Numetrix accounting and finance

Ուզում ես հողամաս կամ տուն գնել։
Բայց կա երկու ռիսկ․
❗ Դու վախենում ես ամբողջ գումարը փոխանցել, որովհետև սեփականությունը դեռ քո անունով չի գրանցվել։
❗ Վաճառողը վախենում է սեփականությունը փոխանցել, որովհետև չի վստահ, որ գումարը կստանա։
Այս դեպքում օգտագործվում է էսքրոու հաշիվը 👇
Ինչպես է աշխատում՝
1️⃣ Գնորդը գումարը փոխանցում է էսքրոու հաշվին
2️⃣ Գումարը պահվում է չեզոք երրորդ կողմի մոտ (բանկ կամ միջնորդ կազմակերպություն)
3️⃣ Սկսվում է գույքի գրանցման գործընթացը
4️⃣ Երբ տունը կամ հողամասը գրանցվում է գնորդի անունով
5️⃣ Էսքրոու հաշվում պահված գումարը փոխանցվում է վաճառողին
Այսինքն՝ գումարը պաշտպանված է մինչև գործարքի ավարտը։
Արդյունքում՝
✔ Գնորդը վստահ է, որ սեփականությունը կգրանցվի իր անունով
✔ Վաճառողը վստահ է, որ գումարը արդեն ապահով պահվում է
Էսքրոու հաշիվը հենց դրա համար է հաճախ օգտագործվում անշարժ գույքի գործարքներում 🏡

Բիզնեսը գրանցելու համար հերթ կանգնելու ժամանակը անցյալում է։
ՍՊԸ կամ ԱՁ հիմա կարելի է գրանցել ամբողջությամբ օնլայն։
Պետք է միայն նույնականացման քարտ՝ ակտիվ էլեկտրոնային ստորագրությամբ։
✅ Գրանցումը կատարվում է e-register.moj.am կայքում, պարզապես պետք է հետևել ուղեցույցին, լրացնել անհրաժեշտ տվյալները և վերջ, ձեր ՍՊԸ-ն կամ դուք որպես անհատ ձեռնարկատեր գրանցված եք։
Սակայն, չենք մոռանում , որ
✅ 20 օրվա ընթացքում պետք է ընտրել հարկման համակարգը,
✅ և 40 օրվա ընթացքում ներկայացնել իրական շահառուի վերաբերյալ հայտարարություն։
Իսկ եթե դժվարանում եք կամ պետք է խորհրդատվություն, դիմեք։

Ուզում ես Չինաստանից ապրանք գնել։
Բայց կա խնդիր․
❗ Դու վախենում ես գումար ուղարկել, որովհետև չգիտես՝ ապրանքը կուղարկե՞ն
❗ Վաճառողը վախենում է ապրանքը ուղարկել, որովհետև չգիտի՝ կվճարե՞ս
Այս իրավիճակում օգնության է գալիս ակրեդիտիվը 🏦

Ինչպես է աշխատում՝

1️⃣ Դու դիմում ես բանկին և բացում ակրեդիտիվ
2️⃣ Բանկը խոստանում է վաճառողին, որ գումարը կվճարվի
3️⃣ Վաճառողը ուղարկում է ապրանքը
4️⃣ Նա բանկին ներկայացնում է ուղարկման փաստաթղթերը
5️⃣ Բանկը ստուգում է դրանք և փոխանցում գումարը վաճառողին

Այսինքն՝ բանկը դառնում է վստահելի միջնորդ։

Արդյունքում՝
✔ Գնորդը վստահ է, որ ապրանքը ուղարկվել է
✔ Վաճառողը վստահ է, որ իր գումարը կստանա

600000 դրամ պետական տուրք, եթե որոշել եք ձեր ֆիրմային անվանման մեջ օգտագործել ՝
«Հայ», «Հայաստան», «հայկական» բառերը և դրանց թարգմանությունները։
Համաձայն Պետական տուրքի մասին ՀՀ օրենքի, ֆիրմային անվանման տարբերակող նշանակության անվան մեջ «Հայ», «Հայաստան», «հայկական» բառերը և դրանց թարգմանությունները օգտագործելու թույլտվության համար տարեկան պետք է վճարել պետական տուրք՝ 600000 դրամի չափով։
Սակայն, վերջիններս ֆիրմային անվանումներում կարող են օգտագործվել առանց թույլտվության, եթե դա պայմանավորված է տվյալ իրավաբանական անձի ֆիրմային անվանման մեջ նրա հիմնադրի անվան օգտագործման անհրաժեշտությամբ, կամ եթե նշված բառերը ներառված չեն ֆիրմային անվանումների տարբերակող նշանակության անուններում:

#Հայաստան #հաշվապահություն

Ձեզանից շատեր տնային պայմաններում պատրաստում են թխվածքներ, ձեռագործ իրեր կամ այլ ապրանքներ, գովազդում սոցիալական ցանցերում և իրականացնում վաճառք։
Բայց կա մի կարևոր բան, որ շատերդ չգիտեք։
Նախքան դա իրականացնելը դուք պետք է գգրանցվեք որպես անհատ ձեռնարկատեր կամ իրավաբանական անձ՝ ՍՊԸ։
Ինչու, որովհետև՝
ՊԵԿ հետաքննության և օպերատիվ հետախուզության վարչությունն, անօրինական ձեռնարկատիրության դրսևորումները բացառելու նպատակով մշտապես իրականցնում է դիտարկումներ և բացահայտում նմանատիպ դեպքերը՝ առաջադրելով տուգանք այդ գործունեության արդյունքում Օրենսգրքով սահմանված կարգով հաշվարկված ձեռնարկատիրական եկամտի 50 տոկոսի չափով, բայց ոչ պակաս 200 հազար դրամը։
Բացի այս տուգանքները, այլ տուգանքներ կարող են առաջադրվել, եթե նույնիսկ չիմացության արդյունքում առանց համապատասխան թույլտվության կամ լիցենզիայի իրականացրել եք լիցենզավորման կամ թույլտվության ենթակա գործունեություն, օրինակ՝ սննդի դասվող արտադրանքի իրացում կամ դեղերի, սննդային հավելումների վաճառք։

Յուրաքանչյուր սննդի բիզնես՝ անկախ մեծության չափից պարտավոր է ներդնել Վտանգի վերլուծության և հսկման կրիտիկական կետերի համակարգ՝ HACCP։

Սա նշանակում է, որ դու պետք է վերահսկես քո արտադրության ամբողջ գործընթացը՝ սկսած հումքից մինչև վերջնական արտադրանք, ապահովելով՝
հումքի անվտանգությունը,
արտադրության ճիշտ հոսքայնությունը,
սարքավորումների մաքրությունն ու սարքին վիճակը,
աշխատակիցների անձնական հիգիենան,
ինչպես նաև սննդամթերքի ճիշտ պահպանումն ու տեղափոխումը։
Բացի այդ, պարտադիր է վարել համապատասխան փաստաթղթեր և ապահովել արտադրանքի հետագծելիությունը։
Այս պահանջները ստուգվում են տեսչական մարմնի կողմից, և խախտումների դեպքում կարող են կիրառվել տուգանքներ կամ գործունեության կասեցում։
Հետևաբար, HACCP համակարգի ճիշտ ներդրումը ոչ միայն օրենքի պահանջ է, այլ նաև քո բիզնեսի անվտանգության հիմքը։

Պետական եկամուտների կոմիտեն առաջարկում է փոփոխություններ, որոնք վերաբերում են հարկային խախտումներին և քրեական վարույթներին։
🔹 1. Բարձրացվում են քրեական պատասխանատվության շեմերը
📌 Նախկինում՝
Խոշոր չափ՝ 10 մլն դրամ
Առանձնապես խոշոր չափ՝ 20 մլն դրամ
📌 Նոր առաջարկով՝
Խոշոր չափ՝ 30 մլն դրամ (կամ 2 տարում՝ 45 մլն)
Առանձնապես խոշոր չափ՝ 50 մլն դրամ (կամ 3 տարում՝ 75 մլն)

🔹 2. Փոխվում է քրեական վարույթ սկսելու կարգը

նախ պետք է լինի հարկային մարմնի վարչական ակտ
հարկ վճարողը կարող է այն բողոքարկել
և միայն դրանից հետո կարող է սկսվել քրեական վարույթ

3․ սակայն
Քրեական վարույթ կարող է սկսվել առանց վարչական ակտի, եթե՝
կա ապացույցների կորստի վտանգ
և ներկայացված է հիմնավորված հաղորդում

🔹 4. Ներդրվում է գույքի արգելանքի այլընտրանք
գույքի արգելանքի փոխարեն կարելի է ներկայացնել բանկային երաշխիք

➡️ Սա թույլ է տալիս բիզնեսին չկանգնել և շարունակել գործունեությունը։

Հարմարավետ է, միանշանակ, սակայն իրականում ՝
Պետությունը խրախուսում է անկանխիկ վճարումները, որովհետև՝
1️⃣ Նվազում է ստվերային տնտեսությունը
Երբ վճարումը կատարվում է քարտով կամ փոխանցմամբ, գործարքը գրանցվում է բանկում, և դժվար է թաքցնել իրական շրջանառությունը։
2️⃣ Դրա շնորհիվ աճում են հարկային մուտքերը
Թափանցիկ գործարքների շնորհիվ բիզնեսները հայտարարում են իրական եկամուտները։
3️⃣ Փողի շրջանառությունը դառնում է վերահսկելի
Պետությունը կարողանում է ավելի արդյունավետ կառավարել ֆինանսական համակարգը։
4️⃣ Կրճատվում են կոռուպցիոն և չգրանցված գործարքները
Այսինքն՝
անկանխիկ տնտեսությունը օգնում է, որ
✔ տնտեսությունը լինի ավելի թափանցիկ
✔ հարկերը հավաքագրվեն արդար
✔ պետությունը ունենա ավելի կայուն ֆինանսական համակարգ
Ահա թե ինչու է պետությունը ակտիվորեն խրախուսում անկանխիկ առևտուրը 💳