M.O Accounting & tax

https://www.facebook.com/share/1BSortzYoy/

إعلان هام

اعتبارًا من ١ أكتوبر ٢٠٢٥ تبدأ منطقة القاهرة أول والمأموريات العشر المدمجة التابعة لها العمل على منظومة ميكنة إجراءات العمل الضريبي الجديدة SAP، وذلك ضمن خطة مصلحة الضرائب المصرية للتحول الرقمي الشامل.

المأموريات التي سيتم تطبيق المنظومة الجديدة بها:
مصر الجديدة أول
مصر الجديدة ثانى
مدينة نصر أول
مدينة نصر ثانى
مدينة نصر ثالث
المهن الحرة (لمنطقتي القاهرة أول وثانى)
النزهة
مدينة السلام
المرج
بدر

خطوة جديدة نحو التيسير على الممولين ورفع كفاءة الأداء الضريبي.

لمزيد من التفاصيل ادخل على التعليقات..

اخر تحديث لدول الملاذ الضريبي الصادره عن الاتحاد الأوروبي
الدول الغير متعاونة من الناحية الضريبية

من امتحانات جمعية المحاسبين والمراجعين السابقة

الضرائب العقارية في ٦ فقرات هامة
١:المكلف بالضريبة هو مالك العقار او من له حق انتفاع عيني بالعقار
يعني ايه حق انتفاع عيني يعني تقدر تتصرف في الشقه بالغير او تسكن فيها ما عدا انك تبيعها طول مده الانتفاع فبتعامل معامله المالك امام الضرائب العقارية

٢:الضريبة العقارية بتتحسب علي اساس تحديد القيمة السوقية للوحدة وده اللي بيحدده لجان اسمها الحصر والتقدير بتقيم. العقار بناء علي اسس معينة زي قربه من الخدمات المدارس والمستشفيات والحدائق العامه ونوعيه مواد البناء وتوافر المواصلات العامة

٣:بتتحسب ازاي الضريبة بالمعادلة دي
الضريبة العقارية للسكن الخاص الرئيسي اللي عايش فيه
وعاء الضريبة العقارية =(القيمة السوقية ×60%×3%×70%) - 24000 اعفاء
الضريبة العقارية = الوعاء × 10%

السكن الخاص الرئيسي بيكون له ٢٤٠٠٠ ج اعفاء سنويا من صافي القيمة الايجارية وما زاد عن ذلك يخضع للضريبة
طيب لو عندك وحدة تانيه اضافية هتطبق نفس المعادلة بس مش هتخصم الاعفاء
طيب لية ضربت القيمة السوقية في ٦٠% ؟ عشان احصل علي القيمة الرأسمالية التقديرية اللي مفترض اكون اشتريت بيها الشقة
طيب ليه ضربت القيمة الراسمالية في ٣%؟ عشان احصل علي القيمة الايجارية التقديرية اللي من المفترض اكون اجرت بيها الشقة للغير
طيب ليه ضربت القيمة الايجارية في ٧٠% ؟عشان استبعد التكاليف الخاصه بالعقار وقدرها ٣٠ % من القيمه الايجارية واحصل علي صافي القيمة الايجارية اللي بطرح منها حد الاعفاء ٢٤٠٠٠ عشان اوصل في النهاية لوعاء الضريبة

٤: ازاي احصل علي اعفاء السكن الخاص الرئيسي من الضريبة لو قيمته الايجارية المقدره تساوى او اقل من ٢٤٠٠٠ هتروح المأمورية تعرف التقدير كام علي وحدتك او في حالة لو وصلك اخطار من المذكورين وتقدم طلب اعفاء وتقول سبب الاعفاء ان الوحده هي السكن الخاص الرئيسي بالنسبالك وتقدم مع طلب الاعفاء بيان بالوحدات المملوكة ليك بالكامل لان ده شرط اساسي للاعفاء

٥:بالنسبة الوحدات الإدارية والمحلات الضريبة بتتحسب ازاي بنفس الطريقة اللي قولنا عليها فوق مع اختلاف ان حاجتين بس
اول حاجة : لما باجي احدد صافي القيمة الايجارية بضرب القيمة الايجارية × ٦٨ % عشان استبعد نسبه المصاريف بالنسبه الوحدات الإدارية والمحلات ونسبتها ٣٢%
ثاني حاجة : بيكون في اعفاء للوحدات الغير سكنيه ١٢٠٠ ج سنويا من صافي القيمة الايجارية

٦: لو عندك وحده واحده فقط سكن خاص رئيسي واجرته سكني هيسقط حقك في الاعفاء ونطبق نفس المعادلة في الفقرة ٣ بس من غير ما نطرح ٢٤٠٠٠