محاسب قانوني عبدالرحمن محمد فتحي

“كعب العمل”
تم إيقاف استخراج كعب العمل بالشكل التقليدي من مكاتب العمل (المطبوع والمختوم).
وأصبح الإجراء الجديد كالتالي:
-تسجيل البيانات عبر موقع وزارة العمل.
- الدخول على منصة مصر الرقمية واستخراج كعب العمل.
- طباعة كعب العمل وتسليمه لإدارة الموارد البشرية (HR) بالشركة
-يقوم الـ HR باستكمال البيانات وإرساله إلى مكتب العمل بالطريقة المعتادة
أهم نقطة:
الباركود الموجود على كعب العمل أصبح هو المعتمد رسميًا بدلًا من الختم،
ويُعتد بالكعب بدون ختم وفقًا للتعليمات الجديدة.
الشروط العامة والمستندات المطلوبة عبر منصة مصر الرقمية:
-أن يكون المتقدم مصري الجنسية
-بطاقة رقم قومي سارية
-التسجيل يتم بشكل شخصي
-تقديم أصل المؤهل الدراسي (لحملة المؤهلات)
-تقديم مستند الموقف من التجنيد
الرقم التأميني
-بطاقة الخدمات المتكاملة سارية (لذوي الإعاقة)
-شهادة قياس مستوى المهارة + ترخيص مزاولة المهنة (في حال العمل بمهنة مختلفة عن التخصص)
-استخراج الشهادة مخصص للعمل داخل مصر (وليس للسفر)
-أن يكون المؤهل الدراسي باللغة العربية
في حالة المؤهل من خارج مصر: يلزم معادلة من المجلس الأعلى للجامعات المصرية

رشا عبد العال رئيس مصلحة الضرائب المصرية:

تفعيل تطبيق للتحقق من شهادات تسجيل ضريبة القيمة المضافة والسجائر عبر QR Code على الطابع المؤمن

التطبيق يعزز الشفافية ويمَكن المواطنين من التحقق من صحة البيانات بشكل سريع ودقيق

يمكن للممولين والمواطنين التحقق من صحة البيانات بسهولة من خلال الرابط الإلكتروني التالي:
https://verifytax.nasps.org.eg

لمزيد من التفاصيل ادخل على التعليقات..

الاسعار المتوقعة

ازاي تعرف هتدفع كام عشان تفك حظر شقتك وتبيعها؟
في الإسكان الاجتماعي (محدودي الدخل)
بعد قرار السداد المعجل من الصندوق التمويل العقاري
📌 آخر إعلان نزل:
سكن لكل المصريين 7
سعر الشقة بالمدن الجديدة: 850,000 جنيه
أولاً: بيتم حساب المبلغ إزاي؟
بيتحسب عليك فرق السعر بين:
سعر الشقة في آخر إعلان
– سعر شقتك في عقدك القديم
🔻 الناتج = فارق السعر

ثانياً: هتدفع كام من فارق السعر؟
النسبة بتختلف حسب مدة استلامك للشقة 👇
🕒 مستلم بقالك 3 سنين:
▶️ تدفع 50% من فارق السعر
🕒 مستلم من 4 – 5 سنين:
▶️ تدفع 40% من فارق السعر
🕒 مستلم من 6 – 7 سنين:
▶️ تدفع 30% من فارق السعر

⚠️ في حالة البيع بالمخالفة:
▶️ تدفع 80% من فارق السعر (تصالح)

مثال 👇
لو شقتك القديمة كان سعرها 341,000 جنيه:
850,000 – 341,000 = 509,000 جنيه (فارق السعر)
🔹 لو مستلم بقالك 3 سنين:
50% × 509,000 = 254,500 جنيه
🔹 لو مستلم من 4 – 5 سنين:
40% × 509,000 = 203,600 جنيه
🔹 لو مستلم من 6 – 7 سنين:
30% × 509,000 = 152,700 جنيه

⚠️ ملحوظة:
كل المبالغ دي غير سداد باقي أصل القرض للبنك (كاش)
مصروفات ورسوم مهمة جداً:
💰 رسوم طلب السداد المعجل:
5,000 جنيه في البريد
▪️ بتتخصم من المبلغ النهائي
▪️ لا تُرد في حالة التراجع
🏦 المخالصة البنكية شرط أساسي
لازم تسدد أصل القرض بالكامل وتاخد مخالصة من البنك
🧾 رسوم نهائية بعد الموافقة:
▪️ 2,000 جنيه للعقد النهائي
▪️ أو 300 جنيه للمخالصة النهائية

🛠️ خطوات التقديم باختصار:
1️⃣ سدد أصل قرض البنك واستلم المخالصة
2️⃣ اعمل حساب على موقع الصندوق وارفع محضر الاستلام
3️⃣ استنى رسالة التوجه للبريد
4️⃣ ادفع 5,000 جنيه وارفع الإيصال
5️⃣ الصندوق يحدد لك المبلغ النهائي
6️⃣ تدفع المبلغ، ترفع الإيصال
7️⃣ تستلم مستنداتك خلال 15 يوم

✅ الخلاصة:
السداد المعجل بيحوّل شقتك من
❌ إسكان اجتماعي محظور
إلى
✅ ملك حر
تقدر تبيعها أو تأجرها قانوني وبدون أي مشاكل
📌 المبلغ بيختلف من شخص للتاني حسب الإعلان اللي كنت متعاقد فيه.
. #بيع

الحكومة قررت رسميًا تمنع معارض العربيات تحت البيوت.

الحكومة المصرية، بناءً على كلام وزيرة التنمية المحلية، طلعت قرارات جديدة عشان تنظم معارض العربيات جوه المناطق السكنية في كل المحافظات.

القرارات دي بتقول إن كل معارض العربيات اللي تحت البيوت في القاهرة الكبرى وإسكندرية وعواصم المحافظات لازم تتفضى، والقرار ده هيتنفذ بالكامل قبل آخر سنة 2027.

كمان القرارات دي وقفت أي تراخيص جديدة لإنشاء معارض عربيات تحت البيوت أو جوه المناطق السكنية في الأماكن دي، وده ضمن مجهودات الدولة عشان تقلل التأثيرات السلبية على الزحمة المرورية وتحسن حركة السير وتحافظ على شكل المناطق السكنية.

الاجازات القانونية فى قانون العمل 14 لسنة 2025

🚨إزاى تحسب الإيجار بعد تطبيق القانون #الايجارقديم
📌 تم نشر قانون الإيجارات الجديد برقم (164) لسنة 2025

⏪ الأجرة اللي هتدفع في 1/9/2025 هي 250 جنيه لأي مكان بيدفع أقل من كده... كل اللي بيدفع أكتر من كده هيفضل زي ما هو.
⏪ لو اللجان اتأخرت في تصنيف منطقتك؛ هتفضل تدفع 250 جنيه زي ماهيا في 1/10 لحد ما اللجنة تعلن التصنيف.. ومن أول الشهر اللي بعد التصنيف؛ الأجرة هتبقى كالتالي:
⭕ المنطقة المميزة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 20 ضعف..
مثال: لو بتدفع 65 جنيه كأجرة قانونية،
يبقى الحسبة كده: 65×20= 1300 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×20= 300 جنيه
الـ300 جنيه أقل من الحد الأدنى اللي لازم تدفعه اللي هو 1000:
يبقى هتدفع 1000 جنيه.
⭕ المنطقة المتوسطة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 75 جنيه كأجرة قانونية،
يبقى الحسبة كده: 75×10= 750 جنيه.
2️⃣ الفرض التاني: أجرتك القانونية مثلا 35 جنيه؛
تبقى الحسبة كده: 35×10= 350 جنيه
الـ350 جنيه أقل من الحد الأدنى اللي لازم تدفعه اللي هو 400:
يبقى هتدفع 400 جنيه.
⭕ المنطقة الاقتصادية (الشعبيات)
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 150 جنيه كأجرة قانونية،
يبقى الحسبة كده: 150×10= 1500 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×10= 150 جنيه
الـ150 جنيه أقل من الحد الأدنى اللي لازم تدفعه اللي هو 250:
يبقى هتدفع 250 جنيه.
⭕ الزيادة السنوية 15%
- اعتبارا من 1/9/2026 تبدأ زيادة 15% على الأجرة؛ بمعنى لو بتدفع 1000 جنيه،
هتبقى الأجرة بعد الزيادة 1150 أول سنة،
والسنة التانية هتتحسب على 1150 مش على 1000؛
بمعنى (1150×15) / 100 = 172.5 + 1150 =1322.5 جنيه
- ولما نيجي نحسب زيادة السنة التالته هتتحسب على آخر أجرة اللي هي 1322.5 جنيه
- وهكذا...

⛔ ملحوظة: الأجرة القانونية هي أجرة لجان تحديد الأجرة المؤشر بها على العقد من لجان تحديد الأجرة في زمن تحرير العقد القديم أو الثابتة في دفاتر الضرائب العقارية (العوايد).. أو الأجرة اللي حددتها المحكمة بموجب حكم قضائي..
⛔ توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك.. لكن ادفع الأجرة القانونية بعد ما تضربها في المضاعفات زي ما شرحنا فوق..

⛔ نصيحة: عند الاختلاف؛ لازم تسأل محامي متخصص في الايجار القديم على وجه السرعة.

وزير الإسكان: طرح كراسة شروط الطرح الثاني لإعلان "سكن لكل المصريين7" لمنخفضي ومتوسطي الدخل ابتداءً من 15 يوليو 2025

الشربيني: الإعلان يتضمن أكثر من 113 ألف وحدة سكنية بالمدن الجديدة والمحافظات ضمن الإعلان الجديد

مي عبد الحميد: صندوق "الإسكان الاجتماعي" اتخذ عدة قرارات للتسهيل على المواطنين ضمن الإعلان الجديد.. وفتح باب الحجز لمتقدمين جدد

تحميل كراسة الشروط ودفع مصاريف التسجيل والمصاريف الإدارية "أونلاين"

طرح وحدات سكنية ضمن مبادرة "العمارة الخضراء" لأول مرة


أعلن المهندس/ شريف الشربيني، وزير الإسكان والمرافق والمجتمعات العمرانية، عن بدء طرح كراسات الشروط للتقديم على الطرح الثاني من المبادرة الرئاسية "سكن لكل المصريين7" للمواطنين منخفضي ومتوسطي الدخل، وذلك ابتداءً من 15 يوليو 2025.
وأضاف وزير الإسكان والمرافق والمجتمعات العمرانية أن الطرح الجديد يضم إجمالي 113112 وحدة سكنية، مقسمة إلى 99792 وحدة سكنية يتم طرحها لأول مرة، و13320 وحدة سكنية سبق طرحها في الإعلانات السابقة، وبمساحات تتراوح بين 75 مترًا و90 مترًا.
وأوضح المهندس/ شريف الشربيني أن الطرح الثاني من المبادرة الرئاسية "سكن لكل المصريين7" للمواطنين منخفضي ومتوسطي الدخل يتضمن وحدات سكنية جاهزة للتسليم بمقدم جدية حجز 25 ألف جنيه، ووحدات سكنية تحت الإنشاء تسليم خلال 36 شهرًا بمقدم جدية حجز 50 ألف جنيه.

وأوضحت السيدة/ مي عبد الحميد، الرئيس التنفيذي لصندوق الإسكان الاجتماعي ودعم التمويل العقاري، أن الصندوق استجاب لطلبات ورغبات المواطنين، والتي وصلت إليه عبر مختلف قنوات الاتصال الرسمية التابعة له، حيث اتخذ الصندوق عدة قرارات تساهم في تسهيل الإجراءات أمام المواطنين الراغبين في التقديم على الإعلان.
وأضافت السيدة/ مي عبد الحميد أنه فيما يخص العملاء ممن هم خارج الأولوية ضمن إعلان المبادرة الرئاسية "سكن لكل المصريين5"، سيقوم العميل فقط برفع كل من استمارة حجز الوحدة السكنية والإقرار (المرفقين بكراسة الشروط الجديدة) بعد ملء بياناتهما وتوقيعهما، إضافة إلى إيصال سداد مقدم جدية الحجز، وكذلك ما يفيد تحديث الحالة الاجتماعية أو جهة العمل (إن وجد)، أما في حالة العملاء غير المنطبق عليهم الشروط فسيقوم العميل برفع كافة ما سبق إضافة إلى إرفاق المستندات السابق رفض الطلب بسببها (سبب عدم الانطباق)، أما باقي العملاء الراغبين في التقدم على الإعلان فعليهم رفع كافة المستندات المطلوبة وفقاً لما هو مذكور بكراسة الشروط الخاصة بالإعلان.
وأوضحت الرئيس التنفيذي لصندوق الإسكان الاجتماعي ودعم التمويل العقاري أن الصندوق قرر إتاحة التقديم لكافة العملاء ممن هم خارج الأولوية أو غير المنطبق عليهم الشروط بإعلان المبادرة الرئاسية "سكن لكل المصريين ٥"، ولم يتمكنوا من استرداد مقدمات جدية الحجز خلال المدة السابق تحديدها ضمن الرسالة النصية SMS المرسلة على هواتفهم المحمولة، بحيث يمكنهم استرداد مقدمات جدية الحجز خلال فترة التقديم على الإعلان الجديد كحد أقصى.على أن تكون المصاريف الإدارية لكافة العملاء 350 جنيها إضافة إلى 350 جنيها مصاريف تسجيل، ويستثنى العملاء السابق تقدمهم على إعلان "سكن لكل المصريين5" من المصاريف الإدارية على أن يقوموا بسداد 150 جنيها كمصاريف للتسجيل.
وأضافت السيدة/ مي عبد الحميد أن صندوق الإسكان الاجتماعي ودعم التمويل العقاري قرر أيضًا طرح كراسة الشروط للتحميل بصورة إلكترونية "أونلاين" من خلال الرابط الإلكتروني https://digital.gov.eg أو من خلال الموقع الإلكتروني للصندوق https://www.shmff.gov.eg ، حيث يقوم المواطن بإنشاء حساب خاص به على منصة مصر الرقمية وسداد مصاريف التسجيل بصورة إلكترونية، من خلال طرق الدفع الإلكتروني المتاحة بمنصة مصر الرقمية، وذلك حتى يتمكن من الإطلاع على كراسة الشروط، لمنع تكرار الازدحام أمام مكاتب البريد المميكن للحصول على كراسة الشروط وسداد مقدم جدية الحجز.
وأوضحت السيدة/ مي عبد الحميد أن الصندوق قرر طرح وحدات سكنية خضراء ضمن مبادرة "العمارة الخضراء"، وذلك لأول مرة، حيث تعد هذه المبادرة من المبادرات الرائدة على مستوى المنطقة في توفير سكن إجتماعي صديق للبيئة ويساعد في خفض استهلاك الطاقة.
وأضافت الرئيس التنفيذي لصندوق الإسكان الاجتماعي ودعم التمويل العقاري أن الطرح الثاني من المبادرة الرئاسية "سكن لكل المصريين7" لمنخفضي ومتوسطي الدخل يضم عددا من الوحدات السكنية التي يقتصر التقديم عليها على العملاء السابق تقدمهم على إعلان "سكن لكل المصريين5"، ممن هم خارج الاولوية أو غير المنطبق عليهم شروط الإعلان السابق (دون سبق الاستفادة والتملك وتجاوز شرطي الدخل والسن) وقاموا بسحب مقدم جدية الحجز.
واشارت السيدة/ مي عبد الحميد الى أنه يمكنهم التقدم لحجز عدد 34128 وحدة سكنية بالمدن الجديدة، وهي وحدات تحت الإنشاء تسليم خلال 36 شهرًا بمدن: أسوان الجديدة، بني سويف الجديدة، حدائق العاصمة، برج العرب الجديدة، العاشر من رمضان، 15 مايو، سوهاج الجديدة، قنا الجديدة، بالإضافة إلى 690 وحدة سكنية (جاهزة للتسليم) بمدينة أخميم الجديدة.
كما يمكنهم التقدم لحجز 54792 وحدة سكنية بالمدن الجديدة (إسكان أخضر)، وهي وحدات تحت الإنشاء تسليم خلال 36 شهرًا بمدن: أسوان اﻟﺟديدة، طيبة الجديدة، أكتوبر الجديدة، حدائق أكتوبر، العاشر من رمضان، اﻟﻌﺑور الجديدة، بدر، السادات، والمنيا الجديدة.
وأضافت الرئيس التنفيذي لصندوق الإسكان الاجتماعي ودعم التمويل العقاري أنه يمكن لهؤلاء المواطنين التقديم وسداد مقدمات جدية الحجز والمصاريف الإدارية (إن وجدت) خلال الفترة من 28 يوليو 2025 وحتى 28 أغسطس 2025.
وأشارت السيدة الأستاذة/ مي عبد الحميد إلى أن هناك عددا من الوحدات المطروحة بالإعلان مخصصة لكافة المواطنين الراغبين في التقدم، على أن تكون الأولوية للعملاء السابق تقدمهم على إعلان المبادرة الرئاسية "سكن لكل المصريين5" بذات الشروط السابقة، وذلك بواقع 9380 وحدة سكنية تحت الإنشاء تسليم خلال 36 شهرًا بالمراكز أو المدن بمحافظات البحيرة، الوادي الجديد، الدقهلية، المنيا، ومطروح.
وأضافت الرئيس التنفيذي لصندوق الإسكان الاجتماعي ودعم التمويل العقاري أنه يمكن لهؤلاء المواطنين التقديم وسداد مقدمات جدية الحجز والمصاريف الإدارية (إن وجدت) خلال الفترة من 28 يوليو 2025 وحتى 28 أغسطس 2025.
وأعلنت السيدة الأستاذة/ مي عبد الحميد أن الطرح يتضمن أيضًا 12630 وحدة سكنية جاهزة للتسليم لكافة المواطنين الراغبين في التقدم، على أن تكون الأولوية للعملاء السابق تقدمهم على إعلان المبادرة الرئاسية "سكن لكل المصريين5" بذات الشروط السابقة، وذلك بالمراكز أو المدن الواقعة بمحافظات أسوان، بني سويف، أسيوط، الأقصر، الجيزة، الفيوم، المنوفية، المنيا، وقنا.بالإضافة إلى 1492 وحدة سكنية (تحت الإنشاء تسليم خلال 36 شهرًا) مخصصة لكافة المواطنين الراغبين في التقدم، على أن تكون الأولوية فقط للعملاء السابق تقدمهم بمدينة شطا بكل من الإعلان الثامن والعاشر والعملاء السابق تقدمهم بمدينة عزبة البرج بإعلان سكن لكل المصريين (3) وذلك للتقدم على مدينة شطا بمحافظة دمياط، كما تكون الأولوية فيما يخص الوحدات المطروحة حديثاً بمدينة الغردقة بمحافظة البحر الأحمر للعملاء السابق تقدمهم بمدينة الغردقة بالإعلان العاشر، ويشترط في ذلك أن يكون العملاء المذكورون ممن هم خارج الأولوية ومنطبق عليهم الشروط وقاموا بسحب مقدم جدية الحجز بالإعلان السابق.
وأوضحت الرئيس التنفيذي لصندوق الإسكان الاجتماعي ودعم التمويل العقاري أن التقديم وسداد مقدمات جدية الحجز والمصاريف الإدارية (إن وجدت) لهؤلاء المواطنين يكون خلال الفترة من 28 يوليو 2025 وحتى 30 أكتوبر 2025، (مع إتاحة الأسبوع الأول للتقديم والسداد للعملاء من ذوي الهمم).
وأكدت السيدة/ مي عبد الحميد أن التعاقد لحجز الوحدات السكنية المطروحة ضمن الطرح الثاني من المبادرة الرئاسية "سكن لكل المصريين7" لمنخفضي ومتوسطي الدخل سوف يكون بنظام التمويل العقاري، بفائدة 8% سنويًا للمواطنين منخفضي الدخل، و12% سنويًا للمواطنين متوسطي الدخل، وذلك لمدة تصل إلى 20 عامًا.
وأضافت أنه يمكن للمواطنين الراغبين فى مزيد من التفاصيل والاستفسارات، متابعة الصفحة الرسمية لصندوق الإسكان الاجتماعي ودعم التمويل العقاري على موقع الفيسبوك من خلال الرابط التالي: http://www.facebook.com/shmffeg، والصفحة الرسمية على موقع يوتيوب من خلال الرابط التالي : https://www.youtube.com/shmffeg، والصفحة الرسمية للصندوق عبر موقع تويتر عبر الرابط www.twitter.com/shmffeg، والصفحة الرسمية للصندوق عبر موقع انستجرام عبر الرابط www.instagram.com/shmffeg، وكذا الموقع الإلكتروني للصندوق www.shmff.gov.eg، أو التواصل مع منصة الشكاوى والمقترحات من خلال الرابط https://cservices.shmff.gov.eg/SHAKWA، أو عبر التواصل من خلال مراكز خدمة العملاء، مثل الاتصال على الأرقام الهاتفية الخاصة بمركز اتصالات خدمة عملاء الصندوق والذي يضم عدة أرقام وهي: 5999 أو 5777 أو 1188 من أي تليفون محمول، ورقم 090071117 من أي خط أرضي، أو من خلال التوجه لأي مركز من مراكز خدمة العملاء بأجهزة المدن/مديريات الإسكان.

مصر الرقمية بوابة الخدمات الحكومية منصة تقدم لكم الخدمات الحكومية الرقمية بشكل مّيسر وشخصى وحديث.

توضيح يا جماعة للجدول الي نزل بمواعيد ايام التقديم علي. المرافق
وخطوات التقديم علي المرافق

اولا ...
دي مواعيد الجهاز اللي في ال800فدان
مش اللي عند مول دولفين

ثانيا ....
👈قطاع أ .....
متاح التقديم يوم الاحد و الاثنين

👈قطاع ب ...
متاح التقديم ايام الاربعاء والخميس

👈منطقة ال800فدان....
وابن بيتك ٦ ..... وسكن مصر

متاح التقديم يوم الثلاثاء فقط

وبنسبة لمحضر الاستلام
بعد التقديم علي المرافق بتستلم محضر الاستلام بعد ٣ايام من تاريخ التقديم

لحد هنا بقي

دي خطوات التقديم بالتفاصيل التفاصيل
👇👇👇👇👇

طريقة التقديم علي المرافق
كهرباء /غاز/ مياه
هتصور العقد 2 نسخه
والبطاقة 3 نسخه

1️⃣ اول حاجة التقديم علي المياه

هتركب عربية للحصري وبعد كدة تركب عربية السابع
قوله عايز انزل عند مول دولفين هتزل هتلقي الجهاز قدم المول هتعدي الناحية التانية وهتدخل جوه
هتجيب ملف ابيض اكتب اسمك ورقم الموبيل وتحط جوه الملف

👈عقد الشقة وصور البطاقة
وتسلم الملف في شباك 1
وهتخد رقم وانتظري دورك في شباك رقم 3 وهتستلم الملف تاني وبعد كدة تخرج بره علي اليمين تروح عند مكتب المراجعة وبعد كدة هتخد ورقة وتروح تدفع في الخزنة
مبلغ 5305
فيزا او كاش
وبعد كدة هترجع لمكتب المراجعة تخد عقد المياة
وتختم العقد من شباك 10

ملاحظة .🚫🚫
..صورة وصل المياة قبل متروح تقدم علي الكهرباء والغاز علشان بيحتاج صورة من ايصال المياة هناك
ولو روحت هناك من غير ما تصور هتتعب علشان اقرب ماكينة تصوير بعيده
وهتمشي كتير علشان تصور الايصال هناك
علشان موظف المعاملة هيحتاج صوره من الايصال

وده لوكيشن شركة المياه
https://maps.app.goo.gl/WeuR4YGH9gZ7noZt7
بس كدة ده اول خطوة

2️⃣ثاني حاجة التقديم علي الكهرباء والغاز

هتروح الجهاز اللي 800فدان
موظف الامن هيقول اشوف العقد للإطلاع اذا كان ليك تقديم ولا لا وبعد كدة
هتخد رقم الاول وهتدخل علي شباك
5,6,7,8 وانتظر دورك
لم ينادي عليك الموظف وهيخد صورة من ايصال المياة اللي انت صورت قبل كدة
وعقد الشقة وأكتب رقم موبيلك علي العقد من فوق كدة
وهيقولك روح أدفع في الخزنة
هتروح تاني تخد رقم من الامن علشان تروح تدفع في الخزنة وبعد كدة تروح شباك 1,2
🚫ملاحظه هنا
...متتنصحش وتقول اخد رقم للخزنة وانا دخل في الاول علشان اخلاص بدري بدري
لا طبعا موظف الإستقبال
كل حاجة عايز تعملها بيشوف الورق الاول علشان يتأكد انت في انهي مرحلة
وبعد كدة يديك الرقم في خلي بالك

ولم يجي دورك
هتدفع 5544ج رسوم الغاز والكهرباء
وكمان
121ج رسوم كارت الكهرباء
وتخد الايصالات من موظف الخزنة
وترجع تاني لنفس الشباك اللي الموظف كان عامل معاك المعاملة عليه وبعد كدة هيخد منك الايصالات وهيسلمك ايصال الكارت بس اللي هو 121ج
وهتخد كمان
الورقه بتاعت الكهرباء ورقة بتاعت الغاز مع الايصال اللي5544
ويقول ادخل المكتب اللي في الوش هتلقي مكتب كبير في موظف محترم قاعد هم بصراحة كلهم محترمين شهادة حق تختم الورق اللي قالك عليه
وبعد ما تختم الوراق اللي قالك تختمو ترجع تاني
وتتوجه لشباك استلام محضر الاستلام
انتظر ينادي عليك الموظف
وبيشوف البطاقة والايصال اللي 121ج

وبعد كدة هتخد محضر الاستلام
بعد 3 ايام من التقديم و تروح تمضي علي في الدور الرابع وتنزل تختم في الدور الثالث المكتب اللي في وش السلم وانت طالع
هتلقي المكتب من بره في ورقة مكتوب عليه
ختم شعار الجمهورية
اول ما تدخل هتلقي المكتب علي شمالك كدة
بتختم ختمين
ختم النسر
وختم حظر البيع للوحدة
وبعد ما تختم المحضر
تطلع تاني الدور الرابع بس قبل ما تطلع صورة محضر الاستلام صورة و البطاقة صورة
علشان تستلم كارت الكهرباء
ده في حاله اني العمارة بتاعتك اتركب في عداد كهرباء
انما لو لسة تنتظر يركب العداد وبعد كدة تروح تخد الكارت

ده اللوكيشن لجهاز ال800فدان

https://maps.app.goo.gl/Yu5pBuM7z9zMEcRJ8

3️⃣ ثالث حاجة استلام الشقة
نروح باقي لنقطة مهمة جدا جدا
وهي مرحلة استلام الشقة وهي مرحلة ما بعد
طفاح الكيل.............
وندخل علي لڤيل الوحش
لم تروح تستلم الشقة
راجع عليه واحده واحده
اولا حاجة .. النجارة
من الشبابيك والبيبان وجرب تقفل وتفتح الباب وشوف لو في شرخ في الباب
تاني حاجة الكهرباء
جرب الفايش وجرب المفاتيح وشوف السلوك كويس وشوف كل التوصيلات
اخر حاجة السباكة وما ادراك ما السباكه
بص هي مرحلة صعب شوية علشان بتبان علي المده البعيد
بس اللي تقدر تستلم بها وتطلع بأقل الخسائر ده من وجهة نظري
هي انك تشوف القاعدة والحوض و الخلاطات ولو في مياة جرب المياة علشان لو في تسريب في الخلاطات
وبعد متستلم وكل تمام

4️⃣رابع حاجة تغير ملكية عداد الكهرباء

بعد استلام كارت الكهرباء
بتتوجه الي شركة الكهرباء في الحي ال12
لنقلةملكية كارت عداد الكهرباء بتكلفة
133ج
وشحنه الكارت اول مره اقل حاجة
50ج
من الشركة
والتوجة للجهاز مرة اخره لتسليم صورة
من ورق نقل الملكية للجهاز

الاوراق المطلوبة

1-كارت الكهرباء
2-صورة لعداد الكهرباء من الشقة وطبع الصورة علي ورقة
3-ورق الكهرباء اللي استلامت من الجهاز
4-محضر الاستلام

وده لوكيشن شركة الكهرباء

https://maps.app.goo.gl/deYc2F4MRJAZe1Nq7

🚫ملاحظة لم تروح تستلم الشقة
روح الصبح مش اخر النهار
من الساعة 9 الي 3
علشان تلقي المهندس هناك وتقوله علي الملاحظات ان وجدت
ومتسلمش المهندس المحضر غير لم كل حاجة تبقي تمام وبعد كدة يخد محضر الاستلام
ولو لقيت حاجة مش مظبوط انا بقول مش مظبوط علشان لو قولت مش عجباك يبقي هتستلم بعد سنة إيوه زي ما بقولك كدة
علشان كدة ركز في الاهم وبعد كدة المهم
ولم تلقي كل حاجة تمام سلم
المحضر المهندس وكدة يبقي تمام

اعمل متابعة ليصلك كل جديد

وفي النهاية سبحانك اللهم وبحمدك سبحانك الله العظيم