ACC forever

Илгээсэн тайлангуудаа шалгаарай🤗

12-р сарын хуанли хүргүүлж байна.

✅ 2025.12.05 Онцгой албан татварын тайлан илгээх
✅ 2025.12.07 Төлбөрийн цахим баримт бүртгэх /Өмнөх сарын/
✅ 2025.12.10 НӨАТ-ын тайлан илгээх /etax.mta.mn/
✅ 2025.12.17 Ebarimt сугалааны тохирол ✅2025.12.31 ашиглах хүсэлт илгээх сүүлийн өдөр

🟠POSAPI 3.0 СИСТЕМИЙН ШИНЭЧЛЭЛД БҮРЭН ШИЛЖИНЭ
🟠Бараа, ажил, үйлчилгээ үзүүлэгч нь өөрсдийн ашиглаж буй Пос төхөөрөмжийн системийн шинэчлэлийг хэрэглэгчийн систем нийлүүлэгч байгууллагаар дамжуулан POSAPI 3.0 хувилбарт 2026 оны 01 дүгээр сарын 01-ний өдрөөс өмнө бүрэн шилжинэ үү.
🟠PosAPI 3.0 нь хэрэглэгчийн системээс үл хамааран ажиллах бие даасан REST service application бөгөөд өмнөх 2.0 хувилбарт байсан хамаарал, шинэчлэлийн хүндрэл, мэдээлэл солилцооны хязгаарлалт зэрэг алдаа дутагдлыг арилгасан гэх мэт дараах давуу талуудтай:
🔸Алдаатай төлбөрийн баримтгүй
🔸Гэрээ цахимжсан
🔸Баримт хадгалагддаг
🔸Бизнес эрхлэгч тоог нэмэх
🔸Борлуулагчийн тооны хязгааргүй

🟠Цахим төлбөрийн баримтын POSAPI 2.0 хувилбар 2026 оны 01 дүгээр сарын 01-ны өдрөөс эхлэн хаагдах тул, системийн өөрчлөлтийг хийгээгүйгээс үүдэн гарах асуудлыг тухайн бараа, ажил, үйлчилгээ үзүүлэгч хариуцна.
🟠Иймд 2025 оны 12 дугаар сарын 31-ны дотор POSAPI 3.0 системийн шинэчлэлийг хэрэглэгчийн систем нийлүүлэгч байгууллагадаа хандан өөрчлөлтийг хийлгэнэ үү.

ХЯЛБАРШУУЛСАН ГОРИМ
12/31 нээс өмнө хялбаршуулсан горимд хамрагдах хүсэлтэй өгөөрэй.

Эх сурвалж: Монголын Татварын алба

АЖИЛГҮЙДЛИЙН ТЭТГЭМЖИЙН ОЛГОЛТЫН ТАЛААР

УИХ-аас баталсан Нийгмийн даатгалын сангийн 2025 оны төсвийн тухай хуулийг нийгмийн даатгалын байгууллага хэрэгжүүлэн ажиллаж байна. Энэ хуулийн хүрээнд нийгмийн даатгалын байгууллага 2025 онд ажилгүйдлийн даатгалын санд 162.7 тэрбум төгрөгийн орлого төвлөрүүлж, 161.9 тэрбум төгрөгийн зарлага гаргах төлөвлөгөөтэй.

Нийгмийн даатгалын байгууллага 2025 оны 1-9 сарын хугацаанд ажилгүйдлийн даатгалын сангаас 28.2 мянган даатгуулагчид 154.0 тэрбум төгрөгийн ажилгүйдлийн тэтгэмжийг бүрэн олгоод байна. Харин эдийн засгийн нөхцөл байдал, зарим ажил олгогч шимтгэл төлөх үүргээ хангалтгүй биелүүлж байгаатай холбоотойгоор өнөөдрийн байдлаар 10-11 сарын ажилгүйдлийн тэтгэмжийг нийт 4675 хүнд олгохоор хүлээгдэж байна. Энэхүү асуудлыг сангийн орлого орох тухай бүрт шуурхай шийдвэрлэн ажиллаж байна. Нийгмийн даатгалын сангийн 2026 оны төсвийн тухай хууль УИХ-аас батлагдсан бөгөөд 2026 онд ийм хүндрэл гарахгүй болно.

Ажилгүйдлийн тэтгэмжтэй холбоотой гомдол, саналаа холбогдох аймаг, дүүргийн НДГ-ын доорх утсаар холбогдож өгнө үү.