محمد زياد الصغير - محاسب قانوني

Contact the business

محمد زياد الصغير - محاسب قانوني ⚖️ محاسب قانوني
🏛 مقيد بسجل المحاسبين والمراجعين بوزارة المالية
💼 مستشار مالي وإداري | محلل أعمال
📊 افهم أرقامك… لقرارات أفضل

📲 لحجز استشارة: +201006209098

15/09/2026

هل صح إني أقيم شركتي بالعائد على رأس المال؟

ولا العائد لوحده مش كفاية عشان أعرف قيمة الشركة الحقيقية؟

ممكن شركتين يحققوا نفس العائد على رأس المال… لكن قيمة كل شركة في السوق تكون مختلفة تمامًا.

السؤال: إيه العوامل اللي لازم أبص عليها قبل ما أحدد قيمة شركتي؟

التفاصيل في الفيديو.



#بزنس

11/09/2026

شريكك قرر يخرج من الشركة هتعرف تديله حقه إزاي لو مفيش حسابات؟

الموضوع مش إنك تبص على الفلوس اللي موجودة وتقسمها بينكم.

لازم الأول نحدد قيمة الشركة الحقيقية وقت خروج الشريك.

بنبدأ بكل اللي للشركة:

- الأصول الثابتة، بقيمتها الحالية بعد الإهلاك.
- الكاش، والبنك، والمحافظ الإلكترونية.
- المصروفات المدفوعة مقدمًا ولسه الشركة مستفادتش منها، زي إعلان مدفوع لـ6 شهور واستخدمت منه شهر واحد.
- مقدم الإيجار أو التأمينات.
- فلوس الشركة عند العملاء.
- أي سلف أو مبالغ أو حقوق للشركة عند أي طرف.

ده الجانب المدين.

وبعدها نشوف كل اللي على الشركة:

- مستحقات الموردين.
- القروض.
- وأي التزامات أو مبالغ مستحقة لأي طرف.

ده الجانب الدائن.

المدين - الدائن = صافي رأس مال الشركة.

بعد كده بيتحدد نصيب كل شريك حسب نسبة مساهمته، ويتخصم منه المسحوبات الشخصية، عشان نعرف في النهاية: كل شريك له كام؟

وهنا ممكن الشريك ياخد حقه نقدًا أو في صورة بضاعة بنفس القيمة، حسب الاتفاق.

لكن لو فيه ديون على الشركة، زي ديون الموردين أو القروض، فالموضوع محتاج نقطة مهمة جدًا:

الشريك ممكن يتحمل نصيبه من الدين ويخرج بما يعادله من بضاعة أو أصول، لكن تقسيم الالتزام نفسه مش قرار الشركاء لوحدهم.

لو المورد مش موافق إنه يخرج الشريك من الالتزام، يفضل الدين قائم على الشركة وفقًا للاتفاق والالتزام الأصلي.

ونفس الفكرة مع البنك؛ مينفعش الشركاء يقرروا لوحدهم إن القرض هيتقسم بينهم، لأن البنك طرف في الالتزام وله شروطه وموافقته.

عشان كده، خروج الشريك مش عملية قسمة فلوس دي عملية تسوية مالية كاملة لازم تتعمل على أرقام حقيقه




08/09/2026

أغرب اختلاس قابلته
مع إن كل حاجة كانت مظبوطة 100٪.

الحسابات سليمة، والأرقام متطابقة، ومفيش حاجة واضحة تقول إن فيه مشكلة.

لكن في النهاية، اكتشفنا إن فيه اختلاس حصل فعلًا.

إزاي ده حصل؟ وإزاي ممكن تكتشفه؟

القصة كاملة في الفيديو.



05/09/2026

كسبان ٢ مليون جنيه... وخزنتك فيها ١٠٠ ألف جنيه بس؟

أرباحك راحت فين؟

السؤال ده إجابته مش دايمًا في المبيعات أو الأرباح.

ممكن تكون حققت أرباح فعلًا، لكن الفلوس اتحولت لمخزون، أو مديونيات عند العملاء، أو أصول واستثمارات.

اعرف أرباحك راحت فين في الفيديو.



02/09/2026

من كام يوم، عميل كلمني وقالي: عايز أوزع رأس مال محل على محلين وفي محافظة تانية، عشان أقدر ألف رأس المال أكتر من مرة.

الفكرة منطقية في ظاهرها

لكن لما بصينا على الأرقام، لقينا إن فتح محل جديد معناه:

تشطيبات وديكورات جديدة، مرتبات وأجور، مصاريف تشغيل، ورأس مال هيتوزع على مكانين بدل مكان واحد.

يعني هو عايز يزود دوران رأس المال، لكن في المقابل هيزود التكاليف الثابتة واحتياجات التشغيل.

فكان الاقتراح:

ليه ما نزودش دوران رأس المال من غير ما نزود التكاليف بنفس الشكل؟

يبدأ البيع أونلاين بنفس رأس المال، ونفس المحل، ونفس فريق العمل تقريبًا، مع إضافة شخص مسؤول عن المبيعات الأونلاين.

كده يقدر يوصل لعملاء في محافظات مختلفة، ويزيد حجم المبيعات ودوران رأس المال، من غير ما يتحمل تكلفة فرع جديد بالكامل.

والأهم إن التجربة قابلة للقياس.

لو الأونلاين نجح، يقدر يزود الاستثمار فيه.

ولو ماحققش النتيجة المطلوبة، يقدر يقلل أو يوقف المصروف بسهولة أكبر من إنه يكون دخل في التزام إيجار وتجهيزات ومرتبات فرع كامل.

أحيانًا التوسع مش إنك تفتح فروع أكتر

التوسع الصح هو إنك تخلي نفس رأس المال يحقق مبيعات أكتر ويدور مرات أكتر، بأقل زيادة ممكنة في التكاليف.

وده بالضبط اللي لازم تسأل عنه قبل أي قرار توسع:

رأس مالي بيدور كام مرة؟ وكل دورة بتكلفني كام؟



30/08/2026

أنا بعرف أعمل شغل المحاسب بس جايبه عشان أنا مش فاضي.

طيب لو أرباحك قلت هتعرف ليه؟
لو السيولة بدأت تقل هتعرف السبب؟
لو المبيعات زادت لكن الكاش مش بيزيد هتعرف المشكلة فين؟
لو المخزون بيتراكم هتعرف تأثيره على فلوسك؟

المحاسب مش موجود بس عشان يعمل شغل أنت معندكش وقت تعمله.
هو موجود عشان يخليك فاهم أرقام شركتك وبتحصل فيها إيه.



#بزنس

27/08/2026

**"أنا بتعامل معاك عشان خاطر الحياة والموت!"**

الجملة دي قالهالي عميل مرة، وخلتني أفكر في معنى الحسابات الحقيقي.

الحسابات مش مجرد تسجيل أرقام في دفاتر

دي وسيلة تضمن الحقوق، وتوضح الالتزامات، وتخليك عارف كل طرف ليه إيه وعليه إيه.

**لأن الأرقام الصح بتحمي أصحابها.**

اسمع القصة كاملة في الفيديو.



#مراجعه

23/08/2026

ممكن تكون بتعظم أصول شركتك وفي نفس الوقت بتظهر أرباح مش حقيقية.

إزاي؟

بعض الشركات بتسجل مصروفات كان المفروض تتحمل على قائمة الدخل بيحملوها علي الأصول الثابته

يعني بدل ما المصروف يظهر كمصروف في الفترة الحالية، بيتضاف على قيمة الآلة أو المعدة.

النتيجة؟

قيمة الأصول بتزيد، والمصروفات بتقل، وبالتالي الربح الظاهر في القوائم المالية بيزيد.

لكن المشكلة إن الربح ده مش بيعكس الأداء الحقيقي للشركة.

ومع الوقت، الخطأ ده بيأثر على حاجات تانية:

- قيمة الأصول الثابتة بتبقى أكبر من قيمتها الفعلية.
- الإهلاك بيتحسب على قيمة غير صحيحة.
- الأرباح بتظهر بشكل مضلل.
- القوائم المالية كلها ممكن تتأثر.

وعشان كده، مش كل مبلغ اتدفع على آلة أو معدة معناه إنه لازم يتحط في الأصول.

لازم الأول نحدد:
هل ده إنفاق رأسمالي فعلًا؟ ولا مصروف تشغيلي؟

الفرق بينهم مش مجرد قيد محاسبي

الفرق ممكن يغير شكل ربح الشركة وقيمة أصولها بالكامل!


20/08/2026

**لو داخل شريك في مصنع... أول سؤال تسأله مش "هحط كام؟"**

السؤال الأهم: **"المصنع ده يساوي كام فعلًا؟"**

التقييم الصح مش بيبص على المعدات والأصول بس، لكن كمان على الأرباح، الديون، التدفقات النقدية، وحجم النشاط.

قبل ما تدخل شراكة، لازم تعرف أنت بتشتري إيه بالظبط.




#بزنس

17/08/2026

إيه الخطة اللي ممكن تقدمهالي لو مسكت الشركة بتاعتي؟

سؤال بسيط، لكن إجابته بتفرق بين حد داخل يدير الشركة وحد داخل يجرب.
قبل ما أقولك هعمل إيه، لازم أفهم الشركة الأول: أرقامها، مشاكلها، السوق، ومكانها الحالي.
لأن مفيش خطة واحدة تنفع لكل الشركات.
الخطة الصح بتبدأ بتشخيص صح.



Address

Talaat Harb Street
Shebin Al-Kom

Website

Alerts

Be the first to know and let us send you an email when محمد زياد الصغير - محاسب قانوني posts news and promotions. Your email address will not be used for any other purpose, and you can unsubscribe at any time.

Contact The Business

Send a message to محمد زياد الصغير - محاسب قانوني:

Shortcuts

Share

Category