13/05/2026
#តើគួរទិញផ្ទះមុនឡានឬទិញឡានមុនផ្ទះ?
មាស សុខប្រាក់ - Meas Sokprak
ចំពោះមនុស្សមួយចំនួនសំនួរនេះហាក់បីដូចជាមិនមានអ្វីពិបាកឆ្លើយនោះទេ។ ប៉ុន្តែដោយសារកត្តាជីវភាព ផាសុកភាព និងភាពស៊ីវិល័យសំនួរនេះអាចជាបញ្ហាចោទចំពោះ មនុស្សដែលមានចំណូលធម្យម ឬវ័យធន់កណ្តាល (middle class)។ ជាពិសេសអ្នកដែលមានប្រាក់សន្សំបម្រុងដែលមានចន្លោះពី ២០% ទៅ៥០% នៃតម្លៃសរុបរវាងទ្រព្យទាំង២នេះ ពោលគឺ ផ្ទះ និងឡាន។
មិនថាបង់រំលស់រថយន្តម៉ូតូ ឬផ្ទះ សុទ្ធតែជាការបង់រំលួសជាមួយធនាគារ ដោយយកកម្ចីពីធនាគារជាមួយនិងអត្រាការប្រាក់ដែលតម្រូវអោយម្ចាស់កម្ចីបង់ជាប្រចាំឆ្នាំក្នុងរយៈពេលកំណត់ណាមួយ( ចន្លោះពី៥ទៅ២០ឆ្នាំទៅតាមលក្ខខណ្ឌនៃកម្ចី)។
ប៉ុន្តែបើសិនជាយើងមើលអោយកាន់តែច្បាស់មែនទែនទៅ ជាពិសេសបើយើងមើលចេញពីជ្រុងនៃគនិយ្យករ (accounting perspective) យើងអាចមើលឃើញថា ការបង់រំលួសរវាងរថយន្ត និងផ្ទះសម្បែង គឺខុសគ្នាមែឃនិងដី។
👉រថយន្ត ឬម៉ូតូ គឺជាទ្រព្យអសកម្មដែលមានតម្លៃធ្លាក់ចុះទៅតាមអាយុ និងរយៈពេលប្រើប្រាស់។
ក៏ប៉ុន្តែ👇
👉អចលនទ្រព្យ គឺជាទ្រព្យសកម្មដែលអនុញ្ញាតអោយតម្លៃនៃអចលនទ្រព្យនោះកើនឡើងតាមអាយុកាលរបស់វា។
#សំណួរសួរថា ខណៈស្ថានភាពនៃការជាប់គាំងអចលនទ្រព្យនេះ តើយើងគួរទិញផ្ទះ ឬទិញឡាន?
ចម្លើយយ៉ាងខ្លីគឺ ទៅតាមតម្រូវការ។ នេះគឺ បើសិនជាយើងមានលុយគ្រប់ ពោលគឺមានលុយសម្រាប់ទិញដោយមិនប៉ះពាល់ដល់លុយបម្រុងរបស់យើង។
ចម្លើយវែង គឺសម្រាប់អ្នកដែលមានលុយមិនទាន់គ្រប់ ហើយមិនចង់ទុកលុយទំនេរចោរ គឺ ការបង់រំលស់អចលនទ្រព្យនៅតែជាជម្រើសល្អជាងការបង់រំលស់ឡាន។
ហេតុផលគឺ👇
🔻ឡានប្រឈមនឹងហានិភ័យខ្ពស់ក្នុងគ្រោះថ្នាក់ចរាចរណ៍។ នៅពេលដែលឡានជួបគ្រោះថ្នាក់ចរាចរណ៍ តម្លៃទីផ្សារនៃឡាននឹងធ្លាក់ចុះ ក៏ប៉ុន្តែតម្លៃដែលបង់ឡាននៅដរដែរ ហើយការប្រាក់ដែលយើងបង់បើមិននៅដរដែរ ក៏ឡើងខ្ពស់ទៅតាមលក្ខខណ្ឌយើងបង់ដែរ។
🔻ចំណែកឯផ្ទះ មិនប្រឈមនឹងគ្រោះហនិភ័យច្រើនដូចឡានទេ។ បើទោះបីជាផ្ទះអាចខូចខាតក្នុងគ្រោះអគ្គីភ័យ ឬទឹកជំនន់ក៏ដោយ ក៏មិនមានការប្រឈមច្រើនជាជាងឡានដែលបើកលើដងផ្លូវរាល់ថ្ងៃដែរ
ម្យ៉ាងទៀត បើទោះបីជាវិស័យអចលនទ្រព្យនៅជាប់គាំង ក៏មិនធ្លាក់ថ្លៃចុះច្រើនដូចឡានទេ។ បច្ចុប្បន្នវិស័យផ្ទះជាបគាំងដោយការផ្គត់ផ្គង់ផ្ទះលំនៅស្ថានមានច្រើនលើសកម្រិតជាងតម្រូវការក្នុងទីផ្សារ (Suppler exceeds demand) ធ្វើអោយអ្នកដែលលក់ផ្ទះមិនលក់ក្នុងតម្លៃទាបជាងទេ។
⏭️ #សរុបជារួមមក ក្នុងរយៈពេលវែងការទិញផ្ទះដោយបង់រំលស់នៅតែស្ថិតក្នុងជម្រើសល្អជាងការទិគឡាន ដោយហេតុតែថា ផ្ទះនៅតែមានតម្លៃអាចកើនឡើងជាងឡានដែលអាចរងគ្រោះថ្នាក់លើដងផ្លូវនឹងធ្លាក់ថ្លៃបានគ្រប់ពេល។
#មាសសុខប្រាក់
