Nancy Accounts & Savings

⚠️ تتصرف ازاي لو اتصل بيك رقم وطلب منك بيانات بطاقتك البنكية؟

لو مش متابع فالفترة اللي فاتت في عدد كبير من عملاء البنوك اتعرضوا لمحاولة سرقة لمعلوماتهم المالية عن طريق تشكيل عصابي بيدعي إنتمائه لمؤسسات مشهورة وموثوق فيها، اتكلمنا عن الموضوع بالتفصيل في البوست ده : https://merq.cc/fraudawarness

✅ سواء كنت من الأشخاص اللي اتعرضت للموقف ده أو لأ فالاجراء السليم بعد ما تنهي المكالمة فورا تتصل بالرقم ده 📞 ١٦٧٧٧ وهو رقم البنك المركزي لاستقبال وتقديم الشكاوي ،هما هيعملوا معاك اللازم.

وبفكرك تاني ب ٣ حاجات مهمة :
1️⃣ مهم تعرف مدي صلاحيات البنك ومساحة الآمان و الخصوصية لمعلوماتك المالية عشان محدش يخدعك تحت إسم البنك أو أي جهة رسمية.
2️⃣ البنك عمره ما بيطلب منك رقم ال cvv أو بيانات الدخول للإنترنت البنكي ( user name + password).
3️⃣ التحويل البنكي بيتم من خلال الموبايل بانكنج، السويفت كود أو الأيبان.

خطررررر!

ايه اللي بيحصل !!!!!!!

🤖
الإمتحان بدأ ودلوقتي الحكم الوحيد علي افتراضاتك إن عندك معلومات بنكية قوية هو السكور بتاعك 🎮

💳 عشان تقدر تسجل اجاباتك 👍 وتكون من ضمن المشتركين، لازم تدخل علي
اللينك ده : https://merq.cc/sallygame
وتجاوب في النسخة الديجتال، أي اجابات في الكومنتات مش محسوبة ❌

💳 مدة التحدي 24 ساعة بس وبعدها هيبدأ التحدي اللي بعده بكره في نفس الميعاد

💳 مسموح ليك تسجل اجاباتك مره واحدة بس

وعشان ده أول تحدي فانا قررت اساعدك 🥰 واحللك 6 حروف من اللغز 🔓 هتلاقيهم في النسخة اللي هنا في البوست مش موجودين جوه في اللعبة، استخدمهم هيساعدوك تجمع نقط في البداية 🔸🔸🔸

💳 مسموح ليك تطلب مساعدة :
✅ الإمساكية البنكية
✅ البوت
✅ الجمهور الموجود في الكومنتات مع الأخذ في الإعتبار إن اجابات كتير منهم هتكون غلط
✅ صحابك الشاطرين اللي مذاكرين بين السطور

جاهز؟ من اللحظة دي التحدي ابتدي ⏳ وكل خطوة بقت محسوبة عليك يا تكسب نقطة يا تخسر قدامها فرص كتير .. الإختيار ليك 💭

😍🔥

معاكم علي الهوا دلوقتي علي الراديو 9090 🎤

كل مرة بتشوف فيها عرض على أي قرض 💸 تلقائي بتفكر إن أكيد فيه إن وراه 🧐
سالي جابتلك قرض سالك من غير مصاريف إدارية وكاش باك بيوصل ل 10,000 🔥

اعرف كل التفاصيل من هنا : https://merq.cc/aslkloan

سنة جديدة .. أهداف مالية جديدة

سنة جديدة .. أهداف مالية جديدة 🔥
حياتنا مليانة جوانب كتير وأهداف كل يوم بنحطها ، مفيش جانب منهم مش مُتأصؤ بالجانب المادي (الفلوس) 💸

عشان كدة في البوست ده سالي 🤖 هتقولك ايه أهم النقط اللي محتاج تفكر فيها السنادي من نظرة بنكية ، حاجات تاخد بالك منها وكمان هتلاقي أفكار كتير لو تايه ومش عارف تبدأ منين 🤷‍♀️

1️⃣ الديون
أول عنصر مفروض تفكر فيه وده ببساطة لأن كل ما مدتها بتزيد ⏰ كل ما بتحسب عليك فلوس أكتر 💸 فالبتالي بتعطل عن اي حاجة محتاج تعملها 🚦

وأغلي تكلفة للدين بتكون ديون الكريديت كارد 💳 عشان كده خلي ليها الأولوية وبالذت لو كان ضمنها سحب كاش

⭐ ودي أفكار هتساعدك تسددها بسهولة :
1- سدد عالأقل 10% من المديونية بتاعتك كل شهر متعتمدش علي الحد الأدني 5%
2-سدد الديون الأعلي ⬆️ في الفوائد وبعدين الأقل ⬇️
3- كلم البنك 🏦 بتاعك واعرف برامج التقسيط المتاحة
4- حاول تستخدم الكريديت كارد في المعاملات 🛍️ إللي متعود تدفعها بالكاش 💸 وخلي الكاش إللي معاك سدد بيه الكريديت كارد ، هيشيل من المديونية القديمة إللي بتحسب عليك فوايد ، و في نفس الوقت المديونية الجديدة لسه قدامك فترة سماح ليها تسددها براحتك 😎
5- لو عندك بطاقات في بنوك مختلفة اسأل عن امكانية تقسيط المديونية

2️⃣ التحويش
كل خطوة كبيرة بتبدأ بمبلغ صغير اتحط في التحويشة الصح 👌
في البوست ده هتلاقي الطرق اللي تقدر تحوش بيها ومنتجات هتساعدك 💪 https://m.facebook.com/story.php?story_fbid=547802049231742&id=242034296475187

3️⃣ لازم تبدأ تجهز نفسك تستغني عن الكاش 💸
بداية من اتجاه الدولة لشمول المالي، الكورونا ، قيود السحب والايداع والتعامل ...😱 في البوست ده هتلاقي ٩ أسباب ليه محتاج تبطل تتعامل كاش :
https://www.facebook.com/SallyCreditCard/posts/604451700233443

4️⃣ استغل كل الخدمات المجانية اللي تقدر تستفيد منها من البنك وتوفر عليك 😉
وتقدر تعرفهم من هنا : https://www.facebook.com/SallyCreditCard/posts/579656142712999

5️⃣ محتاج تقلل عدد زياراتك للبنك 🚶‍♂️❌
زمان استخدام الخدمات الإلكترونية كانت خطوة من ضمن الرفاهيات بتسهل معاملاتك وبتنجزها بشكل أسرع 🚀 بس دلوقتي هي خطوة وقائية بتحمي حياتك وحياة غيرك 🙏

⭐ عشان كده خلي خطوة إنك تروح البنك 🚶‍♂️هي آخر اختيار ليك ، وفي البوست ده هتلاقي الطرق اللي تقدر تحصل منها علي كل خدماتك البنكية أونلاين :
https://www.facebook.com/SallyCreditCard/posts/548983319113615

6️⃣ ثقف نفسك واتعلم لغة الفلوس 🤓💸
دلوقتي الثقافة المالية مبقتش مقتصرة علي فئة معينة من الناس بعد ما الجيل الجديد 🤹‍♂️ بقي عنده وعي اكتر وفضول يسأل ويستكشف أي حاجة بيتعامل معاها

ولكن أحيانا المعلومات بتبقي صعبة ومعقدة 🤦‍♀️وعشان كده عملنا سالي 🤖 صديقك البنكي الإفتراضي .. هدفها تبسطلك كل المصطلحات البنكية، توفرلك معلومات عن أي منتج بنكي محتاجه و تساعدك تختار الأنسب ليك من غير تحيز لاي بنك ✅

لو عندك افكار تانية سيبهالنا في الكومنتات ولو استفدت من البوست ده شاركه مع صحابك ووسع الدايرة 😍💪

اسألوني عن أعلي عائد في البنوك 💸

صباح الخير 🌞
يوم الخميس اللي فات أتفاجأنا بإعلان البنك المركزي عن خفض جديد لسعر الفايدة ↙️ بمعدل 0.5% أو 50 نقطة أساس وبكده يوصل حجم النزول في سعر الفايدة في 2020 بس ل 4% 💁‍♀️

البنك المركزي وضح إن القرار جه بشكل أساسي عشان يدعم قطاع الإستثمارات ويشجع علي الإنتاج المحلي عن طريق خفض تكلفة الإقراض 💸 سواء قروض الشركات ، التجزئة المصرفية وحتى متناهية الصغر.

بالنسبة لأصحاب الشهادات الحاليين من المتوقع إن مفيش مفيش تأثير هيحصل علي العائد 👏

أما لو لسه بتفكر في طريقة تحوش بيها فلوسك او تستمرها ، فمن هنا : https://merq.cc/a3larate
تقدر تعرف أعلي عوائد البنوك سواء لحساب بنكي ، شهادة استثمار أو وديعة.

شرح قرار البنك المركزي 👇👇

🔴 عاجل |
البنك المركزي أعلن من دقايق خفض سعر الفائدة ↙️ 0.5% ليصبح 8.75% للإيداع و 9.75% للإقراض.

لو مش فاهم ده معناه إيه ؟ 📉
خليني اشرحلك تأثير القرار ده علي 4 منتجات بنكية 🏦

1️⃣ القروض :
بالنسبة للناس اللي بتفكر تاخد قرض ، فالقرار ده جاي في مصلحتها جدا لإن الفايدة نزلت فهيقدروا يستلفوا من البنك بسعر أقل 🥰

2️⃣ الشهادات و الودائع :
▪️الناس اللي معاها بالفعل شهادات أو ودائع مش هيتأثرو بأي تغيير لو كانت من نوع الفايدة الثابتة 👉
▪️أما أصحاب الشهادات والودائع متغيرين الفايدة هيتم خفض الفايده عليهم والعائد هيقل 😔
▪️واخيرا أصحاب شهادات ال 15% العائد لسه زي ما هو مفيش تأثير عليه لحد ميعاد استحقاق الشهادة 💜

3️⃣ حسابات التوفير :
العائد هيقل 💔

4️⃣ بطاقات الإئتمان :
من المتوقع إنها تتاثر وهيكون التأثير إيجابي لصالح العميل وده لأن فوايد المديونية هتكون أقل 💸 بس لحد دلوقتي مفيش قرار حاسم بخصوص بطاقات الإئتمان

بعد ما البنك الأهلي المصري وبنك مصر أعلنوا إمبارح عن وقف إصدار شهادات ال15% 💸
اتعرف علي البدائل المتاحه ليهم من البنكين 📑 من هنا : https://merq.cc/15cer

تابعوا سالي علي LinkedIn 🤖👇

Sally Credit Card posted on LinkedIn عشان تطلع كريديت كارد 💳 بيكون عندك نوعين من البطاقات تختار ما بينهم حسب الأنسب والمتاح ليك وهي البطاقات المُضمنه والبطاقات الغير مُضمنه 💁‍♀️ ⭐ البطاقات...

سالي علي تيليجرام 😍

ليه تفصل نفسك وإنت في وسط مسلسل ، لعبة 🎮 ، فيلم حلو أو شات 🎬 وتخرج بره الأبلكيشن علشان محتاج لمعلومة بنكية أو استفسار في السريع ... لما ممكن المعلومة هي اللي تجيلك 🚀

دلوقتي تقدر تكلم سالي 🤖 علي تيليجرام وتسألها عن كل استفساراتك البنكية بدوسة واحدة👍 ومن غير ما تروح أي مكان 🏃‍♂️

جروب التيليجرام 👈 https://merq.cc/stg
ومن هنا تقدر تكلم سالي علي طول 👈
لينك : https://t.me/SallyCreditCard_bot

أول منصة بنكية علي تيليجرام في مصر 🇪🇬

👇👇

عشان تطلع كريديت كارد 💳 مش شرط تكون موظف أو معاك سجل تجاري لأنك تقدر تطلعها بضمان شهادة أو وديعة 💸 سواء عندك بالفعل أو لسه هتشتري 🙏

⭐ تقدر تعمل ايداع للمبلغ اللي هتربطه وعاء ادخاري بداية من 3000 جنيه 💁‍♀️
⭐ الحد الإئتماني بيكون من 80-95% من قيمة الضمان والنسبة بتختلف حسب كل بنك 🏦

أنا سالي 🤖 : أول مساعد مالي افتراضي خاص ببطاقات الائتمان في مصر 🇪🇬 أنا وأخواتي نقدر نساعدك توصل لأي معلومة بنكية بدوسة واحدة 👍
⭐ تقدر تسألني 💬 أي سؤال عن الكريديت كارد
⭐ تقدر تسأل سارة Sara Loans : عن القروض
⭐ لارا LaRa Mobile Payment : عن المحافظ الإلكترونية
⭐ نانسي Nancy Accounts & Savings : عن الحسابات البنكية ، الشهادات و الودائع
شاركنا بأكتر منتج بنكي مهتم بيه في الكومنتات وإحنا هنساعدك 💜