Dr. Ahmed kabil د.أحمد قابيل

التفويض في الاداره
هو انك تحط الشخص المناسب في المكان المناسب وتتابعه كويس وتتأكد انه بينفذ اهداف الشركه .
مينفعش تعمل كل حاجه بنفسك بحجة انه مفيش حد شايف شغله وإن كان ده وارد يكون ، لكن ده هيبقي نوع من الفشل وهينزل بالشركه لمستويات اقل لو مدير الشركه معرفش يشوف الشخص المناسب يحل محله في بعض الوظائف .
وزي ما قالولنا من زمان المدير الشاطر مش بيحط ايده في شغل .
المدير مفروض يحط لنفسه اهداف ومهام مختلفه تماما بدل الانخراط في مهام تعطل وتشوش تفكيره .

#فكر استثماري

الفرق بين Brief Feasibility & Feasibility Study & Business Plan

قبل ما تبدأ أي مشروع، لازم تمر بـ 3 مراحل أساسية

Pre- Feasibility Study
دراسة سريعة بتحدد إذا كانت الفكرة تستحق تكمل فيها ولا لأ.
قرار مبدئي
لانه ممكن يكون في مشروع هو مرفوض من فكرته.

Feasibility Study
تحليل تفصيلي للسوق والتكلفة والربحية والمخاطر.
ومنه نقدر نستنتج انه هل المشروع ممكن ولا لا بعد دراسة تفصيلية ممكن نكتشف انه مينفعش.
Business Plan
خطة تشغيل وتسويق وتمويل المشروع بعد التأكد إنه ناجح.
تعتبر خارطة الطريق لتنفيذ المشروع اللي تم دراسته.

#فكر استثماري

كتير ناس بتلخبط بين Vision – Mission – Strategic Objectives
رغم إن التلاتة مع بعض هم أساس أي بيزنس

Vision (الرؤية)
هي الصورة الكبيرة للمستقبل
“إحنا عايزين نوصل لفين؟”

Mission (الرسالة)
هي اللي بتعمله دلوقتي علشان تحقق الرؤية
“بنقدم إيه؟ ولمين؟ وإزاي؟”

Strategic Objectives (الأهداف الاستراتيجية)

هي الأرقام والخطط اللي بتحول الكلام لنتائج
“هنحقق إيه؟ وبكام؟ وخلال قد إيه؟”

ببساطة:
Vision = الحلم
Mission = الطريق
Strategic Objectives = التنفيذ بالأرقام

المشكلة إن في شركات عندها رؤية قوية…
بس مفيش تنفيذ
وشركات تانية شغالة بالأرقام…
بس من غير اتجاه واضح

الشغل الصح إن التلاتة يشتغلوا مع بعض 👌
رؤية واضحة + رسالة قوية + أهداف قابلة للقياس = نجاح مستدام

#فكر استثماري

زي ما الشركة بتهتم بالمبيعات والارباح لازم تهتم بالسيوله لانه مش كل الارباح سيوله
والسيوله مهمه لسداد التزامات الشركه خصوصا علي الأجل القصير .

#فكر استثماري

مش معني انه نسبة السيوله في الشركه عالي انه مؤشر كويس لازم يكون يتناسب مع التزاماتك الا هيكون عباره عن فرص ضائعه في الاستثمار وعدم استغلال كامل للسيوله داخل الشركه

#فكر استثماري

التكلفه المحاسبيه هي التكلفه الصريحه اللي الشركه تحملتها بالفعل ، انما التكلفة الاقتصاديه هي التكلفه المحاسبيه بالاضافه للتكلفه الضمنيه اللي هي تكلفة الفرصة البديله .

لما تيجي تقييم مشروع لازم تحط في اعتبارك كل التكاليف المحيطه بالمشروع سواء صريحه او ضمنيه.

#فكر استثماري

الناتج المحلي الإجمالي (GDP)
هو ببساطة إجمالي قيمة السلع والخدمات اللي بتنتجها الدولة.

لو بيزيد = الاقتصاد بينمو
لو بيقل = في ركود أو أزمة

العرض والطلب بيحكم كل حاجة

لو الحاجة قليلة والناس عايزاها → السعر يعلى
لو الحاجة كتير ومحدش عايزها → السعر ينزل

تستفيد من ده ازاي كمستثمر:

اشتري وقت ما السعر منخفض
بيع وقت الطلب عالي والسعر هيكون مرتفع

الدهب بينزل مش عشان الاقتصاد مستقر ، عشان البترول اللي بيرتفع هيعمل تضخم وبالتالي هتبدأ البنوك المركزيه في رفع الفائده عشان تلم الفلوس اللي في السوق و الناس هتتجه للأداوات الماليه وتسيب الدهب عشان الدهب مش بيدي عائد وبالتالي الطلب علي الدهب هيقل وسعره ينزل

حوكمة الشركات مش بس بتحمي الشركة من موظفينها هي بتحمي الشركة من نفسها