلى فكرة الرخصة دي الدولة تمنحها سواء للمستثمرين المصريين والأجانب شرط ان مشروعاتهم استراتيجية او قومية.

المواطنين الاثنين!!!!استراتيجية ازاي يعني ؟؟

المواطن الثالث يرد: يعني مشروعات تكون بتساعد على زيادة الصادرات للدولة - زيادة دخول العملة الاجنبية للبلد - الصناعة مثلا..وهكذا.
وفي الحالة دي هيكون ليهم امتيازات كويسة زي : اعفائات ضريبية - تسهيل اجرائتهم عشان يرخصوا بسهولة - تسهيل إجراءات التصدير والخ الخ..

المواطنين الاثنين : يلا يا سيدي …المنحوس منحوس.

حابب اسمع ارائكم بخصوص الرخصة الذهبية ..وهل هتكون العامل الوحيد الي هيسهل دخول المستثمرين للبلد؟؟ ولا فى عوامل تانية لازم تأخذ في الاعتبار ؟؟

استاذنكم حد يرشحلي رقم مغسلة محترمة وأمينة🙏!







هنتكلم النهاردة عن موضوع شوية مختلف وهو "غسيل الأموال".
خلينا نبسط يعني إيه المصطلح ده ..يعني ايه غسيل الأموال ؟

اكيد دي مش طريقة جديدة لتنضيف الجنيهات والدولارات 😅، لكن ده مصطلح بنستخدمه عشان نوصف إزاي الفلوس اللي اتكسبت من طرق غير قانونية (زي الغش في التجارة أو تجارة الممنوعات) بتتحول لفلوس نظيفة وكأنها اتكسبت بطريقة قانونية.👌💰

العملية دي بتتم عن طريق مجموعة خطوات معقدة عشان تخفي مصدر الفلوس الأصلي وتبينها كأنها دخل شرعي. 🤔

زي ما الغسالة بتشيل البقع من الهدوم، "غسيل الأموال" بيحاول يشيل أي أثر للمعاملات غير الشرعية من على الفلوس.

خلينا كده ناخد مثال:

أول حاجة، التنظيف الأولي:
تخيل عندك فلوس كتيرة جت لك من تجارة ممنوعة زي المخدرات.... هنا هتبدأ تحط الفلوس دي في البنك شوية شوية، أو تشتري بيها حاجات صغيرة زي عملات أو طوابع.

بعد كدة، هتطر تعمل تمويه: هتحول الفلوس دي من حساب لحساب، وأحياناً في بنوك في بلاد تانية. كده بتخلي مصدر الفلوس صعب يتتبع ويبقى معقد.

واخيرا توصل لمرحلة الاندماج: هنا بقى تاخد الفلوس واستمرارها في حاجات شرعية زي العقارات أو شركات.
بكده الفلوس بتبقى حلال ويبقى صعب تتبع مصدرها الأصلي.

وكده برده بيبقى الفلوس اللي جات من مصدر مش قانوني تظهر كأنها جت من شغل حلال.

طيب ليه ده موضوع مهم؟
لأن "غسيل الأموال" ده بيؤثر بالسلب على الاقتصاد وممكن يمول نشاطات غير قانونية ويدعمها.

يعني الموضوع مش بسيط، وليه تأثير كبير على مجتمعاتنا. فدايمًا نبقى واعيين ونفهم الأمور دي كويس.❤️

ياريت تقولي تعرفوا ايه تاني عن غسيل الأموال وهل ليه علاقة بتمويل الارهاب؟؟

# الخلاصه_مع_ابواليزيد

فلسطين ..قلوبنا معكم🙏♥️🇵🇸
#فلسطين #غزة

مشكلة حسابات الدولار !!

اتفاجئ بعض الناس يوم (٩ اكتوبر)، إن بطاقات الخصم المباشر أو الديبيت كارد ينحصر استخدامها على نفس عملة الحسابات الخاصة بها.
يعني.. ما يقدرش صاحب الفيزا اللي معمولة بحساب مصري إنه يدفع معاملات بأي عملة تانية زي الدولار مثلا.

طيب إيه المشكلة؟ واحنا محتاجين عملة تانية في إيه؟

في عصر الرقمنة معظم الشركات والأفراد بتستخدم خدمات الدفع فيها بيكون عن طريق الدولار من أول تذاكر الطيران وحجز الفنادق والمستشفيات لغاية اشتركات يوتيوب ونتفلكس.

كمان كل الشركات تقريبًا بتتعامل مع مواقع أجنبية زي جوجل وميتا علشان تعمل إعلان أو تشتري مثلا مساحة على الإنترنت.
أو أبلكيشنز زي زوم علشان الاجتماعات والدروس الأونلاين وحاجات تانية كتير.

إيه الحل؟
في أكتر من حل
أولا إنشاء حساب دولاري يكون الإيداع فيه بالدولار أو لو معاك كريدت كارد استخدمها.
ودي حلول مش سهلة لشركات الـ start up ولا الأفراد، لأن الكريدت كارد بتطلع بضمان وديعة في البنك أو على قوة مرتبك المتحول ليك من شركتك ورسومها مش بسيطة.

والحساب الدولاري محتاج دولارات، وده هيأدي إن الناس تلجأ للسوق السودا، وكده يمكن الدولار يغلى أكتر.

طيب الوضع ده مستمر لإمتى؟
الخبير المصرفي طارق حلمي في مداخلة مع DMC قال إن ده وضع مؤقت هيستمر من 6 شهور لسنة.
طيب مؤقتا ممكن تعمل إيه؟ممكن تستخدم فوري إذا كان الموقع اللي بتتعامل معاه بيتيح ده، أو زي ما قولنا تعمل حساب دولاري أو تطلع كريدت كارد بضمان وديعة بنكية.أو حد بتثق فيه يدفعلك المعاملة من برة.
ونأمل إن الوضع يتحسن والمدة ما تطولش.