Dr.Khaled Gad

Capital structure تركيبة رأس المال
هي نسبة الديون إلي حقوق الملكية
بعض الناس يرون أن النسبة المناسبة هي 70% 30 %
والبعض يري أن النسبه يفضل أن تكون 60% 40%
تفتكر أيه هي النسبة المثلي لتركيبة رأس المال ؟

Break Even point نقطة التعادل
هي النقطه التي يتم عندها تغطية جميع التكاليف الثابته والمتغيرة دون ربح أو خسارة
تعرف طريقة حساب نقطة التعادل ؟

Expenses analysis تحليل المصروفات
هي من أهم خطوات الإدارة الماليه الناجحه لأن التحليل ده ممكن يكشف الأهدار في الموارد أو الصرف غير المبرر
تفتكر أيه أفضل طريقةممكن تحدد الصرف غير العادي أو الزائد عن الطبيعي ؟

Variable costs
التكاليف المتغيرة
هي المصاريف اللي بتزيد أو تقل حسب الإنتاج مثل المواد الخام أو مع المبيعات مثل عمولة البيع
الرقم اللي بيطلع بعد خصم التكاليف المتغيرة من صافي الأيراد أو صافي المبيعات إسمه أيه ؟

Provisions المخصصات
هي مبالغ بتجنبها الشركات لمواجهة إلتزامات أو خسائر متوقعه أو محتمله زي مخصص ضرائب ومخصص ديون مشكوك في تحصيلها ….
تفتكر المخصصات بتبقي عبئ علي الأرباح ولا توزيعات أرباح ؟

Accelerated depreciation الإهلاك المعجل
دي طريقه لتوزيع تكلفة الأصل بشكل أسرع في أول سنوات الخدمه وده بيقلل الأرباح في البدايه لتخفيف الضرائب "
تفتكر الشركات الكبيرة ممكن تستخدم الأهلاك المعجل ليه تاني؟

Retained earnings الأرباح المحتجزه
هي الأرباح اللي الشركة بتحتفظ بيها بدل ماتوزعها وممكن تستخدمها في التوسعة أو النمو للشركة
في رأيك الشركة تحتفظ بالأرباح وتعيد إستثمارها ولا توزعها علي المساهمين أفضل؟

Good well أو شهرة المحل
هي عبارة عن الفرق بين سعر السوق للشركة وقيمتها الدفترية اللي هي قيمة أصولها - التزاماتها
تفتكر إمتي الشهرة تتسجل في الدفاتر كأصل وأمتي ماتتسجلش ؟

رأس المال العامل الإيجابي ( positive working capital )
هو عباره عن زيادة الأصول المتداوله عن الإلتزامات المتداوله وده معناه أن الشركة عندها سيوله كافيه لسداد الإلتزامات المتداوله
تفتكر إنها حاجه كويسه ولا لأ لما يكون فيه سيوله كافيه لسداد الإلتزامات المتداوله؟

التكاليف الثابته Fixed cost
هي المصاريف اللي مابتتغيرش مع حجم الإنتاج زي الإيجارات
تفتكر إيه اللي ممكن يموت التكاليف الثابته؟

العائد علي الإستثمار ROI
هو مقياس بيقولك هل الإستثمار اللي عملته مربح ولا لأ
العائد علي الإستثمار = صافي الربح / قيمة الإستثمار x ١٠٠
تفتكر إيه العائد المناسب لأي إستثمار دلوقتي عشان تقول إنه ناجح؟"

المخزون (inventory)
هو البضاعة الجاهزة للبيع أو المواد الخام اللي لسه تحت التصنيع أو المستلزمات وقطع الغبار
إدارة المخزون بشكل صحيح بيضمن عدم تعطل حركة العمل وعدم زيادة التكاليف
تفتكر زيادة المخزون خطر ولا مفيد للشركات ؟