Tahir Law Associates

Bail accepted 9c

اب سیدھا انتقال زمیین نہیں ھوگا۔
پنجاب میں زمین کے "زبانی انتقال" پر پابندی
بورڈ آف ریونیو، حکومتِ پنجاب نے زمینوں کی خرید و فروخت اور منتقلی کے طریقہ کار میں انقلابی تبدیلی لاتے ہوئے نیا حکم نامہ جاری کر دیا ہے۔
نوٹیفکیشن کی بنیادی تفصیلات:
بورڈ آف ریونیو پنجاب کے مراسلہ نمبر 3219-2025/6535-LR-I (مورخہ 30 دسمبر 2025) کے تحت اب زمین کے ریکارڈ میں شفافیت لانے کے لیے درج ذیل اقدامات لازمی قرار دیے گئے ہیں:
زبانی بیانات پر مکمل پابندی:
اب پنجاب بھر میں کسی بھی قسم کی اراضی کا انتقال (Mutation) محض زبانی لین دین، زبانی دعوے یا زبانی بیان کی بنیاد پر درج یا منظور نہیں کیا جائے گا۔
رجسٹری کا ہونا لازمی ہے:
اراضی کی منتقلی کے درج ذیل معاملات کے لیے اب رجسٹرڈ ڈیڈ (رجسٹری) ہونا قانونی طور پر لازمی ہے:
بیع (خرید و فروخت)
ہبہ (تحفہ/Gift)
تبادلہ (Exchange)
رہن (Mortgage)
ان معاملات میں اب براہِ راست پٹوار خانے میں انتقال درج نہیں ہوگا، بلکہ پہلے سب رجسٹرار آفس سے رجسٹریشن کروانا ہوگی۔
وراثت کے کیسز (Inheritance):
یہ قانون وراثت کے انتقال پر لاگو نہیں ہوگا۔ وراثت کے انتقالات حسبِ سابق مروجہ قانون اور ضابطے کے مطابق جاری رہیں گے۔
⚖️ قانونی دفعات کا حوالہ:
یہ فیصلہ پنجاب لینڈ ریونیو ایکٹ 1967، رجسٹریشن ایکٹ 1908 اور ٹرانسفر آف پراپرٹی ایکٹ 1882 کی روشنی میں کیا گیا ہے۔ حکم کی خلاف ورزی کرنے والے ریونیو افسران کے خلاف سخت تادیبی کارروائی عمل میں لائی جائے گی۔
نوٹ: یہ قانون فوری طور پر پورے صوبہ پنجاب میں نافذ العمل ہے۔ شہری کسی بھی قسم کے فراڈ سے بچنے کے لیے زمین کی لین دین صرف قانونی رجسٹری کے ذریعے ہی کریں۔
منجانب:
بورڈ آف ریونیو، پنجاب

ضابطہ فوجداری کی دفعہ 497 کی تیسری پرویزو کے تحت اگر کوئی ملزم سزائے موت کے مقدمے میں دو سال سے زائد جیل میں ہو اور اس کا ٹرائل مکمل نہ ہوا ہو ، تو وہ قانونی طور پر ضمانت کا حقدار بن جاتا ہے ۔
2025 MLD 296