كايزن محاسبون قانونيون - Kaizen

إيه الفرق بين الضريبة، ضريبة الجدول، الضريبة على المدخلات والضريبة الإضافية؟

بصوا بقى يا جماعة.. الحتة دي بتعمل فروق فحص وضريية اضافية لو مش فاهمها صح. ركز معايا في الفرق بين كلمتين: الاستهلاك الشخصي والاستخدام الخاص.
​يعني إيه استهلاك شخصي؟ القانون قالك: أنت أخذت السلعة أو الخدمة برة النشاط خالص ولحسابك الشخصي. يعني مثلاً، حضرتك عندك شركة بتستورد تكييفات، رحت واخد تكييف من المخزن ومركبه في غرفتك في بيتك. ده اسمه استهلاك شخصي، وتدفع عليه ضريبة كأنك عميل عادي اشترى التكييف ده.
​طب إيه هو الاستخدام الخاص؟ قالك لأ، أنت أخذت السلعة بس استخدمتها جوة النشاط وفي أغراضه. يعني نفس شركة التكييفات دي، أخذت تكييف من المخزن وركبته في مكتب محاسب الشركة. ده اسمه استخدام خاص، وبرضه المشرع قال عليه ضريبة، بس معالجة دي غير معالجة دي خالص في الحسابات والمنظومة، وده اللي هنفصله في العملي.
​و هنا في استثناء ؟ القانون قالك: لو السلعة بتتحرك من مرحلة إنتاج لمرحلة تانية جوة المصنع، أو حتى نقلتها لمصنع تاني يعمل عليها تشغيل وترجعلك تانى .. ده مش استخدام خاص ومفيش عليه ضريبة في المرحلة دي. ليه؟ لأنها لسه مابقتش منتج نهائي، والضريبة هتيجي هتيجي لما المنتج ده يتقفل ويتصنع ويتباع بالكامل في الآخر. فالقانون بيحميك هنا من إنك تدفع ضريبة مرتين على نفس الحاجة وهي لسه تحت التصنيع.
​فهمت الفرق؟

مشروع قانون بتعديل بعض أحكام قانون الضريبة على القيمة المضافة الصادر بالقانون رقم (٦٧) لسنة ٢٠١٦

لو انت خريج تجارة ومهتم تبدأ حياتك المهنية صح…

مكتبنا في العاشر من رمضان بيفتح الباب دلوقتي لمحاسبين حديثي التخرج،
علشان تبدأ معانا طريقك العملي وسط فريق محترف .

إحنا بنوفرلك:
🔹 تدريب عملي وتوجيه مستمر
🔹 مرتب ثابت وتأمين اجتماعي وصحي
🔹 بيئة تعلم حقيقية تساعدك تطور نفسك
🔹 وكمان بنسجلك في سجل المحاسبين والمراجعين

المواعيد من 9 الصبح لـ 5 العصر – الجمعة إجازة

لو شايف إنك جاهز تبدأ خطوة حقيقية في طريق المحاسبة،
ابعتلنا على واتساب على الرقم الموجود في البوست 💬

وخليك فاكر… البداية الصح بتفرق! 💼