Asra Law & Tax Associates

وفاقی آئینی عدالت کی جانب سے انکم ٹیکس آرڈیننس 2001 کی سیکشن 7E کو کالعدم قرار دینا ایک اہم اور خوش آئند فیصلہ ہے۔

سیکشن 7E کے تحت بعض خالی پلاٹس، گھروں اور جائیدادوں پر “فرضی کرایہ جاتی آمدن” (Deemed Rental Income) تصور کر کے ٹیکس عائد کیا جاتا تھا، چاہے مالک کو حقیقت میں کوئی آمدن حاصل نہ ہو رہی ہو۔

یہ قانون شروع سے ہی قانونی، معاشی اور اخلاقی بنیادوں پر تنقید کا شکار رہا، کیونکہ وراثتی، خالی یا غیر استعمال شدہ جائیدادوں پر بھی فرضی آمدن کی بنیاد پر ٹیکس نافذ کیا جا رہا تھا۔

عدالت کے حالیہ فیصلے نے اس اصول کو تقویت دی ہے کہ ٹیکس حقیقی آمدن پر ہونا چاہیے، نہ کہ اندازوں اور مفروضوں پر۔

بدقسمتی سے ہمارے پالیسی ساز ادارے اکثر ہر سال ریونیو بڑھانے کے لیے نئے اور پیچیدہ فارمولوں کے ذریعے پہلے سے موجود ٹیکس گزاروں پر ہی مزید بوجھ ڈال دیتے ہیں،

جبکہ اس طرزِ پالیسی سازی نے کاروباری سرگرمی، سرمایہ کاری اور معاشی اعتماد کو شدید متاثر کیا ہے۔
ملک کو وقتی ریونیو کے بجائے ایسی متوازن ٹیکس پالیسیوں کی ضرورت ہے جو کاروبار، سرمایہ کاری اور معاشی استحکام کو فروغ دے سکیں۔

ایف بی آر سرکلر اپڈیٹ: سیکشن 236C سے استثنیٰ برائے سیکشن 7F ٹیکس دہندگان

فیڈرل بورڈ آف ریونیو (FBR) نے سرکلر نمبر 08 برائے مالی سال 2025-26 (آئی آر پالیسی) مؤرخہ 15 اپریل 2026 جاری کیا ہے، جو کہ سرکلر نمبر 7 برائے مالی سال 2025-26 مؤرخہ 31 مارچ 2026 کی جگہ لے گا۔ اس میں وضاحت کی گئی ہے کہ وہ بلڈرز/ڈیولپرز جن پر سیکشن 7F کے تحت ٹیکس عائد ہوتا ہے اور ان کی کوئی دیگر قابلِ ٹیکس آمدن نہیں ہے، وہ غیر منقولہ جائیداد کی فروخت پر سیکشن 236C کے تحت ودہولڈنگ ٹیکس سے استثنیٰ حاصل کر سکتے ہیں۔

اہل ٹیکس دہندگان سیکشن 159 کے تحت کمشنر کو درخواست دے سکتے ہیں، اور اگر 7 ورکنگ دنوں کے اندر کوئی کارروائی نہ کی جائے تو آئی رس (IRIS) خودکار طور پر استثنیٰ سرٹیفکیٹ جاری کر دے گا۔

Tax Card 2025-2026