مكتب محاسب قانوني/ طارق محمد الصيرفي

19/03/2026

15/11/2025

السادة الزملاء، وعملاء مكتبنا الكرام
بعد التحية الطيبة،،

يسرّنا إبلاغكم بأنه تم اعتماد رقم الهاتف *01556688788* ليكون الرقم الرسمي لمكتبنا على تطبيق *Whatsapp business*، على أن يتم بدء تحويل جميع مراسلات العمل إليه ابتداءً من اليوم.
وتفضلوا بقبول فائق الشكر والتقدير.

مع أطيب التحيات،
*محاسب قانوني / طارق محمد الصيرفي*

للتواصل عبر واتساب:
👇
wa.me/201556688788

24/05/2025

🔴 هو ليه الدولار بينزل قدام الجنيه؟

لو بتتابع أخبار الدولار في مصر الفترة دي، أكيد لاحظت إن الجنيه المصري بقاله كام يوم عمال يزيد بشكل مفاجئ وغريب قدام الدولار، لدرجة إن الدولار النهارده كسر حاجز الـ 49.8 جنيه لأول مرة من 6 شهور، بعد ما كان وصل 51 و52..

⚫️ طب هو أيه اللي بيحصل بالظبط؟!

هل الاقتصاد المصري فعلًا بيتحسن، ولا اقتصاد أمريكا هو اللي بينهار بسبب قرارات ترامب المتهورة، وده اللي متسبب في تراجع الدولار بالشكل اللي حاص دلوقتي؟

الحقيقة يا صديقي، إن اللي بيحصل هو الاتنين مع بعض.. والتفاصيل المرة دي مهمة جدًا وهتبهرك.. ف حضر كوباية شايك الحلوة والنعناع ☕️ وتعالى معايا أحكيلك بالظبط أيه اللي بيحصل في الاقتصاد المصري، وعلاقته بالاقتصاد الأمريكي وسياسات ترامب، وازاي ده هيأثر عليك انت بشكل مباشر خلال الفترة الجاية!

شوف يا سيدي 👇

🔴 من كام يوم، البنك المركزي المصري أعلن لأول مرة ان احتياطي النقد الأجنبي في مصر وصل لحوالي 48.14 مليار دولار، بعد ما كان من فترة بسيطة حوالي 33 مليار بس.. ولو مش فاهم مدى ضخامة الرقم ده، فخليني أقولك انه يعتبر أكبر مستوى للاحتياطي الأجنبي في تاريخ مصر الحديث تقريبًا..

طيب ده حصل ليه؟

🔵 اللي حصل ده (اقتصاديًا) له أسباب كتير، بس أهم سبب فيهم هو تحويلات المصريين بالخارج اللي زادت بنسبة حوالي 72.4% كاملين، بعد التعويم اللي حصل في شهر مارس 2024، واللي -برغم إنه وقع قيمة الجنيه- إلا إنه فك أزمة كبيرة جدًا كانت بتواجه الاقتصاد المصري بسبب انه قضى تقريبًا على السوق السوداء للدولار في مصر، وخلى المغتربين كلهم يحولوا الدولار على البنوك المصرية، عشان السعر بره البنك هو نفسه السعر جوه.. وده هو نفسه الوضع اللي مستمر لحد دلوقتي..

طيب هل ده كل شيء حصل في اقتصاد مصر؟!

🟢 لأ طبعًا.. الحقيقة ان الأرقام الرسمية اللي البلد محققاها مؤخرًا محدش كتير مركز معاها، برغم انها تستاهل تركيز كبير.. وعشان كده، خد عندك كام تقرير اقتصادي هيفرحوك شوية وسط الغم اللي احنا عايشين فيه.. وكل رقم أنا قلته أو هقوله في المقال ده هيكون مدعوم بمصادر رسمية من وكالات غربية هسيبهالك تحت في الكومنتات، عشان ميجيش في بالك انها مجرد أرقام مزيفة.. وابقى خدلك بصة ع المصادر 👇

1️⃣ أول حاجة عندنا هي صادرات مصر غير البترولية.. يعني الصادرات الزراعية أو الصناعية اللي مالهاش علاقة بالبترول والغاز الطبيعي.. الصادرات دي يا صديقي زادت بنسبة 27.4% في أول 4 شهور من 2025، ووصلت لـ16.7 مليار دولار. وده أدى لتقليص عجز الميزان التجاري بنسبة 28.3% مقارنة بالسنة اللي فاتت..

🟣 طب يعني أيه الكلام ده؟

يعني الاقتصاد بدأ ياخد نفسه شوية ويزيد الاعتماد على الإنتاج المحلي والتصدير أكتر من اعتماده على الاستيراد زي ما كان حاصل الفترة اللي فاتت.. والحقيقة يا صديقي ان اللي حصل ده مش مجرد صدفة، بل هو نتيجة تغيير السياسات الاقتصادية للبلد خلال الفترة اللي فاتت، واننا بدأنا نشوف قرارات بيتم اتخاذها بتركز على التوسع في الصناعة المحلية، وزيادة الإنتاج الزراعي والصناعي...

طب ازاي بقى؟

2️⃣ عندك في قطاع الزراعة مشاريع قومية مهمة جدًا تم اطلاقها، منها مثلًا مدينة مستقبل مصر الزراعية الجديدة اللي زرعت أكتر من 3 مليون فدان قمح، وجابت إنتاج قياسي وصل لـ 10 مليون طن السنة دي بس.. وكمان فوق ده؛ متوقع انها تحقق مليار دولار سنويًا من خلال إنتاج 400 ألف طن من السكر، و40 ألف طن من البطاطس، و26 ألف طن من مركزات البرتقال والرمان، و30 ألف طن من الخضر المجمدة.

🟡 طب سيبنا من الزراعة.. أيه اللي في الصناعة؟!

3️⃣ في قطاع الصناعة يا صديقي في تطويرات مبهرة جدًا حصلت، وأكيد انت خدت بالك منها في الأخبار خلال الفترة اللي فاتت، خصوصًا لو انت متابع قطاع السيارات..

وده عشان مصانع السيارات المصرية بدأت مؤخرًا تتعاون مع العلامات التجارية الكبيرة وشركات السيارات الصينية باستثمارات مباشرة قيمتها تجاوزت مليارات الدولارات... وبالفعل بدأنا نشوف توطين لإنتاج سيارات صينية مشهورة عالميًا زي "شانجان" و"هافال "و"جيلي" على أرض مصر.. وكمان قريب هيبدأ صدور عربيات من ماركات "MG" و"GAC" و"جيتور" و"بايك" بردو هيتم تقفيلها في المصانع المصرية..

🔵 وأكيد لو انت بتحب العربيات ومتابع أخبارها، هتكون واخد بالك من الموديلات الجديدة من جيتور اللي تم الإعلان عن صدورها من يومين بتقفيل مصري، وغيرها حاجات تانية كتير.. ومش صيني بس.. حتى عربيات "بروتون" بقى بيتم انتاجها في مصر بردو.. وغيرها عربيات تانية أوروبي..

4️⃣ كمان في قطاع الإلكترونيات، شركة "أوبو" الصينية أعلنت عن إنشاء تاني أكبر مركز صناعي عالمي لها في مصر باستثمارات حوالي 30 مليون دولار، بتستهدف إنتاج 4.5 مليون تليفون ذكي سنويًا..

🔵5️⃣ كمان الصين يا صديقي دلوقتي دخلت في مفاوضات جدية مع مصر لإنشاء أول بنك صيني في المنطقة الاقتصادية لقناة السويس، وبتخطط تفتح أكتر من 1000 مصنع جوه مصر خلال الـ5 سنين الجاية.. وده مش بس هيخلي المعاملات بين مصر والصين أسرع وأسهل، لكن كمان هيساهم في تقليل الضغط على الدولار الأمريكي ويقوي موقف الجنيه.

🔴 كل ده ساعد مصر إنها لأول مرة وبتصريح رسمي من رئيس الوزراء نفسه، تقول انها خلاص هتستغني عن خدمات صندوق النقد الدولي تمامًا، وعلى حد تعبيره: "مش هنحتاج لبرامج إضافية من صندوق النقد مستقبلًا خلاص".. يعني معنى كده إن مصر بدأت تتجه للإعتماد على نفسها وعلى مواردها الداخلية والطبيعية وزيادة الإنتاج والتصدير، بعد سنين من الديون والضغوط الخارجية اللي ما زالت مستمرة لحد دلوقتي..

🟢 وأقولك على خبر تاني أحسن ممكن يبسطك نسبيًا؟!

حسب كلام حسن عبد الله محافظ البنك المركزي المصري في شهر إبريل اللي فات، ديون مصر الخارجية انخفضت من حوالي 168 إلى حوالي 154 مليار، ونسبة التضخم اللي كانت وصلت 38% من كام شهر وعمالة تزيد، حاليًا انخفضت لحد ما وصلت 13%.. وهسيبلك فيديو لكلامه تحت في الكومنتات 👇

🟠 طبعًا الأرقام دي لسه ما زالت مش أحسن حاجة.. بس هي عبارة عن مؤشرات ان الاقتصاد المصري اللي كان بيجاهد عشان بس يفضل محافظ على نفسه فوق المية وميغرقش، بدأ حاليًا يتعافى وياخد خطوات حقيقية على طريق الاستقرار.. ولسه ناقص قرارات واجراءات كتير جدًا تقدر تواجه بيها غلاء الأسعار والمعيشة في مصر، أبسطها مثلًا حل مشكلة اللاجئين، وتدشين قوانين جديدة لمراقبة الأسعار اللي بيرفعها التجار بدون أي اعتبار لتراجع سعر الدولار أو التسهيلات اللي بتتقدملهم للاستيراد..

بس الخلاصة هو ان كل اللي فات ده خلى المستثمرين العالميين يشوفوا إن الجنيه المصري بقى عملة أكثر استقرارًا مما كانته خلال الفترة اللي فاتت.. خصوصًا ان مع كل البلاوي اللي حصلت في العالم وفي الشرق الأوسط، وفي وسط حرب غزة وضربات الحوثيين على البحر الأحمر وتوقف قناة السويس وكمان حرب ترامب التجارية مع الصين وأوروبا، بردو الجنيه المصري موقعش أكتر، وفضل محافظ على سعره قدام الدولار.. بل كمان بدأ دلوقتي سعره يزيد قدام الدولار.. وده مؤشر على ان الاقتصاد المصري أخيرًا بدأ يتحسن..

🔴 طب هل الأرقام الاقتصادية اللي اتحسنت نسبيًا في مصر دي، هي السبب الوحيد لتراجع سعر الدولار؟! وهل هو بيرجع قدام الجنيه المصري بس؟

لأ خالص.. الحقيقة يا صديقي ان اللي بيعمله ترامب في أمريكا دلوقتي، يوقع أي عملة مهما كانت قوتها.. وعايز أقولك ان الكام قرار وتصريح اللي هو قالهم في الكام يوم اللي فاتوا، سببوا موجة ذعر وخوف من المستثمرين في الأسواق والأسهم الأمريكية.. وده بردو جزء كبير من سبب اللي بيحصل للدولار دلوقتي..

طب هو أيه اللي بيحصل يا عم علام؟ هقولك..

🟣 اللي بيحصل هو ان بحسب تقارير بلومبرج، فـ من بداية السنة الدولار فقد حوالي 7% تقريبًا من قيمته قدام العملات العالمية، ولسه من يومين ترامب قرر يفتح النار على الاتحاد الأوروبي وهددهم برسوم 50% على وارداتهم عشان (مش عايزين يوصلوا لاتفاق معاه)..

وكمان هدد أكبر شركة تكنولوجيا أمريكية تقريبًا اللي هي "أبل"، بإنه هيفرض عليها رسوم بنسبة 25% لو ما نقلتش مصانعها لأمريكا... وده خلى الدولار ينزل لأدنى مستوى من سنتين تقريبًا، ووقع القيمة السوقية لـ "أبل" لما تحت الـ 3 تريليون دولار، بعد ما كانت عدتها وشرخت لفوق وتفوقت على الكل!

🟠 طب هل ده كل حاجة؟!

لأ وحياتك..

🔵 المستثمرين فقدوا الثقة في استقرار الاقتصاد الأمريكي بسبب قرارات ترامب المتهورة وغير المحسوبة، وبدأوا يهربوا للدول التانية والعملات المستقرة زي الدهب اللي سعره بدأ يرفع تاني بعد ما كان نزل شوية بعد الاتفاق اللي حصل بين أمريكا والصين من كام يوم وتجميد الرسوم الجمركية الأمريكية على الصين..

🟡 وفوق كده، البنوك العالمية الكبرى زي "مورجان ستانلي" و"جي بي مورجان" أعلنوا بوضوح في تقاريرهم إن الدولار دخل مرحلة ضعف طويلة المدى وهينزل كمان حوالي 10% خلال السنة دي.. وكمان وكالة "موديز" الاقتصادية العالمية خفضت لأول مرة في التاريخ تصنيف أمريكا الإئتماني بدرجة واحدة من "Aaa" إلى "Aa1".. وده مؤشر على ارتفاع الدين القومي وتكاليف الفايدة..

يعني أمريكا نفسها اللي صنعت النظام المالي والتجاري العالمي الحالي، بقت بتنزل درجة في التصنيف!

🔴 وهنا بقى نيجي لأهم سؤال... هل هتنجح مصر في استكمال مسيرة التعافي الاقتصادي دي وتستفيد من الوضع الجديد؟

الأيام الجاية هتقولنا، وربنا يوفق بلدنا لكل خير..

🟢 وفي النهاية، لو الموضوع عجبك وشايف إن الكلام ده يستاهل يتعرف، اعمل شير وخلي الناس تفهم إيه اللي بيحصل حواليها.. وكالعادة هتلاقي المصادر والتقارير الاقتصادية كلها في الكومنتات تحت 👇

#علام

15/04/2025

مطلوب سكرتيرة للعمل بمكتب المحاسب القانوني/ طارق محمد الصيرفي - تتوفر فيها الشروط الآتية:

أولاً: المؤهلات العلمية والعملية

• شهادة مناسبة مؤهل عالي (يفضل).
• إلمام بأنظمة المراسلات الإدارية والبرامج المكتبية (مثل Microsoft Office).
• خبرة سابقة في مجال السكرتارية أو الإدارة المكتبية (يفضل).
• من سكان مدينة المحلة الكبرى فقط.

ثانياً: المهارات الشخصية

• اللباقة في الحديث وحسن الاستقبال.
• مهارات تنظيم عالية والقدرة على ترتيب الأولويات.
• مهارة في إدارة الوقت والقدرة على العمل تحت الضغط.
• الانتباه للتفاصيل.
• مهارات تواصل ممتازة (كتابية وشفوية).

ثالثاً: المظهر والسلوك

• مظهر مهني لائق.
• الالتزام بالمواعيد والانضباط.
• السرية التامة في التعامل مع المعلومات.

رابعاً: المهام الأساسية للسكرتيرة

• تنظيم المواعيد مع العملاء.
• إدارة المكالمات الهاتفية والمحادثات الالكترونية والرد على البريد الإلكتروني.
• تنظيم الملفات والأرشفة
• مساعدة المدير أو الفريق التنفيذي في الأعمال اليومية.
• الاهتمام بتنظيم وترتيب المكتب والمحافظة على نظافته بصفة مستمرة.

للتواصل واتساب او تليفونيًا على الرقم 01127870303

28/02/2025

كل عام وأنتم بخير، مبارك عليكم الشهر الفضيل، أسأل الله أن يرزقكم راحة البال وسعادة الدارين، وأن يتقبل أعمالكم.

رمضان كريم ☪️

18/02/2025

«تذكير»...🚨
*اذا كنت تمتلك بطاقة ضريبية ف انت ملزم قانونيا بتقديم الاقرار الضريبي:
📌قبل نهايه مارس ٢٠٢٥ للافراد.
📌وقبل نهايه ابريل ٢٠٢٥ للشركات.

#بدءـموسمـالاقراراتـالضريبية
#مصلحةـالضرائبـالمصرية

16/02/2025

28/01/2025

هام وعاجل ‼️🚨