احمد ربيع سالم "محاسب قانوني"

  • Home
  • Egypt
  • Giza
  • احمد ربيع سالم "محاسب قانوني"

احمد ربيع سالم "محاسب قانوني" تأسيس شركات - ضرائب - تأمينات - استشارات ماليه - محاسبه مالية - مراجعة شركات - دراسة جدوى - تحليل بيانات مالية

عيدكم مبارك وكل عام وأنتم بخير🎉🎈نسأل الله أن يتقبل منا ومنكم صالح الأعمال، وأن يكون هذا العيد بداية جديدة مليئة بالنجاح ...
19/03/2026

عيدكم مبارك وكل عام وأنتم بخير🎉🎈

نسأل الله أن يتقبل منا ومنكم صالح الأعمال، وأن يكون هذا العيد بداية جديدة مليئة بالنجاح والبركات. شكرًا لكل من كان جزءًا من رحلتنا، ونتطلع لمزيد من التعاون والإنجازات معكم ♥️

كل عام وأنتم بخير. عيد سعيد! 🌙✨

كيف يبني المحاسب نظام محاسبي؟⏺ بمعنى آخر ..لو مسك حسابات شركة لا يوجد فيها نظام حسابات كيف يبدأ؟⏹ كيف يأسس نظام محاسبى ل...
02/03/2026

كيف يبني المحاسب نظام محاسبي؟

⏺ بمعنى آخر ..
لو مسك حسابات شركة لا يوجد فيها نظام حسابات كيف يبدأ؟

⏹ كيف يأسس نظام محاسبى لكيان يبدأ أو موجود ولايوجد لديه نظام محاسبي؟

مهما كان حجم وطبيعة النشاط سواء كان تجاري أو صناعي أو خدمي وسواء كانت شركة كبيرة أو صغيرة فالنظام المحاسبي يدور على أربع محاور رئيسية وهم :

🔶 حسابات الأصول والخصوم "ونسميهم حسابات الميزانية balance sheet accounts"

🔶 والمصروفات والإيرادات "ونسميهم حسابات النتيجة أو "حسابات قائمة الدخل income statement accounts".

فلو كانت الشركة قائمة بالفعل فالمرحلة الأصعب هي القدرة على الوصول لأرصدة الأربع حسابات الرئيسية ومن هنا يستطيع عمل ميزان مراجعة افتتاحي يشتغل عليه بعد ذلك.

⏹ حسابات الأصول:

تنقسم لحسابات أصول غير متداولة "ثابتة" وأصول متداولة وبالنسبة للأصول الثابتة يصل لأرصدتهم من خلال إعادة تقييمهم
أو إذا كان عنده معلومة دقيقة وموثقة بتكلفتهم التاريخية يسجلهم بها.

أما بالنسبة لحسابات الأصول المتداولة فالأنواع الرئيسية سوف نتعامل معها بالشكل التالي:

1) النقدية:
و هي الكاش الذي في الصندوق وأرصدة الحسابات في البنوك ومن خلال الجرد الفعلي للصندوق يستطيع معرفة كم يوجد كاش عنده
ومن خلال آخر كشف حساب للبنك يعرف رصيد البنك وهكذا يتوصل لأرصدة النقدية ومافي حكمها.

2) المخزون:
وهذا ا ثاني أهم عنصر من عناصر الأصول المتداولة بعد النقدية ويتعامل معها معاملة النقدية من حيث
جرد جميع الأصناف الموجودة عنده ويقيمهم بالتكلفة أو صافى القيمة البيعية أيهما أقل.

3) الزبائن : يتوصل لحسابهم زبون زبون من خلال الاتصالات بالعملاء وطلب كشف حساب للشركة والرصيد النهائي.

4) الأرصدة المدينة: مثل السلف والمديونيات الأخرى.

⏹ حسابات الخصوم وحقوق الملكية:

نقسم حسابات الخصوم ل3 أنواع وهم:
الالتزامات قصيرة الأجل "المتداولة" والالتزامات طويلة الأجل "غير المتداولة" وحقوق الملكية والأنواع الرئيسية التي سوف نتعامل معها بالشكل التالي:

1) الالتزامات المتداولة : وهي حسابات الموردين والدائنين ولو في أوراق دفع وغيرها و هي في الغالب يكون من السهل أن يتوصل لأرصدتهم الفعلية من خلال التواصل مع الجهات الدائنة وطلب كشف حساب فعلي يقدر من خلاله بسهولة أن يعرف رصيدهم وحجم الدائنية .

2) الالتزامات غير المتداولة: وفي الغالب تكون ممثلة في القروض البنكية التي ستسدد على فترات أكبر من سنة وهذه يمكنه معرفة أرصدتها من خلال إدارة ومُلاك الشركة .

3) حسابات حقوق الملكية ممثلة في رأس المال
يكون الفرق مابين الأصول والخصوم التي جردهم للفترة الماضية أو رقم رأس المال الذي في السجل التجاري .

🔶 حسابات المصروفات والإيردات.
وهنا يبدأ بالحصول على تقارير من الإدارة والمُلاك بحجم المصروفات التي تمت خلال الفترة السابقة .
مع مراعاة التوصل للمستندات قدر الإمكان.
وبالنسبه للإيرادات يمكنه أن يصل لأرصدة الإيراد خلال الفترة السابقة من خلال فحص فواتير البيع كلها بشكل كامل .

17/02/2026

رمضان كريم 🌙
كل عام وأنتم بخير، أعاده الله عليكم بالخير واليُمن والبركات ✨

المحاسب القانوني مش جاي يسهّل… جاي يظبطلو إنت صاحب مشروع صغير وجبت محاسب قانوني يظبطلك الحسابات ممكن جدًا تسمع أو تحس إن...
15/02/2026

المحاسب القانوني مش جاي يسهّل… جاي يظبط
لو إنت صاحب مشروع صغير وجبت محاسب قانوني يظبطلك الحسابات ممكن جدًا تسمع أو تحس إن فيه تعقيد زيادة عن اللزوم.
التعقيد ده مش لأن المحاسب بيحب يعقّد… لكن لأنه شايف حاجات مالية إنت طبيعي ما تبقاش شايفها.
المحاسب القانوني وهو بيظبط حسابات منشأة صغيرة،بيبقى شايف المخاطر قبل ما تظهر:
إيراد متسجل بدري
مصروفات من غير مستند
التزامات مش واضحة
سيولة بتقل رغم إن “الأرقام شكلها كويس”
عشان كده بيطلب:
مستند على كل حاجة داخلة أو خارجة
تسجيل منتظم بدل “نمشيها وخلاص”
فصل بين فلوسك الشخصية وفلوس الشغل
آه… البداية بتبقى تقيلة شوية.
بس خلّيني أقولك الحقيقة اللي محدش بيحب يسمعها:
المحاسب الصح دايمًا بيبان معقّد؛ لأنه الوحيد اللي بيمنع المشكلة قبل ما تحصل.
المحاسب شغله مش يريحك دلوقتي…
شغله يريحك بعدين.
مش شغله يقول “حاضر”…
شغله يقول: استنى، ده هيأثر.
من فترة، طلبت من عميل بسيط جدًا إن أي فلوس تدخل أو تخرج تبقى بمستند.
حد قاله:
“الكلام ده بيبقى في شركات كبيرة قوي زي كارفور.”
والسؤال هنا:
هو الشركات الكبيرة بقت كبيرة إمتى؟
قبل النظام؟
ولا عشان النظام؟
الحقيقة المؤلمة:
الناس بتحب المحاسب السهل…
بس المشاريع اللي عايزة تكمل وتكبر محتاجة المحاسب اللي بيقول “لا” في الأول عشان يقولك “تمام” بعدين.

فلو حاسس إن المحاسب القانوني معقّد في بداية الشغل،افتكر إن ده مش ضدك،ده لأنه شايف شغلك بعد سنة واتنين مش بس آخر الشهر.

التعقيد المؤقت… أرحم بكتير من مشكلة دائمة.

❓ هل أي حاجة تقعد معانا أكتر من سنة تبقى أصل؟الإجابة: لأ.في ناس فاكرة إن طالما الحاجة: ✔️هتستخدم أكتر من سنة✔️ وهتحقق من...
27/01/2026

❓ هل أي حاجة تقعد معانا أكتر من سنة تبقى أصل؟

الإجابة: لأ.
في ناس فاكرة إن طالما الحاجة:
✔️هتستخدم أكتر من سنة
✔️ وهتحقق منافع مستقبلية
يبقى خلاص نسجلها أصل ثابت.
بس الكلام ده مش دقيق.
خلّيك معايا في مثال بسيط 👇
لو اشتريت دبّاسة مكتب:
هتقعد معاك أكتر من سنة؟ ✅
هتحقق منافع مستقبليه؟ ✅
طيب… نسجلها أصل؟
لأ.
ليه؟
عشان هنا بيظهر مفهوم مهم في المحاسبة اسمه الأهمية النسبية.
يعني إيه الأهمية النسبية؟
يعني الحاجة قيمتها قليلة ومش مؤثرة على القوائم المالية،
فمش منطقي أتعامل معاها كأصل وأعمل لها إهلاك ومتابعة.
علشان كده:
الأدوات المكتبية المستلزمات البسيطة بتتسجل مصروف وخلاص.
المحاسبة مش حفظ قواعد…المحاسبة فهم وتقدير.
🔔 لو البوست ده فادك، سيب 👍 أو سؤال في الكومنت
وتابعني عشان نفهم المحاسبة بشكل عملي وبسيط.

الجرد المستمرمش معناه إنك تعمل جرد كل شوية.معناه إن المخزون ظاهر في الدفاتر بشكل مستمرمن خلال تسجيل كل حركة: ✔️ شراء✔️ ب...
20/01/2026

الجرد المستمر
مش معناه إنك تعمل جرد كل شوية.
معناه إن المخزون ظاهر في الدفاتر بشكل مستمر
من خلال تسجيل كل حركة: ✔️ شراء
✔️ بيع
✔️ مرتجعات
✔️ هالك أو عجز
يعني في أي وقت تقدر تعرف:
رصيد المخزون
تكلفة البضاعة
الفرق بين الدفاتر والواقع بسهولة
📌 الجرد الفعلي بيبقى للتأكيد والمراجعة
مش عشان نعرف الرصيد من الأول.

البضاعة الراكدة… تعرف إنها بتاكل أرباحك قبل ما تحس؟مش كل خسارة بتيجي من قلة البيع،في خسارة أخطر اسمها مخزون نايم.بضاعة:ح...
18/01/2026

البضاعة الراكدة… تعرف إنها بتاكل أرباحك قبل ما تحس؟
مش كل خسارة بتيجي من قلة البيع،في خسارة أخطر اسمها مخزون نايم.
بضاعة:
حاجزة فلوسك ، واخدة مكان ، ومع الوقت قيمتها بتقل مش بتزيد.

طيب أقيّم وضعي إزاي؟
1️⃣ احسب مدة دوران المخزون
مدة دوران المخزون = معدل دوران المخزون ÷365
لو لقيت:
البضاعة بتقعد مدة أطول من الطبيعي → خطر
المدة بتزيد سنة عن سنة → إنذار
2️⃣ قارن بطبيعة نشاطك
(أرقام تقريبية)
سوبر ماركت: 15 – 45 يوم
ملابس: 3 – 6 شهور
أجهزة كهربائية: 4 – 8 شهور
لو أعلى من كده → عندك مشكلة إدارة مخزون.
أعمل إيه لو الدوران بطيء؟
🔴 مفيش طلب واضح؟
التصفية حتى بسعر التكلفة أحسن من الفلوس النايمة
🟡 طلب موسمي؟
استنى بس بشرط ما تعطلش السيولة
🟢 الحل الذكي
تدوير بدل حرق
(عروض – باكدجات – خصم غير مباشر – هدايا)
القاعدة الذهبية:
سيولة شغالة بربح قليل
أحسن من مخزون نايم بدون ربح

🤔👇
16/01/2026

🤔👇

Address

Giza

Website

Alerts

Be the first to know and let us send you an email when احمد ربيع سالم "محاسب قانوني" posts news and promotions. Your email address will not be used for any other purpose, and you can unsubscribe at any time.

Shortcuts

Share

Category