Shanee Management & Financial Services

𝗔𝗶𝗻𝗱𝗮 𝘁𝗶𝗻 𝗰𝗵𝗲𝗻𝘀!

Den e dianan venidero, 14.473 contribuyente lo ricibi un carta di recordatorio (aanmaning) via post pa motibo cu nan no a entrega nan declaracion di inkomstenbelasting di aña 2023.

E termino legal a pasa dia 9 di oktober 2024 y a duna tur contribuyente extra tempo cual a vence dia 9 di december 2024. Awor e 14.473 contribuyentenan aki tin un ultimo oportunidad pa entrega e declaracion. E ultimo dia ta 21 di juli 2025.

𝗞𝗶𝗰𝗼 𝗹𝗼 𝗽𝗮𝘀𝗮 𝗱𝗲𝘀𝗽𝘂𝗲𝘀 𝗱𝗶 𝟮𝟭 𝗱𝗶 𝗷𝘂𝗹𝗶 𝟮𝟬𝟮𝟱?
Declaracionnan cu keda entrega dia 22 di juli 2025 padilanti, ta someti na un boet di 5% di e suma di impuesto cu un minimo di Afl. 250 y un maximo di Afl. 10.000.
Inspector lo inclui e boet aki den e cobransa definitivo (definitieve aanslag). Si no entrega e declaracion, Inspector lo impone un cobransa taxativo. Den e caso aki, Inspector lo calcula e entrada fiscal y lo no tene cuenta cu e gastonan (por ehempel: interes di hipoteca, deduccion pa yiu etc).

Si Bo ta un di e 14.473 contribuyentenan, esaki ta un ultimo oportunidad. No tarda mas. Evita gastonan extra y consequencianan indesea. Nos ta conseha pa yena e formulario, firm'e y entreg'e na tempo.

Lesa mas: https://www.impuesto.aw/ultimo-oportunidad-pa-entrega-e-declaracion-di-inkomstenbelasting-2023

𝗔𝘄𝗲, 𝟯𝟭 𝗱𝗶 𝗺𝗮𝗮𝗿𝘁 𝟮𝟬𝟮𝟱, 𝘁𝗮 𝗲 𝘂𝗹𝘁𝗶𝗺𝗼 𝗱𝗶𝗮 𝗽𝗮 𝗲𝗻𝘁𝗿𝗲𝗴𝗮 '𝘃𝗲𝗿𝘇𝗮𝗺𝗲𝗹𝗹𝗼𝗼𝗻𝘀𝘁𝗮𝗮𝘁' 𝘆 '𝘃𝗲𝗿𝘇𝗮𝗺𝗲𝗹𝘀𝘁𝗮𝗮𝘁 𝗼𝗽𝗴𝗮𝗮𝗳 𝗱𝗲𝗿𝗱𝗲𝗻' 𝟮𝟬𝟮𝟰

Tur doño di trabou of comerciante mester entrega e listanan menciona den forma digital via nos portal 'BO impuesto' (BOi).

Nos ta conseha tur contribuyente pa cumpli na tempo. Keda sin entrega e ‘Verzamelloonstaat’ of e ‘Verzamelstaat opgaaf derden’ of si entrega esakinan laat, lo por nifica cu e contribuyente ta ricibi un cobransa adicional (naheffingsaanslag) inclui boet di Afl. 10.000 maximo.

Lesa mas: https://www.impuesto.aw/dia-31-di-maart-ta-ultimo-dia-pa-entrega-VZL-y-VOD-2024

𝗙𝗲𝗰𝗵𝗮 𝗳𝗶𝗻𝗮𝗹

Awe ta e ultimo dia pa entrega e formulario di declaracion di inkomstenbelasting 2021.
Contribuyentenan por acudi na nos oficina principal na Camacuri te cu 2:00 pm nonstop. Tin posibilidad tambe pa entrega esaki na MFA Savaneta y MFA Paradera te cu 2:00 pm.

Bo a entrega e declaracion di winstbelasting 2021 y haci e pago corespondiente caba?
E fecha final ta aki algun dia, diamars 31 di mei 2022.

Sea atento, evita un boet y cumpli na tempo!

E formularionan di declaracion di winstbelasting 2021 a sali. Den e siman venidero contribuyentenan lo ricibi nan formulario via post. E fecha oficial di otorgamento ta 31 di maart 2022. Di acuerdo cu ley, e ultimo dia pa entrega esaki ta 31 di mei 2022.
Contribuyentenan cu no ta alcansa pa entrega nan declaracion definitivo promer cu e fecha final lo mester entrega e declaracion provisional y haci e pago corespondiente pa por haya extension te 30 di november 2022 pa asina por haci e declaracion definitivo.

Pa mas informacion: https://www.impuesto.aw/e-formularionan-di-winstbelasting-2021-ta-na-caminda

ANUNCIO IMPORTANTE

Nos ta duna prolongacion pa haci declaracion y pago di BBO/BAVP/BAZV, loonbelasting y otro impuestonan mensual. E fecha final pa entrega e declaracion di luna di februari 2022 ta bira mañan, 16 di maart 2022.

Lesa mas: https://www.impuesto.aw/ta-duna-prolongacion-pa-declaracion-y-pago-di-impuestonan-mensual-di-luna-di-februari-2022

E fecha final pa entrega e declaracion di winstbelasting 2020 ta bira 30 di november 2021 Esaki no ta valido pa instituto financiero manera banco y compania di seguro   ORANJESTAD – Departamento di Impuesto, den consulta cu Minister di Finansas, ta anuncia cu ta extende e termino pa entrega e declaracion definitivo di winstbelasting 2020 cu 6 luna mas pa t…

Home BO impuesto nu ook beschikbaar.

Pa entregamento di carta di obhecion nos ta preparando un sistema pa por entrega esaki den forma digital. Pronto nos lo anuncia ora e sistema aki ta cla. Mientrastanto nos ta informa, cu si Bo entrega un carta di obhecion despues di dia 13 di maart 2020, Inspector lo no declara bo obhecion inadmisibel debi na incumplimento. Esaki ta valido pa obhecion cu e periodo ta caduca riba fecha 13 di maart 2020 of despues.
E cartanan di obhecion cu drenta den e periodo aki, lo haya 13 di maart 2020 como fecha di entrega. E decision aki lo keda valido te proximo aviso.